Bagas Dwi Bawono
Bagas Dwi Bawono kang kawentar kanti asma Bagas D. Bawono (lair ing Surabaya, Jawa Wétan, 14 Juli 1966; umur 58 taun) ya iku salah sijiné arsitèk kang uga ngayahi minangka seniman saka Indonésia. Jenengé kawentar lumantar pakaryané awujud cerita cekak lan lakon drama kang diangkat ana ing film layar jembar. Hasduk Berpola ya iku salah siji cerita cekaké kang dadi filem, kang lakon pilmé ditulis bebarengan karo Kirana Kejora. Bagas uga naté ngripta lagu-lagu kanggo Duo MAIA ya iku kanti lagu Sang Juara (2009).
| Bagas Dwi Bawono | |
|---|---|
| Lair | Juli 14, 1966 Surabaya, Jawa Wétan, Indonésia |
| Pakaryan | Penulis Arsitek |
Riwayat
besutBagas Dwi Bawono lair ing Surabaya, Jawa Wétan tanggal 14 Juli 1966. Ngrampungaké pawiyatan luhur ana ing Jurusan Teknik Arsitektur Universitas Gajah Mada Yogyakarta ing taun 1990. Sawisé sinau lan ngangsu kawruh, minangka punggawa ing sapérang perusahaan, pungkasané Bagas ngadegaké perusahaan dhéwé kang mligi ing babagan konsultan arsitèk lan kontraktor, Bagas & Associates. Saliyané nekuni babagan properti, Bagas uga asring nulis prosa, carita cekak, sajak, lan skenario film. Taun 2013, salah siji cerita cekaké kang sesirah Hasduk Berpola digawé awujud film layar jembar, ngangkat prakawis nasionalisme ing donyané bocah-bocah. Skenario kang digarap bebarengan karo Kirana Kejora, mau kasil éntuk pangajiminangka Filem Favorit Pilihan Pamirsa ing Apresiasi Film Indonésia 2013, ngalahaké telu panyarta liyané, ya iku Habibie & Ainun, 5 cm, lan Tampan Tailor. Bagas sabanjuré nulis kumpulan cerita cekak sesirah Ibu, Doa yang Hilang, kang ngamot 29 cerita cekak kebak pitutur. Buku kuwi ditulis dhedhasar cerita sanyatané perjuangan ibuné minangka wong tuwa kang ngrawat putra-putriné dhèwèkan. Kasilé ngedol buku iku, kabèh disumbangké kanggo kagiyatan sosial.[1][2][3][4][5][6][7]
Taun 2015, Bagas Dwi Bawono bareng karo Dr. Soegiyanto, Bintang Juliarso nggagas anané medha sosial pawiyatan makinpintar.com. Media sosial iku digawé lan digulawenthah bebarangan karo PPTSI Universitas Airlangga.
Pakaryan
besut- Ibu, Doa yang Hilang (cerita cekak, Penerbit Zettu, 2013)
- Hasduk Berpola (skenario filem, 2009)
- Sultan Aji Muhammad Sulaiman Airport (skenario filem, 2013)
- Sang Juara (lagu, mélodi lan musik olèh Maia Estianty, dinyanyikaké déning Duo Maia)
- Sales Insight: Pride, Passion, Profit (Gramedia Pustaka Utama, 2016)[8]
Minangka kuru arah
besut- Sultan Aji Muhammad Sulaiman Airport, 2013
Bebungah
besutUga delengen
besutPranala njaba
besutRujukan
besut- ↑ JPI: JPI: Bagas Dwi Bawono Archived 2017-04-29 at the Wayback Machine., diakses 16 Agustus 2015
- ↑ Moga Group: Moga Group, diakses 16 Agustus 2015
- ↑ Alumni UGM:Bagas Dwi Bawono, diakses 16 Agustus 2015
- ↑ Antara News: Film "Hasduk Berpola" Diangkat Dalam Layar Lebar, diakses 16 Agustus 2015
- ↑ Yiela: Bagas tidak terlibat di film Bendera Sobek, diakses 16 Agustus 2015
- ↑ Berita Jatim: Cerpenis: Idealisme dan Pasar Sering Tak Sejalan Archived 2016-04-02 at the Wayback Machine., diakses 16 Agustus 2015
- ↑ Mimbar Rakyat: Ibu, Doa yang Hilang, diakses 16 Agustus 2015
- ↑ Sales Insight: Tulus Dalam Melayani, Saksama dalam Mendengarkan - Bagas D. Bawono, Gramedia Pustaka Utama, hal. 132, ISBN 978-602-03-3593-3