Asem nukléyat

Asam nukleat (basa Inggris: nucleic acid) iku makromolekul biokimia sing komplèks, kanthi bobot molekul dhuwur, lan kasusun mawa ranté nukleotida sing ngandhut informasi genetik. Asam nukleat sing paling umum ya iku Asam deoksiribonukleat (DNA) lan Asam ribonukleat (RNA). Asam nukleat tinemu ing kabèh sel urip sarta ing virus.

Struktur 3D molekul d-ADN

Asam nukleat dijenengi mangkono amarga kaanan lumrahé ing njero inti (nukleus) sel. Asam nukleat wujud biopolimer, lan monomer panyusuné ya iku nukleotida. Saben nukleotida kasusun saka telung komponèn, ya iku siji basa nitrogen heterosiklik (purin utawa pirimidin), siji gula pentosa, lan siji gugus fosfat. Jinis asem nukleat dibédakaké déning jinis gula sing ana ing ranté asem nukleat mau (upamané, DNA utawa asem deoksiribonukleat ngandhut 2-deoksiribosa). Saliyané iku, basa nitrogen sing tinemu ing rong jinis asem nukleat mau duwé béda: adenin, sitosin, lan guanin bisa tinemu ing RNA uga ing DNA, déné timin bisa tinemu mung ing DNA lan urasil bisa tinemu mung ing RNA.

Pirsanana uga

• DNA
• RNA