Abū al-ʿAbbās Aḥmad ibn Muḥammad ibn Kathīr al-Farghānī
Abū al-ʿAbbās Aḥmad ibn Muḥammad ibn Kathīr al-Farghānī ingkang ugi dipunmangertosi minangka Alfraganus ing bangsa kulon nan, inggih punika satunggaling astronom saking Pèrsi[1][2], ingkang ugi salah satunggaling astronom Muslim saking Sunni, lan salah satunggaling astronom ingkang misuwur ing abad kaping 9. Lan ing bulan wonten satunggaling kawah ingkang ugi dipunparingi nama kawah Alfraganus sasampunipun kawah punika kapanggih déning piyambakipun.
| Jeneng pepak | Al-Farghānī |
|---|---|
| Lair | 9th century |
| Éra | Islamic Golden Age |
| Wilayah | Baghdad |
| Kawigatèn utama | Astronomy |
| Karya utama | The compendium (jawāmiʿ) of the Almagest |
Kaprabawan déning
| |
Mrabawani marang
| |
Biografi
besutAlfraganus inggih sampun naté ndhèrèk panaliten kanggé ngétang diameter saking bumi kanggé ngétang ngginakaken busur meredian ingakng dawa, sesarengan kaliyan tim ilmuwan ing sak ngandhaping patronase saking al Ma'mun ing Baghdad. Salajengipun piyambakipun pindhah dhateng Kairo, déné ing mrika pyambakipun nyusun satunggaling risalah ngengingi astrolabe kirang langkung ing taun 856. Wonten ing mrika, piyambakipun ugi ngawasi pembangunan ageng Nilometer ing pulo al Rawda (ing Kairo ingkang dangu) ing taun 861.
Karya-karyanipun
besutPiyambakipun inggih ndhèrèk panaliten kanggé nngukur diameter bumi sesarengan kaliyan tim ilmuwan science ing sak ngandhapipun pamarentahanipun al Ma'mun wonten ing Baghdad. Bukunipun ingkang ngrembag babagan astronomi bab the celestial motions', ingkang dipunserat ing taun 833, inggih punika ngrembag babagan ringkesan deskriptip kompeten saking Ptolemy. Buku punika inggih sampun dipunalih aksarakaken ing basa Latin ing abad kaping kalih dasa lan dados misuwur sanget ing Éropah ngantos periodenipun Regiomontanus. Bukunipun ingkang kanthi irah- irahan Kitāb fī Jawāmiʿ ʿIlm al-Nujūm (كتاب في جوامع علم النجوم A Compendium of the Science of the Stars) utawi Elements of astronomy on the celestial motions, inggih dipunserat ing udakawis taun 833, inggih punika satunggaling ringkesan deskriptif kompeten Ptolemy Almagest, déné tetep ngginakaken asiling panemu lan aji- aji revisi astronom Islam saderengipun.[3] Buku punika inggih dipunalih aksarakaken dhateng basa Latin ong abad kaping kalih welas lan sanget dipunemut- emut lan misuwr sanget ing Éropah ngantos wekdal pamarentahanipun Regionontanus. Seserepan bab Dante Alighieri ing bab astronominipun Ptolemaic, kaserat cethah wonten ing bukunipun "Divina Commedia" saha karya- karya sanèsipun kados ta Convivio, inggih bok bilih ugi dipunpendhet sasampunipun maos saking karyanipun Alfraganus.[4][5] Ing abad kaping pitulas, orientalis Walanda, Jacon Golius medalaken versiseratan mawi basa Arab wonten ing wujud manuskrip ingkang piyambakipun pikantuk saking laladan wétan, kanthi pertalan énggal ing basa Latin lan kathah cathetanipun.
Cathetan suku
besut- ↑ Sir Patrick Moore, The Data Book of Astronomy,CRC Press,2000,BG 48ref Henry Corbin, The Voyage and the Messenger: Iran and Philosophy, North Atlantic Books, 1998, pg 44
- ↑ Texts, Documents and Artefacts: Islamic Studies in Honour of D.S. Richards. Edited by Chase F. Robinson, Brill Academic Publishers, BG 25.
- ↑ Dallal, Ahmad (2010). Islam, Science, and the Challenge of History. Yale University Press. kc. 32. ISBN 9780300159110.
- ↑ Mary A. Orr, Dante and the Early Astronomers (London: Gall and Inglis, 1913), 233-34.
- ↑ Scott, John A. (2004). Understanding Dante. Notre Dame: U of Notre Dame P. kc. 22. ISBN 978-0-268-04451-0.