Alengka utawa Krajan Alengka utawa Lanka (Sansekerta: लंका ; "lankā", tegesé “pulo”) iku jeneng siji krajan kang madeg ing siji pulo ing sisih kidul India kang diprintah déning Raja Rawana ing jaman Ramayana. Ing jaman saiki, krajan mau dikenal kanthi jeneng Sri Lanka. Krajan mau dibentengi déning siji plato antarané telu puncak gunung kang dikenal minangka Gunung Trikuta. Puncak kang paling dhuwur saka gunung mau dikenal kanthi jeneng puncak Adam. Kutha krajan Krajan Alengka ing jaman kuna naé diobong déning Hanuman.

Sawisé Rawana diprejaya déning Rama Ragawa, tahta krajan mau dipasrahaké marang adik Rawana, Wibisana. Sawisé iku, tahta krajan tansah dilenggahi déning keturunané, malah nganti ing jaman Mahabharata. Sajeroning kisah Mahabharata, Sahadewa ngunjungi nagari mau kanggo njupuk upeti kanggo njurung upacara Rajasuya kang diadani déning Raja Yudistira.

Versi Pewayangan Jawa besut

Sajeroning pewayangan Jawa, krajan Alengka kerep dipocapaké kanthi jeneng Ngalengkadiraja. Krajan iki idhèntik karo Rahwana, tokoh antagonis sajeroning Ramayana.

Raja Pisanan besut

Raja pisanan Alengka yaiku Prabu Hiranyakasipu. Raja iki kalibet paprangan nglawan Sri Maharaja Sunda, yaiku raja Jawa Kulon panjélman Batara Brahma. Hiranyakasipu pungkasané séda ing tangan Sri Maharaja Suman, panjélman Batara Wisnu.

Hiranyakasipu banjur digantèkaké déning putrané kang jenengé Banjaranjali, kang nyerah marang Brahma lan Wisnu.

Raja Pungkasan besut

Raja pungkasan Alengka yaiku Rahwana. Amarga pratingkahé nyulik Sinta garwané Rama, banjur ngalami ajuring Nagara. Sawisé Rahwana, takhta Alengka dilenggahi adiné, yaiku Wibisana. Miturut tradhisi Jawa yèn pura lama kang wis dirusak mungsuh pantang dienggoni, mula Wibisana bangun pura anyar kang jenengé Singgelapura.

Wiwit papréntahan Wibisana, krajan Alengka ganti jeneng dadi Krajan Singgelapura.