Awaluddin Djamin
Awaloedin Djamin (lair ing Padang, Sumatera Barat, 26 Sèptèmber 1927; umur 96 taun) inggih punika Kapolri periode 1978-1982.[1]
| Awaluddin Djamin | |
|---|---|
 | |
| Mantri Tenaga Kerja dan Transmigrasi Républik Indonésia 11 | |
| Linggih 24 Fèbruari 1966 – 17 Oktober 1967 | |
| Présidhèn | Soekarno |
| Kang sadurungé | Sutomo |
| Linggih 17 Oktober 1967 – 6 Juni 1968 | |
| Présidhèn | Soeharto |
| Kang sawisé | Mursalin Daeng Mamangung |
| Rerincèn dhiri | |
| Lair | Sèptèmber 26, 1927 Padang, Sumatera Barat, Hindia Nèderlan |
| Bangsa | Indonésia |
| Agama | Islam |
Kariér besut
Sasampunipun tamat saking SLTA, piyambakipun nglajengaken studi dhateng Fakultas Ékonomi (1949-1950). Mlebet dados prajurit pulisi, lajeng nglampahi pendidikan wonten ing PTIK dumugi lulus nalika taun 1955. Piyambakipun lajeng dipuntugasaken wonten ing pérangan Sekretariat Jawatan Kepulisian Nagara (1955) lan njabat Kasi Umum Sekretariat Jawatan Kepulisian Nagara (1958). Lajeng Awaloeddin ngangsu kawruh malih wonten ing University of Pitsburgh kalajengaken dhateng University of Southern California, Amérikah Sarékat, dumugi pikantuk gelar PhD nalika tanggal 1962.
Sakonduripun saking Amérikah Sarékat, Awaloedin njabat minangka Lektor Luar Biyasa PTIK (1964). Lajeng, kanthi urut dados Direktur Kekaryaan Depak (1964), Anggota Musyawarah Pembantu Perencana Nasional (1965), Anggota DPRGR (1964-1966), Mantri Tenaga Kerja Kabinét Ampera (1966), lan Députi Pangak Urusan Khusus nalika Kapolri Hoegeng Iman Santoso (1968). Sadèrèngipun dipuntugasaken minangka Duta Besar RI kanggé Jerman Barat (1976), langkung rumiyin piyambakipun dados Direktur Lembaga Administrasi Nagara (1970). Lan pungkasanipun, piyambakipun kondur dhateng Jakarta saperlu dipunlantik déning Présidhèn Soeharto dados Kapolri, nalika tanggal 26 September 1978.[2]
Awaloedin njabat Kapolri sadangunipun 4 taun, saking taun 1978 dumugi taun 1982. Kajawi nalika masa kepemimpinanipun organisasi Polri dipunarahaken dhateng kelembagaan ingkang dinamis lan profésional, nalika masa Awaloedin ugi KUHAP UU No. 8 Taun 1981 minangka kasiling karya bangsa Indonésia piyambak dipunsahaken DPR-RI. KUHAP minangka gantosipun Het Herziene Inlandsh Reglement (HIR), hukum acara pidana produk kolonial Walanda ingkang dipunraos sampun sepuh lan boten manusiawi. Wonten ing bab punika, Polri berperan aktif nyumbangaken pokok-pokok pikiran kanggé materi KUHAP énggal punika.
Hasratipun wonten ing babagan pendidikan, dèrèng sirna. Kabukti, Awaloedin taksih ugi ngabdi wonten ing pendidikan lan pengembangan profesi kepulisian. Sasampunipun boten malih dados Kapolri piyambakipun taksih kersa njabat dados Dekan PTIK ingkang notabene wonhten ing ngandhapipun Kapolri. Nanging raos tresnanipun dhateng Polri lan kanggé nusa lan bangsa damel Awaloedin boten kepéngin kajebak wonten ing status simbol. Saéngga piyambakipun milih tetep nampi kalungguhan Dekan PTIK.[3]
Bintang Jasa besut
Awaloedin pikantuk sajumlah penghargaan minangka tanda jasanipun. Antawisipun pikantuk Bintang Dharma, Bintang Bhayangkara lan Bintang Mahaputra Adipradana. Ugi Satya Lencana Perang Kemerdekaan (I lan II), SL Karya Bhakti, SL Yana Utama, SL Panca Warsa, SL Penegak lan SL Veteran Pejuang RI. Saking njawi nagari, piyambakipun pikantuk Das Gross Rreuz (Pamaréntah Jerman Barat).
Cathetan suku besut
- ↑ http://socio-politica.com/tag/jenderal-awaluddin-djamin/
- ↑ "Archive copy". Diarsip saka sing asli ing 2015-10-26. Dibukak ing 2013-02-16.
{{cite web}}: CS1 maint: archived copy as title (link) - ↑ http://www.polri.go.id/banner/berita/36
| Didhisiki déning: Widodo Budidarmo |
{{{jabatan}}} 1978–1982 |
Diganti déning: Anton Soedjarwo |