Gunung Karang
Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Gunung Karang inggih punika salah satunggaling gunung ing Indonésia, ingkang dumunung ing sisih kilèn provinsi Banten. Gunung Karang inggih kalebet salah satunggaling gunung geni ingkang taksih aktip ing Jawa Barat, ingkang mapan wonten ing Kabupatèn Pandeglang, kirang langkung tebihipun 20 km wonten ing sisih kidul kitha Serang, Banten.[2] Saking asiling panaliten, boten kapanggih sujarah njeblugipun gunung karang punika. Nanging, saking data arkéologis, gunung Karang punika dipunlebetaken dados golongan gunung stratovolkano ingkang gadhah potensi kanggé njeblug. Gunung Karang gadhah puncak ingkang dhuwuripun kirang langkung 1.778 mèter saking nginggil toya laut. Gunung Karang punika misuwur kanggé papan wisata ziarah ingkang rame ing sasi-sasi tartamtu, kados ta ing sasi Mulud utawi Rabiul Awal ingkang gadhah wisatawan ingkang ziarah inggil sanget. Padatanipun, para peziarah sami dhateng petilasan Tb Jaya Raksa, minangka sesepuh Karajan Banten ingkang mapan wonten ing Désa Kaduengang. Gunung Karang dipunsebat ugi raksasa ingkang nembé tilem kanthi pules amargi gunung Karang punika gadhah potensi ingkang ageng kanggé njeblug minangka gunung geni ingkang taksih aktif, ugi amargi kathahipun potensi wisata ingkang dèrèng dipungali kanthi maksimal.
| Gunung Karang | |
|---|---|
| Èlevasi | 1,778 metres (5,833 ft) |
| Prominèn | 1,703 metres (5,587 ft) |
Daya Tarik
besutPamarentah Kabupatèn Banten saweg ngupayakaken potensi Gunung Karang dados papan wisata spiritual ingkang saged narik kawigatosanipun para wisatawan. Daya tarik ingkang sajatosipun saged dados andalan saking gunung Karang punika inggih ing gunung punika wonten tigang rupa objek kunjungan ingkang paling wigati, inggih punika Sumur pitu, bèji Cikoromoi, saha pemandian toya panas Cisolong.
- Wisata Cisolong
Wisata Cisolong inggih wujud pemandian toya panas kanthi wontenipun sumber mata air wlirang saking Gunung Karang piyambak, ingkang wonten ing ecamatan Kaduhejo, kanthi jarak kirang langkung 10 km saking kitha Pandeglang.
- Wisata Citaman
Nalika sampun dugi Labuan, para wisatawan saged dugi ing objek wisata Citaman. Wisata Citaman punika inggih awujud papan pemandian alami ingkang sisan ugi dados situs arkéologi kanthi kaanan alam ingkang saé sanget. Citaman piyambak inggih awujud kolan renang megalitik, ingkang mapan wonten ing pinggiring Gunung Pulosari, désa Sukasaro, kacamatan Menes, Kabupatèn Pandeglang. Ing bèji punika wonten manéka warna watu lumpang utawi dakon saha pecahan kramik ingkang unik. Kolam punika dipunperang dados kalih pérangan, inggih punika ingkang sapisan kanggé para tiyang kakung saha ingkang satunggal pérangan kanggé tiyang èstri. Kolam Citaman punika ambanipun kirang langkung 350 m2. Nalika jaman megalitik, kolam punika dipun-ginakaken dados papan kanggé nyucekaken diri saderengipun nindakaken ritual ing watu Goong. Situs watu Goong Citaman mapan ing sisih kilèn Pulosari ing bukit Ka du Gunung Pulosari. Miturut asiling panaliten, nedahaken bilih objek situs watu Goong Citaman punika satunggal kesatuan kompleks budaya.
Uga delengen
besutCathetan suku
besut- ↑ a b c "Karang". Global Volcanism Program. Smithsonian Institution.
- ↑ [1] Archived 2013-03-04 at the Wayback Machine. Gunung Karang-Sang Raksasa Tidur dari Pandeglang (dipunundhuh tanggal 12 Januari 2013)