Djenar Maesa Ayu

penulis Indonésia

Djenar Maesa Ayu (lair ing Jakarta, 14 Januari 1973; umur 51 taun) minangka salah sijiné penulis Indonésia. Cerkak-cerkaké wis sumebar ing médhia massa Indonésia kaya ta Kompas, The Jakarta Post, Republika, Koran Tempo, Majalah Cosmopolitan, lan Lampung Post. Djenar Maesa Ayu iku putrané sutradara filem legendaris Syuman Djaya lan paraga wanita Tutie Kirana. Djenar nduwé anak loro ya iku Banyu Bening lan Btari Maharani. Lumantar filem perdanané, Djenar nampa Piala Citra minangka Sutradara Paling Apik.[1]

Djenar Maesa Ayu.

Karya-karya besut

Buku kang sepisanan kang dikarang Djenar judhulé Mereka Bilang, Saya Monyet! wis dicithak ulang kaping wolu lan lumebu nominasi 10 buku paling apik Khatulistiwa Literary Award 2003. Buku iku uga dicithak ing versi basa Inggris. Saiki, carkak kanthi judhul kang padha karo bukune wis digawé fileme ing layar lebar. Cerkak kang judhulé Waktu Nayla uga dadi Cerpen Terbaik Kompas 2003. Cerkak iku digawé buku bareng karo cerkak Asmoro ing antologi carkak pilihan Kompas.

Déné carkak Menyusu Ayah dadi Cerpen Terbaik 2003 versi Jurnal Perempuan lan diterjemahaké karo Richard Oh ing basa Inggris kanthi judhul Suckling Father kanggo dicithak manéh ing Jurnal Perempuan versi basa Inggris, edisi kolaborasi karya terbaik Jurnal Perempuan.

Cathetan suku besut

  1. movietei.com[pranala mati permanèn](dipuntingali tanggal 17 Agustus 2011)