Ecser
Ecser (pronounced [ˈɛʧɛr], mèmper pocapan Inggris "acher"), iku sawijining kutha cilik utawa désa ing kacamatan (county) Pest, Honggari, sacedhaké kutha Budapest. Ecser uga duwé jeneng basa Slowak: Ečer, lan duwé sawatara sing ndunungi minoritas wong Slowak. Désa iki dumunung ing sisih kidul-wétané Budapest, cedhak papan anggegana internasional Ferihegy. Papan padunungan ing sacedhaké antarané Maglód, Vecsés, Gyömrő lan Üllő. Dalan gedhé M0 parané tumuju menyang désa iki. Désa iki dumunung ing jalur sepur nomer 120a (Budapest-Újszász-Szolnok).
| Ecser | |
|---|---|
 Lambang Ecser | |
| Nagara | Honggari |
| Kacamatan | Pest |
| Laladan | |
| • Gunggung | 13,1 km2 (51 sq mi) |
| Cacah warga (2001) | |
| • Gunggung | 3.252 |
| • Pepadhet | 248,05/km2 (64,240/sq mi) |
| Zona wektu | CET (UTC+1) |
| • Usum panas (DST) | CEST (UTC+2) |
| Kodhe Pos | 2233 |
| Kodhe laladan | 29 |
| Situs wèb | www.ecser.hu |
Sajarah
besutCathetan pisanan sing katulis bab Ecser ya iku tanggal 15 Dhésèmber 1315, sanadyan désa iki wis ana wiwit taun 896, nalika wong Honggari teka ing tlatah iki. Miturut legenda, jeneng désa iki peparing saka Pangéran Ageng Árpád saka Suku Honggari. Nalika mampir ing tlatah iki, sang Pangéran takon jenengé panggonan iki marang sing ndunungi lokal nanging sing ndunungi ora bisa njawab. Banjur Pangéran Árpád celathu: Aranana panggonan iki miturut anané wit oak (Basa Honggari cser). Sajeroning dominasi kakuwasan Ottoman Turki (1526-1686) désa iki prasasat mati, mligi sawisé takluké Buda, kang ana ing sacedhaké. Padunung sing sepisanan bali menyang désa iki ing taun 1699. Sajeroning Perang kamardikan Rákóczi (1703-1711) ana 11 prajurit saka Ecser (kang mèlu perang). Ing wiwitan taun 1700 sing duwé tlatah iki ya iku Count Antal Grassalkovich manggon ing Slowak.
Bab wigati
besutSiji-sijiné monumèn ing désa iki ya iku gréja katulik saka taun 1740.
Ing désa iki uga ana jogèd rakyat kang misuwur ya iku Wedding at Ecser (Ecseri lakodalmas).
Ing lambang désa kagambar gréja, jogèd rakyat lan wit oak, telu bab wigati saka désa iki.
Kutha kembar
besut
Zlaté Klasy (Slowak)
Kumbağ (Turki)
Pranala njaba
besut- Situs resmi Ecser: Sajarah Ecser Archived 2008-06-02 at the Wayback Machine.