Trènt Alèxander-Arnold

Pamain bal-balan

Trènt Alèxander-Arnold yaiku salah siji pemain bal-balan kang asalé saka Inggris lan main ing klub Liverpool FC. Dhèwèké lair ing kutha Liverpool tanggal 7 Oktober 1998 lan kawit cilik wis lumebu akadhemi bal-balan Liverpool.[1] Pemain kang bisa gayuh juwara Liga Champion sadurungé umur 21 taun iki gabung ing akadhemi bal-balan Liverpool wiwit umur enem taun, selawasé ing akadhemi dhèwèké bisa nuduhaké kaprigelané minangka bèk enom kang linuwih tinimbang pemain kang rata-rata padha umuré. Sawisé bisa nembus tim utama, Trènt dadi salah siji pemain kang labuh labeté wigati banget jalaran arang didadèkaké minangka pemain sèrep.[2][3]

Trent Alexander-Arnold
Trènt Alèxander-Arnold nalika ing Piala Donya Ruslan 2018
Katerangan priangga
Jeneng dawa Trent John Alexander-Arnold
Tanggal lair (1998-10-07) 7 Oktober 1998 (umur 25)
Papan lair Liverpool,  Inggris
Dhuwur 5 ft 9 in (1.75 m)
Posisi main Bèg swiwi
Katerangan klub
Tim saiki
Liverpool
Angka 66
Karir nom
2004–2016 Liverpool
Karir sénior*
Taun Tim Main (Gul)
2016–saiki Liverpool 180 (11)
Tim nasional
2013–2014 Inggris U-16 6 (0)
2014–2015 Inggris U-17 11 (0)
2016 Inggris U-18 2 (0)
2016–2017 Inggris U-19 10 (7)
2017– Inggris U-21 3 (0)
2018–saiki Inggris 18 (1)

* Gunggung main lan gul ing klub sénior tumrap liga dhomèstik iki mligi lan patitis per pukul 23:46, 21 Januari 2023 (UTC).

‡ Gunggung main lan gul ing tim nasional iki patitis per pukul 21:10, 29 November 2022 (UTC)

Jebolan Akadhemi besut

Trent dadi siji-sijiné pamain saka akadhemi Liverpool kang duwé labuh gedhé nyengkuyung Liverpool menangi sakèh gelar aji ing Eropa lan Inggris mangsa 2019 lan 2020. Kawit jaman biyèn Liverpool dadi tim kang asring nglairaké bakat-bakat kang bakal duwé jeneng kang gedhé kaya ta Robbie Fowler utawa Steven Gerrard. Nganti Gerrard aliihan klub ing taun 2015 mèh ora ana pamain asli akadhemi kang bisa nembus tim utama Liverpool. Taun 2016 Trent miwiti tetandhingan aguna sepisané ing tur mangsa 2016 Amérika Sarékat. Sithik mbaka sithik bocah scouser kasebut bisa ngimbangi kaprigelan pamain sénior liya satemah jenengé dadi misuwur ing mangsa 2017-18. Mapan ing posisi bèg swiwi tengen, Trent kulina ngirim operan silang kang akurat kanggo pamain Liverpool liyané, mula dhèwèké kasil nggémbol top assist ing Liga Primèr Inggris kanggo bèg swiwi tengen, kamangka pamain kang asring nyumbang operan akèhé saka posisi glandhang. Pamain kang nembé mentas saka akadhemi kasebut saliyané rosa ana buri uga sregep bantu serangan, kanthi mangkono dhèwèké malah dibandhingaké kalawan tilas kaptèn Brasil Cafu.[4]

Wiwitan Karir besut

Alexander-Arnold wiwitané yaiku minangka pamain glandhang tengah, nanging karo Jürgen Klopp dilih menyang bèg swiwi tengen kang ngédab-édabi. Trènt lumebu akadhemi Liverpool ing umur 6 taun lan naté ngaptèni tim yunior U-16 lan U-18. Malah ing buku biografiné Steven Gerrard dhèwèké karem marang bocah kang naté dilatih ing akadhemi. Trènt nglakoni dhebuté ing tetandhingan Piala Liga lumawan Tottenham Hotspurs 25 Oktober 2016. Mung rong minggu sawisé ambal warsa kawolulas. Wulan Dhésèmber dhèwèké lumebu lapangan minangka pamain pangganti ing Middlesbrough. Jürgen Klopp duwé cukup keyakinan kanggo masang Trènt ing tetandhingan wiwitan Liga Primèr Inggris ing Old Trafford Januari 2017, ing pungkasan mangsa dhèwèké nyathet 12 panampilan, pitu antarané ana liga. Sawise pra musim sing apik banget lan karo Nathaniel Clyne kang nandang cidra, Alexander-Arnold miwiti mangsa 2017/18 minangka pamain bèg swiwi tengen lan nggawe gol sepisan nglawan TSG Hoffenheim ing kualifikasi Liga Champions tanggal 15 Agustus, kanthi tendhangan bebas mlengkung menyang gawang. Sawisé berjuang karo Joe Gomez kanggo posisi kasebut, dhèwèké dadi piyandel ing separo mangsa lan dadi pamain paling enom Liverpool tampil ing final Liga Champions. Trènt uga klebu menyang tim Piala Donya Inggris senajan ora dimainaké, nalika nggawé dhebut ing tetandhingan grup pungkasan lumawan Kosta Rika ing Elland Road tanggal 2 Juni.[5]

Rujukan besut

  1. "Trent Alexander-Arnold - Player profile 19/20". www.transfermarkt.com (ing basa Inggris). Dibukak ing 2020-07-11.
  2. "Trent Alexander-Arnold Profile, News & Stats | Premier League". www.premierleague.com (ing basa Inggris). Dibukak ing 2020-07-11.
  3. "lfc_fixture_firstteam_player_profile". Liverpool FC. Dibukak ing 2020-07-11.
  4. "Trent Alexander-Arnold Dadi Panerus Steven Gerrard ing Liverpool (Saka Basa Indonésia)". CNN Indonesia. 2020-06-28.
  5. "Liverpool career stats for Trent Alexander-Arnold - LFChistory - Stats galore for Liverpool FC!". www.lfchistory.net. Dibukak ing 2020-07-12.