ꦧꦸꦧꦸꦂꦏꦕꦁꦲꦶꦗꦺꦴ
ꦗꦮ
|
ꦧꦸꦧꦸꦂꦏꦕꦁꦲꦶꦗꦺꦴ ꦲꦶꦁꦒꦶꦃ ꦥꦸꦤꦶꦏ ꦱꦭꦃ ꦱꦠꦸꦁꦒꦭ꧀ꦭꦶꦁ ꦲꦺꦴꦭꦃ-ꦲꦺꦴꦭꦃꦲꦤ꧀ ꦆꦤ꧀ꦝꦺꦴꦤꦺꦱꦶꦪ ꦲꦶꦁꦏꦁ ꦢꦶꦥꦸꦤ꧀ꦢꦩꦼꦭ꧀ ꦱꦏꦶꦁ ꦏꦕꦁ ꦲꦶꦗꦺꦴ ꦭꦤ꧀ ꦢꦶꦥꦸꦤ꧀ꦱꦸꦏꦤꦶ ꦠꦺꦴꦪ, ꦫꦺꦴꦤ꧀ ꦥꦤ꧀ꦝꦤ꧀ ꦱꦲ ꦒꦸꦭ ꦗꦮ ꦲꦶꦁꦏꦁ ꦱꦭꦗꦼꦁꦔꦶꦥꦸꦤ꧀ ꦢꦶꦥꦸꦤ꧀ꦒꦺꦴꦣꦺꦴꦒ꧀ ꦔꦤ꧀ꦠꦺꦴꦱ꧀ ꦲꦸꦩꦸꦧ꧀ ꦭꦤ꧀ ꦏꦕꦁꦔꦶꦥꦸꦤ꧀ ꦲꦼꦩ꧀ꦥꦸꦏ꧀.[1] ꦩꦤꦮꦶ ꦱꦩ꧀ꦥꦸꦤ꧀ ꦲꦸꦒꦶ ꦱꦒꦼꦢ꧀ ꦢꦶꦥꦸꦚ꧀ꦗꦁꦏꦼꦥ꧀ꦥꦶ ꦩꦮꦶ ꦱꦤ꧀ꦠꦼꦤ꧀ ꦲꦶꦁꦏꦁ ꦲꦁꦒꦺꦤ꧀ꦤꦶꦥꦸꦤ꧀ ꦩꦱꦏ꧀ ꦢꦶꦥꦸꦚ꧀ꦕꦩ꧀ꦥꦸꦂ ꦲꦶꦁ ꦱꦊꦧꦼꦠ꧀ꦠꦶꦁ ꦏꦕꦁ ꦲꦶꦗꦺꦴ. ꦧꦸꦧꦸꦂꦏꦕꦁꦲꦶꦗꦺꦴ ꦲꦺꦕ ꦢꦶꦥꦸꦤ꧀ꦝꦲꦂ ꦲꦶꦁ ꦮꦪꦃ ꦱꦺꦴꦤ꧀ꦠꦼꦤ꧀ ꦲꦸꦠꦮꦶ ꦲꦺꦚ꧀ꦗꦶꦁ ꦤꦭꦶꦏ ꦲꦮꦤꦶꦥꦸꦤ꧀ ꦠꦏ꧀ꦱꦶꦃ ꦲꦱꦽꦥ꧀. ꦧꦸꦧꦸꦂꦏꦕꦁꦲꦶꦗꦺꦴ ꦱꦒꦼꦢ꧀ ꦢꦩꦼꦭ꧀ ꦧꦢꦤ꧀ ꦏꦶꦠ ꦏꦿꦲꦺꦴꦱ꧀ ꦲꦔꦼꦠ꧀ ꦭꦤ꧀ ꦲꦸꦒꦶ ꦢꦶꦥꦸꦤ꧀ꦠꦩ꧀ꦧꦃ ꦩꦭꦶꦃ ꦏꦤ꧀ꦛꦶ ꦏꦤ꧀ꦝꦸꦠ꧀ꦠꦤ꧀ ꦒꦶꦗ꦳ꦶ ꦲꦶꦁꦏꦁ ꦏꦮꦿꦠ꧀ ꦮꦺꦴꦤ꧀ꦠꦼꦤ꧀ ꦲꦶꦁ ꦏꦕꦁ ꦲꦶꦗꦺꦴ ꦲꦶꦁꦏꦁ ꦱꦲꦺ ꦏꦁꦒꦺ ꦤꦶꦁꦏꦠ꧀ꦠꦏꦼꦤ꧀ ꦢꦪ ꦠꦲꦤ꧀ ꦠꦸꦧꦸꦃ ꦏꦶꦠ.
