Epy Kusnandar
Epy Kusnandar punika salah setunggaling aktor Indonésia kelairan 1 Mèi 1964.[1] Epy punika asalipun saking Garut, Jawi Kilèn.[1] Nalika taksih sekolah wonten ing SMP, Epy Kusnandar sampun remen dhumateng seni peran saha aktif wonten ing téater.[1] Sasampunipun lulus SMA nalika taun 1983, Epy lajeng ngalami mangsa vakum wonten pendhidhikanipun, sasampunipun punika Epy nembé nglajengaken kuliyah wonten Institut Kesenian Jakarta (IKJ) nalika taun 1989.[1] Sasampunipun punika Epy ugi aktif wonten ing sanggar téater kados ta Pantomim Sena Didi saha Theater Aristokrat.[1] Salajengipun, Epy akting wonten ing tivi saha layar jembar.[1] Epy gadhah kepénginan supados saged kados aktor Slamet Rahardjo saha Didi Petet.[1]
| Epy Kusnandar | |
|---|---|
 | |
| Lair | Epy Kusnandar |
| Pakaryan | aktor |
Epy naté palakrami kaping kalih.[1] Epy ugi dipunvonis kénging lelara kanker otek.[2] Sanajan wonten dhokter ingkang nedahaken manawi lelara punika boten saged dipunobati saha gesangipun Epy kantun sekawan wulan malih nanging Epy boten nyerah.[1] Epi lajeng nindakaken terapy herbal.[1]
Epy misuwur lumantar kalompok komedi ingkang dados maskot salah setunggaling rokok.[1] Salajengipun Epy pikantuk tawaran kanggé main wonten ing sinétron kanthi irah-irahan "Asyiknya Geng Hijau".[1] Kajawi punika Epy ugi akting wonten ing sinétron "Kejar Kusnadi" (2005) ingkang dipunsiyaraken wonten ing RCTI.[1] Wonten ing sinétron punika, Epy akting dados sopir Kancil sareng kaliyan Kusnadi.[1] Artis sanèsipun ingkang akting wonten ing sinétron punika inggih punika Alya Rohali, Aom Kusman, Ratna Riantiarno, Beddu, saha Anjana Demira.[1] Kajawi sinétron punika, Epy ugi akting wonten ing filem "I Love You, Om".[1] Epy ugi akting dados Dadang, inggih punika tokoh satpam ingkang gadhah garwa tiga wonten ing sinétron komèdhi "Suami-Suami Takut Istri".[1]
Cathetan suku besut
 | Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |