Wikipédia

Ali bin Husain

Ali bin Husain (658-713) (Basa Arab: علي بن حسين زين العابدين) ya iku imam kaping 4 sajeroning tradisi Singah. Dhèwèké anaké Husain bin Ali lan buyut saka Muhammad. Dhèwèké kaloka déning Singah kanthi jejuluk Zainal Abidin amarga kamulyan pribadiné lan takwané lan as-Sajjad minangka tandha "wong kang kerep nindakaké sujud sajeroning ngibadahé".[1] Panjenengané uga diundhang kanthi jeneng Abu Muhammad, malah kadhang ditambahi Abu al-Hasan. [2]

Lair lan Panguripan kulawarga besut

Lair besut

Ali bin Husain dilairaké ing Madinah taun 38 H/658-659 M miturut mayoritas riwayat kang ana, riwayat liyané nyatakaké dhèwèké dilairaké tanggal 15 Jumadil Ula 36 H. Rong taun meu simbah kakungé, Ali bin Abi Thalib, 12 taun lemu pamané, al-Hasan, 23 taun mèlu bapaké, al-Husain. Dhèwèké séda ing Madinah taun 95 H/713 M nalika umur 57 taun, ana uga kang nyatakaké yèn wafaté tanggal25 Muharram 95 H. 34 taun sawisé bapaké séda. 34 taun dhèwèké dadi Imam lan dimakamaké ing Pakuburan al-Baqi, Madinah sisihé pamané, al-Hasan.[2]

Ibu besut

Ana sapérangan riwayat kang nyatakaké ngenani sapa ibuné Ali Zainal Abidin, antarané ya iku:

  • Riwayat pisanan nyatakaké yèn jenengé ibuné ya iku Syahzanan putri saka Yazdigard bin Syahriyar bin Choesroe. Saliyané iku uga sinebut Syahrbanawaih. Khalifah Ali bin Abi Thalib ngangkat Huraits bin Jabir al-Hanafi kanggo nangani urusan pérangan provinsi-provinsi wétan, Huraits menehaké marang Ali 2 putri Yazdigard bin Syahriyar bin Choesroe. Salah siji putri Yazdigard iki jenengé Syahzanan diwènèhake Ali marang putrané kang jenengé al-Husain. Syahzanan menehake anak lanang marang al-Husain. Anak lanang iki jenengé Zainal Abidin. Ali menehaké putri Yazdigard sijiné manèh marang Muhammad bin Abu Bakar, kang nglairaké sawijining anak lanang kang jenengé al-Qasim.[2]
  • Riwayat liyané nyebutaké yèn jenengé ibuné ya iku Syahrbanu, putri Yazdigird, kaisar pungkasan Sasaniyah, Pèrsi. Mula saka iku Ali Zainal Abidin uga dijuluki Ibn al-Khiyaratyn, ya iku anak saka loro kang paling apik, ya iku Kurès ing antarané wong Arab lan Pèrsi ing antarané wong non-Arab. Miturut riwayat iku ibuné digawa ana Madinah minangka tahanan ing mangsa kakhalifahan Umar bin Khattab kang arep ngedolaké. Nanging Ali bin Abi Thalib mènèhi saran supaya Syahrbanu luwih disik diwènèhi pilihan supaya dadi bojoné salah sawijining Muslim, lan mas kawiné kajupuk saka Baitul Mal. Khalifah Umar sarujuk, lan pungkasané Syahrbanu milih putra Ali bin Abi Thalib ya iku Husain. Jaréné Syahrbanu séda ora suwé séda sawisé nglairaké anak tunggal iki.[1]

Keturunan besut

Panjenengané duwé 15 keturunan,

11 anak lanang besut

  1. Muhammad al-Baqir, ibuné ya iku Ummu Abdullah binti al-Hasan bin Ali bin Abi Thalib. Minangka Imam candhaké miturut Imamiyah.
  2. Abdullah al-Bahir[3]
  3. al-Hasan
  4. al-Husain al-Akbar[3]
  5. Zaid, imam pangganti minurut Zaidiyah.
  6. al-Husain al-Asghar[3]
  7. Abdurrahman
  8. Sulaiman
  9. Muhammad al-Asghar utawa Qaim[3]
  10. Umar al-Asyraf[3]
  11. Ali, minangka anak ruju

4 anak wadon besut

  1. Khadijah, sadulur tunggal ibu karo Ali
  2. Fatimah
  3. Aliyah
  4. Ummu Kultsum

Mangsa kaimaman besut

  Pérangan iki sisih awujud rintisan. panjenengan bisa mèlu ngembangaké.

Uga delengen besut

Pranala njaba besut

Cathetan suku besut

  1. ↑ a b ABIDIN, Imam Ali ibn al-Husain Zainal; ASH-SHAHIFAH AS-SAJJADIYYAH: kumpulan doa-doa mustajab Imam Ali Zainal Abidin AS cucu Baginda Nabi SAW. Jakarta: Lentera, 2005. ISBN 979-3018-95-X
  2. ↑ a b c al-MUFID, Syaikh; Sajarah para imam ahlulbait Nabi SAW. Jakarta: Lentera, 2005. ISBN 979-24-3304-X
  3. ↑ a b c d e Keturunan Ali Zainal Abidin. Naqobatul Asyraf
Dijupuk saka "https://jv.wikipedia.org/w/index.php?title=Ali_bin_Husain&oldid=1639929"