Wong Druzi
Para Druzi (/druːz/;[1] Arab: درزي derzī or durzī, plural دروز durūz; Ivri: דרוזי
drūzī plural דרוזים, druzim) ya iku kelompok etnorelijiyus esotèrisme abasa Arab,[2] kang asalé saka Asia Kulon, kang nganggep awaké dhèwè minangka para unitarian (Al-Muwaḥḥidūn/Muwahhidun).[3] Yitro saka Midian dianggep leluriné para Druzi lan linuhur minangka narayasa/pambina spiritual saha nabi mligi.[4][5][6][7][8]
Kapitayaning para Druzi ya iku monoteis lan agama Abrahamik dhedhasar ajaraning Hamza ibn-'Ali, al-Hakim, Plato, Aristotélès, Sokratès lan Akhenaten.[9][10] Risalat Kawicaksanan iku minangka risalat dhasaré kaptayaning Druze.[11] Kapitayan Druzi nguwor unsur-unsur Ismailiyah,[12] Yahudi,[3] Kristen,[3] Genostisisme, Néoplatonisme, Pitagoréanisme, Hindhu kaloka nepsiraké kitab-kitab kanthi ésotèris lan nitik babagan budi lan kasunyatan.[3][13][14][14] Para Druzi mèlu ajaran teofanisme, lan pitaya ing janmantara utawa pangalihan sukma.[15] Ing pungkasaning siklus titisan, kang digayuh mawa janmantara kang kasil, sukmané manunggal karo Pikiran Kosmis (Al Aaqal Al Kulli).[16]
Sanajan dianggep brayan agung kang cilik karo brayan liya kang luwih gedhé, brayan agung Druzi iki nduwé dhapukan kang gatèn tumrap sujarahing Levant, lan sabanjuré uga nduwé dhapukan ing bab pulitik ana kana. Minangka ètnis lan kelompok relijiyus minoritas ing saben nagara kang didunungi, para Druzi asring ngalami panyiya-nyiya. Masiya kapitayané asalé saka Ismaili Islam, para Druzi asring ora dianggep Muslim.[17][18][19][20] Kalipahing Fatimi, Ali az-Zahir, putrané al-Hakim iku minangka bleger kang utama ing kapitayaning Druzi. Dhèwèké iku diyektèni minangka wong kang sereng, njalari patiné wong-wong akèh ing Antioch, Aleppo, lan Suriah Lor. Panyiya-nyiya kuwi kadadéan nalika pamaréntahaning Mamluks lan Ottoman.[21] Akir-akir iki, Druzi dadi inceraning Nagara Islam lan Al-Qaeda[22] kang ngupadi kanggo nyucèkaké Suriah lan nagara-nagara tanggané kang nduwé prabawa non-Islam.[23]
Para Druzi kalebu salah sijining golongan relijiyus kang gedhé ana ing Levant, kanthi watara 800.000 lan rong yuta pariwara. Akèh-akèhé golongan iki dedunung ana ing Suriah, Libanon and Israèl, kanthi brayan cilik-cilik ana ing Yordania lan sanjabané Asia Kidul-Kulon. Brayan Druzi kang paling kuna lan paling akèh cacah jiwané ana ing Pagunungan Libanon lan ing sakiduling Suriah ing saubengé Jabal al-Druze (arti sabeneré "Pagunungan para Druzi").[24] Padatan sosialé para Druzi iki béda adoh karo para Muslim utawa wong Kristen, wong-wong Druzi kawuningan mbentuk brayan kang manunggal nanging uga bisa awor ing tanah wutah getihé kang anyar.
Papan
besutWong-wong Druzi mligi manggon ana ing Suriah, Libanon, Israèl, lan Yordania.[25][26] Bebadan Kajian Druzi metara yèn patangpuluh nganti sèket persèn wong-wong Druzi manggon ana ing Suriah, telungpuluh nganti patangpuluh persèn ing Libanon, enem nganti pitung persèn ana ing Israèl, lan siji utawa rong ing Yordania. Watara rong persèn saka cacah jiwané Druzi uga kasebar sajeroning nagara-nagara liya ing Wétan Tengah.[25][27]
Brayan-brayan Druzi kang gedhé uga dedunung ana ing sanjabané Wétan Tengah, ing Ustrali, Kanada, Éropah, Amérikah Latin, Amérikah, lan Afrika Kulon. Wong-wong iki migunakaké basa Arab lan mèlu adat sosial kang mèmper karo wong-wong kang ana ing Levant (Mediterranean Wétan).[28]
Cacah jiwaning wong-wong Druzi ing sakurebing langit iku watara 800.000 lan rong yuta, kanthi akèh-akèhé manggon ana ing Levant.[29]
Rujukan
besutSitiran
besut- ↑ "Druze".
- ↑ Chatty, Dawn. Displacement and Dispossession in the Modern Middle East. Cambridge University Press. ISBN 0-521-81792-7.
