Aty Cancer Zein

Aty Cancer Zein (lair ing Lampung, Indonésia, 10 Juli 1949; umur 74 taun) ya iku salah sawijiné aktris Indonésia kang wis dadi paraga ing sawatara filem, sinétron, lan uga dadi dubber ing sawatara lakon kanggo acara lokal lan filem-filem asing utawa telenovela.

Aty Cancer Zein
Aty Cancer Zein
Pakaryan	aktris
Taun aktif	1970 - saiki

Karier

Nganti saiki, Aty Cancer Zein kaloka kanthi figur masarakat kelas ngisoran amarga akè maraga dadi wong kang prasaja. Sadurungé main ing filem, Ati makarya minangka penyiar ing radhio Kayumanis Jakarta. Aty miwiti karier nalika dadi salah sawijining paraga ing filem Dunia Belum Kiamat ing taun 1971.

Amarga nduwé pengalaman dadi penyiar lan paraga ing sandiwara radhio, Aty uga aktif dadi dubber. Antara liya kanggo lakon bonékah Si Unyil (TVRI) saka taun 1981 nganti 1992, uga kanggo filem-filem asing lan telenovela kanggo TV swasta. Aty uga mèlu main ing filem Taksi (1990), Potret (1991) lan Kuberikan Segalanya (1992). Banjur sinétron Alang-alang (1994), Indonésia Berbisik (1995), Balada Dangdut (1996-1997), Perkawinan Siti Zubaedah (1997), lan sapanunggalané.

Aty Cancer Zein éntuk pangaji-aji minangka Best Actress utawa Aktris Terbaik ing Indonésian Movie Awards 2010 lumantar paragané ing filem Emak Ingin Naik Haji.

Sinematografi

• Antara Cinta dan Dusta (2011)
• Sampeyan Muslim? (2011)

Filmografi

• Dunia Belum Kiamat (1971)
• Malin Kundang (1971)
• Mantili Si Pembunuh (1972)
• Potret (1991)
• Untuk Rena (2006)
• Fiksi (2008)
• Mati Suri (2009)
• Emak Ingin Naik Haji (2009)
• Rumah Tanpa Jendela (2011)
• Ummi Aminah (2012)

Pranala njaba

• Berita Archived 2014-03-31 at the Wayback Machine.
• Profil IMDb
• Filmografi Aty Cancer Zein