Corong Kidul

Corong Kidul utawa Southern Cone ing Basa Inggris (Basa Spanyol: Cono Sur, Basa Portugis: Cone Sul) tegesé siji region géografis kang dumadi saka tlatah ing pucuk kidul Amérika Kidul, sangisoré garis Tropis Capricorn. Tlatah iki kalebu Argentina, Chili lan Uruguay, lan kadhangkala Paraguay lan pérangan kidul Brasil kalebu Rio Grande do Sul, Santa Catarina, Paraná lan São Paulo.

Werna ijo tuwa: region kang kalebu tlatah Corong Kidul. Werna ijo: region kadhangkala dianggep kalebu tlatah Corong Kidul. Werna jo enom: region arang banget dianggep kalbeu tlatah Corong Kidul

Basa

Basa utama yakuwi Basa Spanyol (castellano) paninggalan jaman panjajahan Spanyol saka abad kaping-16 nganti abad kaping-19; yèn dianggep kalebu Brasil, Basa Portugis minangka basa nomer loro.

Basa-basa Autochthonous, dianggo déning sawatara golongan Amerindian kalebu Mapudungun (uga dikenal minangka Mapuche) lan Basa Guarani.

Basa Italia (mligi dhialèk Italia Lor, kaya déné Basa Venesia) dianggo déing komunitas ing pinggiran Argentina lan Brasil kidul. Basa Jerman ing sawatara dhialèk mligi dianggo ing Brasil kidul, Argentina kidul lan ing sawatara komunitas ing Chili kidul.

Sabanjuré Basa Inggris dipigunakaké ing Kapuloan Falkland, tlatah kang dadi rebutan antaran Britania Raya lan Argentina. Basa Welsh dianggo déning katurunan migran ing region Patagonia Argentina. Basa Jepang dianggo déning kamunitas ing Brasil kidul-wétan, lan Basa Koréa ing kutha-kutha utama.