ꦏꦗꦮꦶ ꦥꦸꦤꦶꦏ, ꦧꦸꦧꦸꦂꦏꦕꦁꦲꦶꦗꦺꦴ ꦲꦸꦒꦶ ꦱꦒꦼꦢ꧀ ꦢꦩꦼꦭ꧀ ꦮꦉꦒ꧀ ꦱꦶꦤ꧀ꦠꦼꦤ꧀ ꦏꦺꦩꦮꦺꦴꦤ꧀ ꦲꦶꦁꦏꦁ ꦣꦲꦂ, ꦢꦢꦺꦴꦱ꧀ ꦥꦸꦤꦶꦏ ꦕꦺꦴꦕꦺꦴꦒ꧀ ꦢꦶꦥꦸꦤ꧀ꦝꦲꦂ ꦩꦶꦤꦁꦏ ꦣꦲꦂꦫꦤ꧀ ꦠꦩ꧀ꦧꦃꦲꦤ꧀ ꦲꦶꦁ ꦲꦤ꧀ꦠꦮꦶꦱ꧀ꦱꦶꦥꦸꦤ꧀ ꦗꦩ꧀ ꦣꦲꦂ ꦱꦶꦪꦁ ꦱꦲ ꦢꦭꦸ.
ꦕꦫ ꦏꦁꦒꦺ ꦢꦩꦼꦭ꧀ ꦧꦸꦧꦸꦂꦏꦕꦁꦲꦶꦗꦺꦴ ꦥꦸꦤꦶꦏ ꦧꦺꦴꦠꦼꦤ꧀ ꦲꦔꦺꦭ꧀. ꦏꦤ꧀ꦛꦶ ꦤ꧀ꦝꦺꦫꦺꦏ꧀ ꦕꦫ-ꦕꦫ ꦲꦶꦁꦏꦁ ꦱꦩ꧀ꦥꦸꦤ꧀ ꦮꦺꦴꦤ꧀ꦠꦼꦤ꧀ ꦏꦁꦒꦺ ꦢꦩꦼꦭ꧀ ꦧꦸꦧꦸꦂꦏꦕꦁꦲꦶꦗꦺꦴ, ꦥꦚ꧀ꦗꦼꦤꦼꦁꦔꦤ꧀ ꦱꦩ꧀ꦥꦸꦤ꧀ ꦱꦒꦼꦢ꧀ ꦢꦩꦼꦭ꧀ ꦧꦸꦧꦸꦂ ꦏꦤ꧀ꦛꦶ ꦫꦲꦺꦴꦱ꧀ ꦲꦺꦴꦁꦏꦁ ꦲꦺꦕ ꦲꦸꦒꦶ ꦧꦺꦴꦠꦼꦤ꧀ ꦧꦣꦺ ꦔꦶꦫꦁꦔꦶ ꦲꦗꦶ ꦒꦶꦗ꦳ꦶ ꦲꦶꦁꦏꦁ ꦏꦮꦿꦠ꧀ ꦮꦺꦴꦤ꧀ꦠꦼꦤ꧀ ꦲꦶꦁ ꦱꦊꦧꦼꦠ꧀ꦠꦶꦁ ꦏꦕꦁ ꦲꦶꦗꦺꦴ ꦥꦶꦪꦩ꧀ꦧꦏ꧀.
ꦧꦲꦤ꧀-ꦧꦲꦤ꧀ꦤꦶꦥꦸꦤ꧀
besutꦧꦲꦤ꧀-ꦧꦲꦤ꧀ ꦲꦶꦁꦏꦁ ꦢꦶꦥꦸꦤ꧀ꦒꦶꦤꦏꦏꦼꦤ꧀ ꦏꦁꦒꦺ ꦢꦩꦼꦭ꧀ ꦧꦸꦧꦸꦂꦏꦕꦁꦲꦺꦴꦗꦺꦴ ꦲꦶꦁ ꦲꦤ꧀ꦠꦮꦶꦱ꧀ꦱꦶꦥꦸꦤ꧀ ꦲꦶꦁꦒꦶꦃ ꦏꦢꦺꦴꦱ꧀ ꦩꦏꦠꦼꦤ꧀:[2]
ꦕꦫꦤꦶꦥꦸꦤ꧀ ꦢꦩꦼꦭ꧀
besutꦕꦫꦤꦶꦥꦸꦤ꧀ ꦢꦩꦼꦭ꧀ ꦧꦸꦧꦸꦂꦏꦕꦁꦲꦶꦗꦺꦴ ꦲꦶꦁꦒꦶꦃ ꦒꦩ꧀ꦥꦶꦭ꧀ ꦱꦔꦼꦠ꧀ ꦏꦢꦺꦴꦱ꧀ ꦲꦶꦁꦏꦁ ꦏꦲꦤ꧀ꦝꦂꦫꦏꦼꦤ꧀ ꦲꦶꦁ ꦔꦤ꧀ꦝꦥ꧀ ꦥꦸꦤꦶꦏ:[2]
- ꦏꦕꦁ ꦲꦶꦗꦺꦴ ꦱꦢꦺꦫꦺꦁꦔꦶꦥꦸꦤ꧀ ꦏꦼꦢꦃ ꦢꦶꦥꦸꦤ꧀ꦏꦸꦩ꧀ ꦫꦸꦩꦶꦪꦶꦤ꧀ ꦢꦔꦸꦤꦶꦥꦸꦤ꧀ ꦏꦶꦫꦁ ꦭꦁꦏꦸꦁ 6 ꦗꦩ꧀ ꦱꦸꦥꦢꦺꦴꦱ꧀ ꦱꦒꦼꦢ꧀ ꦩꦼꦏꦿꦺꦴꦏ꧀ ꦫꦸꦩꦶꦪꦶꦤ꧀.
