Delon Tio ya iku prodhuser saka Indonésia, prodhuser saka rumah produksi Nation Pictures kang dadi insan filem kang duwé prestasi nganti donya internasional. Delon iki lulusan Academy of Art University taun 2005.[1] Dhèwèké iku prodhuser saka rumah produksi Nation Pictures, sawijining insan filem kang duwé prestasi ning tingkat donya.[1] Lulusan saka Academy of Art University taun 2005 iku pancen nduwé kepenginan supaya kabèh tenaga, wektu, lan pikirané kanggo nggawé donya filem ing Indonésia maju ning ngarepé mengko.[1]

Delon Tio, Produser

Karir besut

Dhèwèké kang duwé karir ning donya filem sregep anggoné gawé filem, meski ora kaya senioré kang wis gawé akèh.[1] Nanging sasuwené dhèwèké ngasilaké filem, filem-filem kang diproduseri déning dhèwèké iku bisa diomong duwé mutu amarga ora sembarangan anggoné diprodhuksi.[1] FIlm-filem kang tau dikasilaké déning dhèwèké iku bisa ngenani aji-aji ning kauripan nyata.[1]

Nganti saiki filem-filem kang wis dikasilaké déning dhèwèké ya iku filem kang judhulé 6:30, WHERE THE ROAD MEETS THE SUN, II MACABRE, lan CLAUDIA/JASMINE.[1] Ora namung iku, Delon Tio uga lagi ngerampungaké garapané kanggo filemé kang paling anyar, judhulé SIMFONI LUAR BIASA.[1]

Nalika donya filem ning Indonésia lagi ora duwé semangat lan bisa diomong kurang produktif minangka gawé karya filem kang duwé mutu, Delon Tio malah teka karo formula filem anyaran kang bisa gawé dhèwèké lumaku ning 'Red Carpet'.[1] Amarga filem kang judhulé WHERE THE ROAD MEETS THE SUN, Delon Tio bisa ngeraih perhatian masarakat donya kang merhatikaké filem kang dirilis ning taun 2011.[1] Liwat filem mau, Delon Tio olih kahormatan déning sutradara Mun Chee Yong, bintang saka Meksiko Fernando Noriega lan Luke Brandon Field ning Golden Village Vivo City Singapura.[1] Ora namung iku, filem indie Hollywood kang tau diproduseri déning Delon mau uga olih kasempatan diputer lan ditonton bareng-bareng ning Singapura.[1]

Juni 2011, Dhèwèké olih kahormatan ning Red Carpet Gala Premierelumaku bebarengan karo sutradara Mun Chee Yong, bintang saka Meksiko Fernando Noriega lan Luke Brandon Field.[2] Film kang judhulé WHERE THE ROAD MEETS THE SUN diputar perdana lan bisa gawé para insan filem ning kana seneng, Selebritis internasional kaya ta Tom Hanks, Zhang Ziyi lan Lee Byung Heon uga meluni njurung Screen Singapore.[2]

Film kang nyaritakaké babagan wong papat yang duwé sajarah kang béda-béda lan ketemu ning panginapan prasaja.[2] Takashi, kang durjana nembé tangi amarga koma patang taun suwené, mangkat maring Los Angeles kanggo ngelalikaké sajarahé kang traumatis.[2] Ning asrama iku dhèwèké temon karo Blake (Eric Mabius), manajer asrama kang esih ngerasakaké rasa nyesal amarga garwané lunga sawisé dhèwèké nglakoni selingkuh.[2] Ning wektu liya, Julio (Fernando Noriega), imigran gelap kang nyambut gawé ning Restoran India kanggo nanggung ékonomi kaluwargané kang manggon ning Meksiko kekancanan karo Guy (Luke Brandon Field), ana manèh umbara enom saka Inggris kang lagi seneng-seneng anggoné ngentengaké banda saka wong tuwané lan turu karo para wanita kang ditemoniné.[2]Always believe in the story dikutip saka omongané Delon Tio, kang nggawé dhèwèké bebarengan karo sutradara Mun Chee direwangi casting director Billy Hopkins (NATURAL BORN KILLERS, SE7EN, GOOD WILL HUNTING, BOYS DON’T CRY) yakin manawa bakal bisangasilaké filem kang duwé mutu.[2] Diproduseri Nation Pictures, Singapore Film Commission lan Big machine Films, filem iki olih pirang-pirang bebungah kang ning festival filem Internasional, kaya ta Worldfest Houston International Film Festival 2011 lan Los Angeles Asian Pacific Film Festival 2011.[2] Rencanané filem iki bakal diputer ning Jakarta ning tengahan sasi Agustus 2011.[2] Ora namung filem iku mau Nation Pictures uga bkal ngerilis filem edukasi sosial kang dijuduli SIMFONI LUAR BIASA akir September 2011.[2]

Filmografi besut

Film kang tau diproduseri déning Delon Tio[1]:

  • 2011 SIMFONI LUAR BIASA (producer)
  • 2011 WHERE THE ROAD MEETS THE SUN (producer)
  • 2009 II MACABRE (executive producer)
  • 2008 CLAUDIA/JASMINE (producer)
  • 2006 6:30 (executive producer)

Art Department[1]:

  • 2006 THE HAMILTONS (property master)

Art Director[1]:

  • 2006 6:30

Cathetan suku besut

  1. a b c d e f g h i j k l m n o biografi Delon Tio dipununduh tanggal 28 September 2011
  2. a b c d e f g h i j berita Delon Tio dipununduh tanggal 28 September 2011