Tuduhaké menu pokok

Zinédine Zidane inggih punika salah satunggalipun juru main bal-balan saking Prancis.[3] Zinédine Zidane lair tanggal 23 Juni 1972 ing Prancis.[3][4] Zidane gadhah nama sanès Zizou.[5] Tiyang sepuhipun Zinédine Zidane asalipun saking Aljazair.[3] Nalikanipun taksih alit, Zidane kirang remen sekolah, piyambakipun langkung remen main bal-balan.[3] Ing yuswa 16 taun, salah satunggalipun tiyang ingkang namanipun Jean Varraud ngrekrut Zidane dhateng Cannes.[3] Setunggal taun salajengipun, Zidane main ing tim senior klub divisi satunggal Prancis, inggih ing klub Bordeaux ing taun 1992.[3] Wonten ing klub punika, Zidane main ngantos dumugi final piala UEFA taun 1995-1996.[3] Amargi prestasinipun punika saged damel klub Juventus remen lan kepéngin nyéwa jasanipun Zidane.[3] Zidane lajeng pindhah dhateng klub Juventus, salah satunggalipun klub divisi satunggal ing nagari Italia.[3] Ing klub Juventus, Zidane saged ngrebut piala UEFA, piala Super Éropah, lan piala Interkontinental.[3] Zidane ugi saged menangaken Juventus ing liga Calcio Italia ing taun 1997 lan 1998. Sanèsipun punika, ing taun 1997 lan 1998 Juventus ugi saged mlebet final liga Champions.[3] Wonten ing kompetisi internasional, Zidane dados kembang lambé sasampunipun saged mbekta tim Prancis ngrebut gelar Piala Dunia taun 1998 lan Euro ing taun 2000.[3] Zidane sampun pikantuk pinten-pinten penghargaan, piyambakipun naté pikantuk juru main paling saé sadonya ing taun 1998, 2000, lan 2003.[3]

Zinedine Zidane
Zidane Zizu.jpg
Zidane ing 2013
Katerangan priangga
Jeneng dawa Zinedine Yazid Zidane
Dhuwur 1,85 mèter
Posisi main Midfielder
Karir nom
1982–1983 US Saint-Henri
1983–1986 SO Septèmes-les-Vallons
1986–1988 Cannes
Karir sénior*
Taun Tim Main (Gul)
1988–1992 Cannes 61 (6)
1992–1996 Bordeaux 139 (28)
1996–2001 Juventus 151 (24)
2001–2006 Real Madrid 155 (37)
Gunggung 506 (95)
Tim nasional
1991–1994 France U-21[1] 18 (3)
1994–2006 Prancis 108 (31)

* Gunggung main lan gul ing klub sénior tumrap liga dhomèstik iki mligi.


Prestasi KepelatihanBesut

  • 2016 Juara Uefa Champions League (Real Madrid)
  • 2016 Juara Uefa Super Cup
  • 2017 Juara La Liga Spanyol (Real Madrid)
  • 2017 Juara Fifa Club World Cup (Real Madrid)

Pranala njabaBesut

Cathetan sukuBesut

  1. "Zidane's record with France U-21". Rsssf.com. Dijupuk 28 April 2011. 
  2. "Zinedine Zidane's career timeline and detailed statistics". Footballdatabase.com. 6 October 2001. Dijupuk 28 April 2011. 
  3. a b c d e f g h i j k l m Zidane(dipunundhuh tanggal 9 Juni 2011)
  4. Zinedine Zidane(dipunundhuh tanggal 9 Juni 2011)
  5. Zinedine Zidane(dipunundhuh tanggal 9 Juni 2011)