Warseno Slank
Ir. Warseno Hardjodarsono, M.Si. utawi langkung misuwur kanthi asma Ki Warseno Slank (lair ing Klaten, Jawa Tengah, 18 Juni 1965; umur 59 taun) inggih punika salah satunggalipun seniman saking Indonesia. Namanipun misuwur lumantar pakaryanipun awujud pagelaran wayang kulit lan wayang wong. Warseno kalebet salah satunggalipun dhosèn ing Universitas Tunas Pembangunan Surakarta. Piyambakipun punika rayi kandhungipun Ki Anom Suroto.[1][2][3] Ki Warseno Slank naté nampi bebungah saking Présidhèn Republik Indonesia nalika adicara Festival Greget Dalang Surakarta, taun 1995.
Latar wingking
besutWarseno lair ing Kabupatèn Klaten, Jawi Tengah. Awit taksih nèm, piyambakipun sampun ngangsu kawruh babagan pedhalangan. Pyiambakipun miwiti kiprahipun nalika taksih yuswa nembelas taun. Kaprigelanipun ndhalang tumurun lan awit saking panggulawenthahipun tiyang sepuhipun, Ki Harjadarsana ingkang ugi misuwur minangka dhalang wonten tlatah Kabupatèn Klaten Jawa Tengah, taun 1950 dumugi 1975. Kajawi punika, Ki Warseno ugi naté sinau pedhalangan kalih semester wonten Institut Seni Indonesia Surakarta. Wiwitanipun, gagrag pakeliranipun ndhèrèk punapa ingkang kalampahaken déning kang raka, Ki Anom Suroto. Nanging dangu-dangu piyambakipun nemokaken ciri wanci ingkang bènten, langkung rumaket dhumateng para pamirsa mliginipun nèm-nèman. Warseno kadhang kala inggih nggabungaken warni-warni musik ètnis kaliyan musik Kilènan, sarta nglebetaken eksperimen kreatif kanthi nyuguhaken warni-warni musik kados ta rock, punk, rap kairing gamelan. Kasilipun pagelaranipun dipunremeni déning para nèm-nèman ingkang kasebat wayang campursari.[4][5]
Ing kalodhanganipun wekdal, Warseno taksih sagah ngemunah satunggalipun stasiyun Radio Suara Slank ingkang ngandhut adicara mliginipun kabudayan Jawi, mucal èlmu pedhalangan, lan ngawontenaken pagelaran wayang kulit Setu Legèn.[6][7]
Bebungah
besutUgi pirsani
besutRujukan
besut- ↑ Joglo Semar: Semar Mbangun Kayangan untuk masa keemasan Archived 2015-04-02 at the Wayback Machine., kapundhut 17 Maret 2015
- ↑ Website pribadi Warseno Slank Archived 2015-03-23 at the Wayback Machine., kapundhut 17 Maret 2015
- ↑ Website pribadi Ki Joko Edan Archived 2016-01-11 at the Wayback Machine., kapundhut 17 Maret 2015
- ↑ Website resmi MPR RI: Pagelaran Wayang Kulit Dengan Dalang Ki Warseno Slenk Di Provinsi Bengkulu, kapundhut 17 Maret 2015
- ↑ Website resmi UIN Walisongo: Wayang Kulit di IAIN Archived 2023-10-06 at the Wayback Machine., kapundhut 17 Maret 2015
- ↑ Wayang: Ki Warseno Slank, kapundhut 17 Maret 2015
- ↑ Solo Raya Online: Kethoprak Seniman Muda Surakarta gelar pentas Kresno Duta Archived 2015-03-16 at the Wayback Machine., kapundhut 17 Maret 2015
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |