Willy Dozan
Willy Dozan (lair ing Magelang, Jawa Tengah, 10 Fèbruari 1957; umur 67 taun) inggih punika salah satunggalipun bintang filem lan sinétron Indonesia.[1] Willy Dozan naté manggèn ing Hongkong, Taiwan, Jepang lan Amérikah Sarékat kanggé nyinaoni lan nekuni filem ingkang genre-nipun 'action. Willy Dozan naté dados bintang sinétron laga Deru Debu.[1] Willy Dozan ugi naté sekolah ing Kahana's Stunt School ing California, Amérikah Sarékat. Willy lair kanthi nama Chuang Chen Li, lan nama internasionalipun Billy Chong.[1] Willy Dozan punika rayinipun bintang filem nasional ing taun 1980-an Leo Chandra (ingkang misuwur kanthi asma Leo Dozan).[1]
| Willy Dozan | |
|---|---|
| Lair | Fèbruari 10, 1957 Magelang, Jawa Tengah, Indonesia |
| Bangsa | Indonesia |
| Bojo | Betharia Sonatha (bercerai) Tini Kartini (bercerai) Chika (bercerai) |
Willy Dozan pegatan kaliyan Betharia Sonata ing pungkasanipun Agustus 2002.[2] Saking palakrami punika Willy lan Betharia patutan kalih, Mohammad Leon Rahman Dozan lan Nabila Rahman Dozan.[2] Sarta Willy Dozan ingkang agaminipun Kristen punika mlebet Islam saderengipun badhé palakrami kaliyan Betharia Sonata.[2] Willy Dozan lajeng palakrami malih kaliyan Tini Kartini ing Désa Cipongkor, Bandung, Jawa Barat, 2 Mèi 2004.[3] Nanging boten dangu, Willy Dozan lan Tini Kartini pegatan sanajan nembé mangun bale wisma sadangunipun tigang sasi.[3] Willy Dozan palakrami malih kaliyan Chika Ravieta ingkang nalika samanten nembé umur 21 taun ing 20 Juli 2007.[4] Dereng wonten satunggal taun, Willy nggugat cerai ing tanggal 3 Maret 2008.[1]
Cathetan suku besut
- ↑ a b c d e Profil Archived 2010-03-25 at the Wayback Machine. dipunundhuh tanggal 29 Juli 2011)
- ↑ a b c Willy Dozan Ingin Betha Kembali dipunundhuh tanggal 29 Juli 2011)
- ↑ a b Keretakan Willy Dozan dan Tini Karena Sang Anak dipunundhuh tanggal 29 Juli 2011)
- ↑ Willy Dozan, Sempat 'Tersendat' Saat Ijab Kabul dipunundhuh tanggal 29 Juli 2011)
Pranala njawi besut
Profil Archived 2010-03-25 at the Wayback Machine.
| Artikel iki minangka artikel rintisan. Kowé bisa ngéwangi Wikipédia ngembangaké. |