Gimbap
Gimbap punika jinising tetedhan Koréa ingkang wujud sekul dipunbungkus nori (suket sagara), kados sushi.[1] Gimbap kondhang minangka tetedhan ingkang dipunbekta nalika plesiran, minggah redi, utawi kridha sanèsipun ing njawi ruangan.[1]
| Gimbap | |
|---|---|
 | |
| Jeneng Koréa | |
| Hangul | 김밥 |
| Alihaksara Koréa Kang Sinampurna | gimbap |
| McCune–Reischauer | kimbap |
Sajarah
besutBoten dipunngertosi asal-usuling gimbap. Wonten ingkang ngandharaken bilih wewenganing tetedhan punika saking sushi Jepang. Nanging mangkono, kasunyatanipun gimbap punika tetedhan kawula ingkang mirah lan dipundamel saking bahan ingkang gampil. Adhedhasar serat Dongguk Sesigi ingkang dipunserat nalika mangsaning Dinasti Joséon, wonten tetedhan ingkang dipunwastani bokssam (wungkusan kabegjan) ingkang dipundamel saking sekul gulung ingkang dipunbungkus kim (suket sagara garing). Bokssam punika tetedhan kanggé dipuntedha nalika wisata utawi minangka sangu kanggé lelampahan. Ing tengahing warni-warni énggal gimbap ingkang sapunika medal, wonten gimbap ingkang dipunanggep asli saking Koréa, inggih punika gimbap chungmu ingkang asalipun saking Chungmu ing pasisir kidul Ujung Koréa. Gimbap chungmu boten wonten isinipun nanging namung wujud sekul gulung suket sagara ingkang dipuntedha kalih kimchi lan nus.
Bahan
besutBahan kanggé ndamel gimbap inggih punika sekul, daging, lan janganan. Sekul pethak dipunparingi bumbu sarem lan lenga wijèn utawi lenga perilla. Isènipun ugi manéka warni wiwit saking ulam, daging yuyu, tigan, daging iga sapi, kimchi, kéju, ulam tuna lan sanèsipun. Déné bahan ingkang wujud janganan punika timun, bayem, wortel, lan danmuji (acar lobak). Sedanten isènipun lajeng dipungulung, tumuli padatanipun dipunirisi[2].
Werni-warni ing nagari manca
besutGimbap dipunpilih minangka tetedhan paling dipunremeni saking 100 tetedhan Koréa déning tiyang njawi. Kalawarti minggon paling ageng ing Kanada, Straight nyerat artikel babagan kondhangipun gimbap ingkang nandhingi sushi kanthi irah-irahan Korean kimbap rolls out of sushi's shadow.[3] Ing antawisipun manéka warni gimbap, medal warni kondhang saking kathah nagara, kados ta Gimbap Prancis lan Gimbap California (Amérika). Gimbap Prancis dipundamel bènten saking gimbap sanèsipun amargi lembaraning suket sagara garingipun dipungulung ing sekul miturut karemenanipun tiyang Prancis ingkang kirang remen aroma suket sagara garing. Gimbap California dipundamel kanthi isèn woh-wohan kados apokat.
Cathetan suku
besut- ↑ a b Passport to Korean Culture. Korean Culture and Information Service - Ministry of Culture, Sports and Tourism
, Seoul, Republic of Koréa. 2010. kc. 43–44. ISBN 978-89-7375-153-2 03910.
{{cite book}}: line feed character in|publisher=at position 81 (pitulung) - ↑ Gimbap[pranala mati permanèn], (dipunaksès tanggal 24 Fèbruari 2013)
- ↑ Korean kimbap rolls out of sushi's shadow", Straight.com.
Pranala njawi
besut| Wikimedia Commons duwé médhia ngenani Kimbap. |
 | Artikel magepokan panganan iki minangka artikel rintisan. Kowé bisa ngéwangi Wikipédia ngembangaké. |