- ꦩꦤꦮꦶ ꦱꦩ꧀ꦥꦸꦤ꧀ ꦏꦕꦁ ꦲꦶꦗꦺꦴ ꦢꦶꦥꦸꦤ꧀ꦏꦸꦩ꧀ꦧꦃ ꦫꦸꦩꦶꦪꦶꦤ꧀ ꦔꦤ꧀ꦠꦺꦴꦱ꧀ ꦉꦱꦶꦏ꧀ ꦭꦗꦼꦁ ꦢꦶꦥꦸꦤ꧀ꦱꦶꦱꦶꦃꦲꦏꦼꦤ꧀.
- ꦔ꧀ꦒꦺꦴꦣꦺꦴꦒ꧀ ꦠꦺꦴꦪ ꦏꦤ꧀ꦛꦶ ꦢꦶꦥꦸꦤ꧀ꦱꦸꦏꦤꦶ ꦱꦉꦩ꧀ ꦱꦲ ꦥꦤꦶꦭꦶ ꦧꦸꦧꦸꦭ꧀, ꦢꦶꦥꦸꦤ꧀ꦠꦼꦁꦒ ꦔꦤ꧀ꦠꦺꦴꦱ꧀ ꦲꦸꦩꦸꦧ꧀.
- ꦒꦼꦤ꧀ꦝꦶꦱ꧀ ꦥꦱꦶꦂ ꦢꦶꦥꦸꦤ꧀ꦭꦼꦧꦼꦠ꧀ꦠꦏꦼꦤ꧀ ꦏꦤ꧀ꦛꦶ ꦢꦶꦥꦸꦤ꧀ꦱꦸꦏꦤꦶ ꦩꦭꦶꦃ ꦱꦉꦩ꧀ ꦱꦲ ꦫꦺꦴꦤ꧀ ꦥꦤ꧀ꦝꦤ꧀ ꦭꦗꦼꦁ ꦢꦶꦥꦸꦤ꧀ꦠꦼꦁꦒ ꦔꦤ꧀ꦠꦺꦴꦱ꧀ ꦲꦸꦩꦸꦧ꧀ ꦲꦸꦒꦶ.
- ꦧꦸꦧꦸꦂꦏꦕꦁꦲꦶꦗꦺꦴ ꦱꦩ꧀ꦥꦸꦤ꧀ ꦱꦩꦼꦏ꧀ꦠ ꦢꦶꦥꦸꦤ꧀ꦱꦗꦺꦏ꧀ꦏꦏꦼꦤ꧀ ꦏꦤ꧀ꦛꦶ ꦚꦸꦏꦤꦶ ꦱꦤ꧀ꦠꦼꦤ꧀ ꦲꦶꦁꦏꦁ ꦱꦩ꧀ꦥꦸꦤ꧀ ꦢꦶꦥꦸꦤ꧀ꦒꦺꦴꦣꦺꦴꦒ꧀ ꦏꦭ ꦮꦲꦸ ꦲꦶꦁ ꦱꦔꦶꦁꦒꦶꦭ꧀ꦭꦶꦥꦸꦤ꧀ ꦧꦸꦧꦸꦂꦏꦔꦁꦲꦶꦗꦺꦴ ꦲꦶꦁꦏꦁ ꦱꦩ꧀ꦥꦸꦤ꧀ ꦩꦠꦼꦁ. ꦱꦸꦥꦪ ꦠꦼꦠꦼꦥ꧀ ꦲꦺꦕ ꦢꦶꦥꦸꦤ꧀ꦝꦲꦂ ꦲꦶꦁ ꦮꦼꦏ꧀ꦢꦭ꧀ ꦢꦔꦸ, ꦱꦲꦺꦤꦶꦥꦸꦤ꧀ ꦩꦤꦮꦶ ꦢꦸꦢꦸꦃ ꦱꦤ꧀ꦠꦼꦤ꧀ ꦢꦶꦥꦸꦤ꧀ꦒꦺꦴꦣꦺꦴꦒ꧀ ꦫꦸꦩꦶꦪꦶꦤ꧀ ꦱꦢꦺꦫꦺꦁꦔꦶꦥꦸꦤ꧀ ꦢꦢꦺꦴꦱ꧀ ꦢꦸꦢꦸꦃ ꦧꦸꦧꦸꦂꦏꦕꦁꦲꦶꦗꦺꦴ.