Bramartani

Bromartani uga tinulis Bramarthani iku layang kabar basa Jawa pisanan. Layang kabar kanthi tulisan Jawa iki kababar minggon ing antarané taun 1855-1856.^[1] Bromartani pisanan kababar ing 25 Januari 1855 déning Carel Frederik Winter Sr., guru basa Jawa ing Institut Basa Jawa, lan putrané, Gustaaf Winter. Bromartani terbit saben Kemis saka Pangecapan Hartevelt ing Surakarta. Layang kabar iki lair sataun sadurungé Undhang-Undhang Pèrs (Drukpersreglement) 1856 disahaké déning pamaréntah kolonial Walanda.

Isi

Bromartani migunakaké basa krama inggil lan dadi buku cekelan para siswa sing lagi sinau ana ing Institut Basa Jawa. Kejaba iku, layang kabar iki sinengkuyung déning Pakubuwana VII. Isiné wujud pawarta, ngèlmu alam, wara-wara pamaréntah, tetanèn, carita, jadwal sepur, lan kadadéan-kadadéan ing donya. Koran iki uga tau mbabar tulisan kanthi rinci ngenani adicara jumenengan Sultan Ngayogjakarta Hadiningrat, Hamengkubawana VI.

Pungkasaning koran

Rikala semana, isih durung akèh wong bisa maca-nulis, mula nganti pungkasaning taun 1856 sing langganan ora nganti 290. Awit saka iku, ing 23 Dhésèmber 1856, layang kabar iki mènèhi pratélan yèn arep mandheg terbit lan golèk upaya supaya bisa terbit manèh.

Bramarthani liyané

Ing mangsa sabanjuré, ana uga koran sing migunakaké jeneng Bramarthani, ya iku ing taun 1865. Koran iki mauné nganggo jeneng Djoeroemarthani. Ing taun 1871 uga ana koran nganggo jeneng Bramarthani kang lumaku nganti 1932. Kanthi rega lengganan fl. 12, dirasa cukup abot kanggo kaanan bebrayan rikala semana.

Uga delengen

Wacan

Merle Calvin Ricklefs Polarising Javanese society NUS Press, 2007 ISBN 9971693461, 9789971693466

Rujukan

↑ "KALAWARTI: Ngungak Sujarah Kalawarti Basa Jawi". Solopos. Dibukak ing 1 Juni 2023.

Pranala njaba

ISIM NL: Religious Reform & Polarization in Java

[1] "KALAWARTI: Ngungak Sujarah Kalawarti Basa Jawi". Solopos. Dibukak ing 1 Juni 2023.

[1]