American Hustle
American Hustle nggih punika filem drama komedi kriminal thriller saking Amérikah Sarékat ingkang dipundamel taun 2013. Filem punika dipunarahaken déning David O. Russell kanthi juru damel Jonathan Gordon, Megan Ellison, Charles Roven dan Richard Suckle. Skénario kagem filem punika kaanggit déning Eric Warren Singer lan David O. Russell. Wondéné para juru paraga ingkang kadhapuk maragani filem punika antawisipun Christian Bale, Amy Adams, Bradley Cooper, Jeremy Renner lan Jennifer Lawrence.
| American Hustle | |
|---|---|
| Barkas:American Hustle 2013 poster.jpg Poster film American Hustle | |
| Disutradarani | David O. Russell |
| Diprodhuseri | Jonathan Gordon Megan Ellison Charles Roven Richard Suckle |
| Diskénariyoni | David O. Russell Eric Warren Singer |
| Dibintangi | Christian Bale Bradley Cooper Amy Adams Jeremy Renner Jennifer Lawrence |
| Dimusiki | Danny Elfman |
| Sinématografi | Linus Sandgren |
| Dibesut déning | Jay Cassidy Crispin Struthers Alan Baumgarten |
Perusahaan prodhuksi | Atlas Entertainment Annapurna Pictures |
| Dibabar déning | Columbia Pictures |
Tanggal metu |
|
Suwéné | 138 menit[1] |
| Nagara | Amerika Serikat |
| Basa | Bahasa Inggris |
| Rantaman | $40 juta[2] |
| Kalarisan | $251,171,807[3] |
Filem American Hustle punika sayuk karya kaping kalih antawisipun Bradley Cooper, Jennifer Lawrence lan Robert De Niro sasampunipun sami makarya filem Silver Linings Playbook. Nanging ugi sayuk karya kaping kalih antawisipun Christian Bale lan Amy Adams sasampunipun film The Fighter. American Hustle dipungiyaraken kaping pisan wonten ing Ziegfeld Theatre surya 8 Desember 2013 lan kababar ing Amérikah Sarékat ing surya 13 Desember 2013.[4] Filem punika nampi pangalembana saking para juru kritik.
Juru paraga
besut- Christian Bale minangka Irving Rosenfeld
- Amy Adams minangka Sydney Prosser
- Bradley Cooper minangka Richie DiMaso
- Jennifer Lawrence minangka Rosalyn Rosenfeld
- Jeremy Renner minangka Walikota Carmine Polito
- Louis C.K. minangka Stoddard Thorsen
- Jack Huston minangka Pete Musane
- Michael Peña minangka Paco Hernandez / Syekh Abdullah
- Shea Whigham minangka Carl Elway
- Alessandro Nivola minangka Anthony Amado
- Robert De Niro minangka Victor Tellegio
- Paul Herman minangka Alfonse Simone
- Danny Corbo minangka Danny Rosenfeld
Pangulasanipun juru kritik
besutFilem American Hustle pikantuk pangalembana saking para juru kritik, kadosta ingkang kapratelan déning Rotten Tomatoes, bilih filem punika dipundhemeni 93%, adhedhasar saking 266 pambiji, kanthi rata-rata 8.2/10.[5] Miturut Metacritic, filem punika pikantuk biji 90 saking 100, adhedhasar saking pambijinipun 47 juru kritik.[6]
Box office
besutFilem American Hustle kasil ngempalaken arta dumugi $150,117,807 saking pamirsa Amerika Ler, lan $101,054,000 saking negari sanèsipun, kanthi gunggung $251,171,807, nglangkungi ardhana ingkang sampun medal kagem pandamelan, nggih punika $40 yuta.[3]
Rujukan
besut- ↑ "American Hustle (2013)". British Board of Film Classification. December 10, 2013. Dibukak ing March 3, 2018.
- ↑ Chagollan, Steve (November 19, 2013). "'Hustle' Ups Ante for Charles Roven, David O. Russell". Variety. Dibukak ing December 13, 2013.
When pressed with a $40 million-$50 million figure, Roven responds: “I’d say that’s a good zone.”
- ↑ a b "American Hustle (2013)". Box Office Mojo. Dibukak ing March 3, 2018.
- ↑ "First Look: David O. Russell's 'American Hustle'". USA Today. July 29, 2013. Dibukak ing August 13, 2013.
- ↑ "American Hustle (2013)". Rotten Tomatoes. Dibukak ing March 3, 2018.
- ↑ "CinemaScore". cinemascore.com.