- ↑ a b c d Doniger, Wendy. Merriam-Webster's Encyclopedia of World Religions. Merriam-Webster, Inc. ISBN 0-87779-044-2.
- ↑ Corduan, Winfried (2013). Neighboring Faiths: A Christian Introduction to World Religions. kc. 107. ISBN 0-8308-7197-7.
- ↑ Mackey, Sandra (2009). Mirror of the Arab World: Lebanon in Conflict. kc. 28. ISBN 0-393-33374-4.
- ↑ Lev, David (25 Oktober 2010). "MK Kara: Druze are Descended from Jews". Israel National News. Arutz Sheva. Dibukak ing 13 April 2011.
- ↑ Blumberg, Arnold (1985). Zion Before Zionism: 1838–1880. Syracuse, NY: Syracuse University Press. kc. 201. ISBN 0-8156-2336-4.
- ↑ Rosenfeld, Judy (1952). Ticket to Israel: An Informative Guide. kc. 290.
- ↑ Léo-Paul Dana (1 Januari 2010). Entrepreneurship and Religion. Edward Elgar Publishing. kc. 314. ISBN 978-1-84980-632-9.
- ↑ Terri Morrison; Wayne A. Conaway (24 Juli 2006). Kiss, Bow, Or Shake Hands: The Bestselling Guide to Doing Business in More Than 60 Countries (édhisi ka-illustrated). Adams Media. kc. 259. ISBN 978-1-59337-368-9.
- ↑ Nejla M. Abu Izzeddin (1993). The Druzes: a new study of their history, faith, and society. BRILL. kc. 108–. ISBN 978-90-04-09705-6. Dibukak ing 17 Maret 2011.
- ↑ Daftary, Farhad. A History of Shi'i Islam. I.B.Tauris. ISBN 0-85773-524-1.
- ↑ The Israelis: Ordinary People in an Extraordinary Land, Donna Rosenthal, Simon and Schuster, 2003, p.296
- ↑ a b Kapur, Kamlesh. History Of Ancient India. Sterling Publishers Pvt. Ltd. ISBN 8120749103.
- ↑ Nisan 2002, kc. 95.
- ↑ "Druze". druze.org.au. 2015. Diarsip saka sing asli ing 2016-02-14. Dibukak ing 2016-08-09.
- ↑ Nisan, Mordechai. Minorities in the Middle East: A History of Struggle and Self-Expression. McFarland. ISBN 0-7864-5133-5.
- ↑ Kayyali, Randa. The Arab Americans. Greenwood Publishing Group. ISBN 0-313-33219-3.
- ↑ Sorenson, David. Global Security Watch-Lebanon: A Reference Handbook: A Reference Handbook. ABC-CLIO. ISBN 0-313-36579-2.
- ↑ Abdul-Rahman, Muhammed Saed. Islam: Questions And Answers — Schools of Thought, Religions and Sects. AMSA Publication Limited. ISBN 5551290492.
- ↑ Hitti 1924.
- ↑ Al-Khalidi, Suleiman. "Calls for aid to Syria's Druze after al Qaeda kills 20". Reuters.
- ↑ "Syria: ISIS Imposes 'Sharia' on Idlib's Druze". Diarsip saka sing asli ing 2015-05-20. Dibukak ing 2016-08-09.
- ↑ Radwan, Chad K. (June 2009). "Assessing Druze identity and strategies for preserving Druze heritage in North America". Scholar Commons.
- ↑ a b Druzes, Institute of Druze Studies, diarsip saka sing asli ing 2006-06-17, dibukak ing 2016-08-09
- ↑ Jordanian Druze can be found in Amman and Zarka; about 50% live in the town of Azraq, and a smaller number in Irbid and Aqaba.
- ↑ Dana 2003, kc. 99.
- ↑ Halabi, Rabah, Citizens of equal duties—Druze identity and the Jewish State , kc. 55
- ↑ "Druze set to visit Syria". News Online. BBC. 30 Agustus 2004. Dibukak ing 8 Sèptèmber 2006.
Around 80,000 Druze live in Israel, including 18,000 in the Golan Heights.
Bibliografi
besut- Dana, Nissim (2003), The Druze in the Middle East: Their Faith, Leadership, Identity and Status, Sussex University Press, ISBN 1-903900-36-0.
- Hitti, Philip Khūri (1924), Origins of the Druze People and Religion, Forgotten Books, ISBN 1-60506-068-2, dibukak ing 4 April 2012.
- Nisan, Mordechai (2002), Minorities in the Middle East: a history of struggle and self-expression (édhisi ka-2nd, illustrated), McFarland, ISBN 0-7864-1375-1, dibukak ing 4 April 2012
- Swayd, Samy S (2006), Historical dictionary of the Druzes, vol. 3 (édhisi ka-illustrated), Scarecrow Press, ISBN 0-8108-5332-9, dibukak ing 4 April 2012