Bonari Nabonenar

Bonari Nabonenar iku sastrawan Jawa kang asring nulis cerkak lan geguritan. Dhèwèké uga asring nulis karya sastra abasa Indonésia kaya ta gurit lan carkak. Bonari lair ing Trenggalèk ing taun 1964. Dhèwèké tau sekolah ing SDN Cakul I (Désa Cakul, Kacamatan Dongko, Trenggalèk, Jawa Wétan), banjur nerusaké menyang SMP Berbantuan ing Kacamatan Panggul, Kabupatèn Trenggalèk, lan mampir ing SPG (Sekolah Wiyata Guru) Sore sadurungé nerusake kuliyah ing Jurusan Wiyata Basa dan Sastra Indonésia IKIP Surabaya.

Pisanan nulis gurit abasa Indonésia, lan asring kapacak ing kalawarta Taman Siswa (Jogjakarta) ing awal taun 80-an. Nalika iku, tulisané uga ameh kerep mesthi ana ing kalawarta dinding ing sekolahé (SPG Sore). Ing IKIP, klangenan nulise sansaya gedhé. Gurit utawa cerkak lan esaine kapacak ing Mingguan Guru, Harian Karya Darma, Harian Suara Indonésia, kalawarta Jurusan lan koran kampus. Dhèwèké banjur nyoba nulis kanthi migunakaké basa Jawa, lan kasil. Gurit, cerkak, lan esai abasa Jawa bisa lumebu ing kalawarta abasa Jawa Majalah Panjebar Semangat, Majalah Jaya Baya, kalawarta Mekar Sari, lan Majalah Djaka Lodang.

Lulus saka IKIP tau magang sadhéla dadi guru, nanging banjur dijak Tamsir A.S. (alm) kang nalika iku mandhegani Sanggar Sastra Jawa Triwida kanggo diboyong menyang Sala, dumadi awak redaksi tabloid abasa Jawa "Jawa Anyar" (ing sangisore grup Jawa Pos). Nanging tabloid ora sempulur. Bonari banjur menyang JPNN (Jawa Pos News Network), lan ing taun 2000 kadhapuk karo tabloid X-file (kang uga ora sempulur).

Taun 2001 dadi pegiat kelakone Konggrès Sastra Jawa I (Taman Budaya Surakarta 7-9 Juli). September 2006 dhèwèké dicekal déning Pinitaya Konggrès Basa Jawa IV ing Semarang amarga seminggu sadurungé mèlu ngramekake Konggrès Sastra Jawa II (Sanggar Paramesthi, Semarang) kang kaangeep minangka tandhingan Konggrès Basa Jawa. Taun 2011 Bonari kadhapuk dadi ketua panitia Konggres Sastra Jawa III kang digelar ing Bojonegoro (28-30 Oktober 2011).

Bonari tau kadhapuk dadi narasumber sajeroning pelatihan kilat babagan panulisan kang digelar déning para pegawe domestik saka Indonésia ing City University of Hong Kong (Kowloon Tong, 14 Juli 2005) lan ing kalodhangan iku uga ketemu karo wong kang duwé médhia kang awèh gaweyan kanggo dadi pamimpin redaksi kalawarta Peduli (kang dibabarake ing Hong Kong lan sakupenge kanggo komunitas buruh migran saka Indonésia).