Anwar Fuady (lair ing Palembang, Sumatera Selatan, 14 Maret 1946; umur 78 taun) inggih punika satunggalipun aktor senior Indonésia.[1][2] Tilas pangarsanipun organisasi aktris PARSI periode 1998-2006 punika asring maragakaken paraga antagonis meh ing sadaya filem lan sinétron ingkang dipunparagakaken.[1] Anwar Fuadi ugi naté badhé nyobi nyalon dados présidhèn lan gubernur Sumatera Barat.[1]

Anwar Fuady
LairAnwar Fuadi
Jeneng liyaAnwar Fuadi
Pakaryanaktor
Taun aktif1966-sapunika
BojoFarida Cosim
AnakFery Senopati
Tillya Mavalda
Silvy Meutia
Farouk Fuady
Moudy Ambhita Cinta

Karier besut

Anwar sampun wiwit alit remen kaliyan jagad filem, punika amargi dipunpengaruhi saking jarak biyoskup ingkang langkung caket kaliyan griyanipun.[1] Sasampunipun lulus SMA, Anwar langkung milih nglajengaken sekolah ing Akademi Teater dan Film (ATF), Jakarta. Menapa ingkang dipunangen-angen dados nyata nalika taun 1966, Anwar dados bintang filem biyoskup Manusia dan Peristiwa. Sasampunipun punika, Anwar dados bintang filem lan sinétron.[1] Anwar kathahipun pikantuk paraga antagonis ing sadaya filem lan sinétron ingkang dipunparagakaken.[1] Kiprahipun ing jagad akting boten namung ing ngajeng layar kemawon, nanging Anwar ugi pikantuk amanah dados pandheganipun PARSI periode 1998-2006, lan ugi dados tenaga ahli ing Lembaga Sensor Film Indonésia (LSF).[1] Sasanesipun misuwur ing jagading selebriti, Anwar ugi misuwur ing jagad pulitik amargi ing taun 2003 naté nyalon dados présidhèn lan gubernur Sumatera Barat periode 2003-2008.[1] Setaun salajengipun, Anwar ugi nyalon malih dados Présidhèn Republik Indonesia.[1]

Cathetan suku besut

  1. a b c d e f g h i Anwar Fuadi dipunundhuh tanggal 29 Juli 2011)
  2. Anwar Fuadi Ultah dipunundhuh tanggal 29 Juli 2011)

Pranala njawi besut