Baronang

Iwak baronang
Klasifikasi ngèlmiah
Karajan:	Animalia
Filum:	Chordata
Superklas:	Osteichthyes
Klas:	Actinopterygii
Subklas:	Neopterygii
Infraklas:	Teleostei
Superordho:	Acanthopterygii
Ordho:	Perciformes
Famili:	Siganidae
Génus:	Siganus

Baronang (Siganus Sp) punika iwak laut ingkang kalebet famili Siginidae. Ulam baronang dipunkenal kaliyan masarakat kanthi nama ingkang béda-béda. Kados ing Pulo Seribu dipunwastanii kea-kea, ing Jawa Tengah biawas, para warigaluh ing Pulo Maluku mastani samadar. Manawi wonten ing Basa Inggris ulam punika dipunwastani rabbitfish awit saking ulam baronang punika mangan tuwuhan (rumput laut) lan caranipun mangan punika rapi kados mesin pemangkas rumput. Ulam Baronang kalebet salah satunggaling ulam ingkang dados remening para pemancing ing sagara .

Ciri-ciri

Ulam Baronang kalebet ulam hèrbivor kanthi dawanipun ulam ageng 20-45 cm. Awakipun pipih lateral lan mbujur, dipuntutup kaliyan sisik alit. Tutukipun alit posisi terminal kanthi rahahng dipuntutup kaliyan untu-untu. Wonten ing punggung dipuntutup kaliyan eri tajem ingkang ngarah mangajeng. Eri punika ngandut wisa utawi racun ingkang saged matèni tiyang diwasa lan ugi saged damel gerah. Nanging daging saking ulam punika aman manawi dipundhahar manungsa .

Jinis-jinis

Wonten ing Indonésia wonten jinis-jinis ulam baronang ingkang kados ing ngandhap punika:

1. Siganus Guttatus utawi Orange Spotted Spinefoot (baronang tompel).
2. Siganus Javus utawi Streaked Spinefoot (baronang angin).
3. Siganus Canaliculatus utawi White Spotted Spinefoot (baronang susu).
4. Siganus Virgatus utawi Barehead Spinefoot (baronang kalung).
5. Siganus Stellatus utawi Brown Spotted Spinefoot (baronang lada).
6. Siganus Vermiculatus utawi vermiculated Spinefoot (baronang bathik).

Variasi jumlahing endhog ulam baronang kanthi dawa 22-27 cm punika ing antawisipun 200.0000-1.300.000 butir. Juwana baronang S. guttatus kanthi ukuran D35 bobotipun saged dumugi 50 gram utawi dawanipun 12 cm ing 115 dinten. Lajeng ulam baronang ingkang jinis S. canaliculatus bobotipun saged dumugi 93 gram/ékor ing dangu 5 wulan miara saking bibit kanthi ukuran 25 gram/ékor .

Ulam baronang punika saged kénging parasit kados dinoflagelata, inggih punika Amyloodinium ocellatum. Organ ingkang kaserang inggih punika pérangan angsang lan kulit. Ulam ingkang kaserang déning parasit punika katingal bilih nailka wonten toya renang kanthi megap-megap wonten ing lumah toya. Lajeng medal warna merali ing kiwa-tengené lambé lan tandha-tandha anémia.