Wulu (aksara Jawa)

Wulu iku sawjining sandhangan swara sajeroning aksara Jawa Hanacaraka lan uga ing Aksara Bali, sing ngowahi swara saka foném /a/ ing aksara nglegena dadi swara /i/. Sandhangan swara wulu iki dunungé ing sadhuwuring aksara. Pocapan aksara nglegena sing dipasangi sandhangan iki banjur owah, tuladha aksara nglegena 'ga' sing dipasangi sandhangan wulu dipocapaké 'gi'.

Sandhangan wulu

Sandhangan swara

Sandhangan wulu iki uga bisa dikombinasi karo sandhangan panyigeg kaya déné cecak lan layar sahéngga uniné banjur owah dadi "ing" lan "ir". Tuladha panulisan tembung "singkir" sing migunakaké sandhangan campuran wulu lan cecak sarta wulu lan layar:

Sajeroning standar Unicode versi 5.2 kodhe sandhangan wulu iki wujud kodhe A9B6

Wangun

Wangun lan fungsi tandha wulu sajeroning aksara Jawa mrebawani marang tandha ulu ing aksara Bali. Prabédan mung dumunung ing variasi cara panulisan.

Aksara Jawa		Aksara Bali
Wulu	Wulu melik	Ulu	Ulu sari

Fungsi lan panggunaan

Aksara Jawa lan Bali wujud aksara abugida, yakuwi saben aksara konsonan ngandhut vokal /a/ lan mbutuhaké tandha vokalisasi kanggo ngowahi vokal mau. Wulu utawa ulu ngganti vokal /a/ dadi vokal /i/ ing aksara sing dipasangi. Wulu utawa ulu ditulis ing sadhuwuring aksara sing dipasangi, lan bisa ditulis bebarengan karo tandha sandhangan/pangangge liyané sing kudu ditulis sadhuwuring aksara, contoné layar/surang lan cecak/cecek.

Uga delengen

• Suku
• Pepet
• Taling
• Taling tarung