Grebeg Besar

Grebeg Besar ya iku salah sawijining acara ing kutha Demak. Acara iki dianakaké saben wulan Dzulhijjah, kanggo nyambut bada Besar (wulan haji). Perayaan mau diadakake kanggo nguri-uri budaya leluhur lan kanggo ngramekaké sasi besar, mula dijenengaké grebeg besar. Perayaan grebeg besar iki wis dadi ciri khas ing kutha Demak. Grebeg besar iki tekan puncak'é tanggal 10 dhulhijjah.Cathetan sajarah Kabupatèn Demak pancèn ora bisa ucul saka pangudiné para Wali Sanga sing nyebarke agama Islam ing tanah Jawa abad XV. Sing paling utama ya iku Sultan Fatah lan Sunan Kalijaga sing diakoni dadi wong pinter lan duwé prabawa ing sajarahé Kabupatèn Demak. Saéngga ora kagèt yèn akèh acara lan kagiyatan ritual sing dikenalke karo tokoh loro mau isih ana nganti seprené lan dadi ritual sing mesti dientèni bebrayan Demak lan bebrayan njaba Demak .