Gabah

Gabah punika bulir pari ingkang sampun kapisah saking damèn utawi merang.

Gabah pari kultivar IR64

Gabah pari ketan, warnanipun langkung coklat tinimbang gabah IR64

Perdhagangan pari parté ageng punika ing wujud gabah, amargi gabah ingkang sampun garing punika boten gampang risak (bosok) lan langkung awet manawi dipunsimpen. Dhefinisi teknis perdhagangan kanggé gabah, inggih punika asil tetuwuhan pari ingkang sampun kapisah saking gagangipun kanthi cara dipunrontogaken.

Anatomi gabah

Sacara anatomi biologi, gabah punika woh pari, kalebet wiji. Woh pari bentukipun bulir utawi caryopsis, saéngga awrat anggènipun mbéntenaken pérangan woh lan wiji.

Istilah perdhagangan gabah

Amargi pari/gabah/beras punika komoditas vital tumrap Indonésia, Pamaréntah nemtoaken regulasi regi ing perdhagangan gabah. Mila, wonten istilah-istilah mirunggan ingkang ngacu ing kualitas gabah ingkang dados referensi panemtu regi:

• Gabah Garing Panèn (basa Indonésia: Gabah Kering Panen),
• Gabah Garing Simpen (basa Indonésia: Gabah Kering Simpan),
• Gabah Garing Giling (basa Indonésia: Gabah Kering Giling).

Pangolahan Gabah

Gabah saged dipunolah dados:

• Beras, kanthi digiling.
• Gabah kanggé komoditas perdhagangan.
• Winih pari, gabah ingkang saé saged dipun-ginakaken kanggé winih pari lan ditandur malih.

Sadèrèngipun dipunolah, gabah kedah dipunpépéni ngantos garing.

Mépéni gabah kanthi tradhisional ing képang:

• 
• 

Ugi pirsani

• Pari
• Beras
• Sega

Pranala njawi

• Kaputusan Sesarengan Kepala Badan Bimas Ketahanan Pangan lan Kepala BULOG Archived 2006-03-09 at the Wayback Machine.