Wikipédia

I Gede Ardhika

Drs. I Gede Ardhika[1] (lair ing Singaraja, Bali, 15 Fèbruari 1945; umur 79 taun) inggih punika Mantri Kabudayan lan Pariwisata ing Kabinèt Gotong Royong.[2] Panjenenganipun njabat nalika tanggal 23 Agustus 2000 nalika wonten owah-owahan (reshuffle) anggota Kabinèt Persatuan Nasional.[2]

I Gede Ardhika
Mantri Kabudayan lan Pariwisata Républik Indonésia 11
Linggih
23 Agustus 2000 – 9 Agustus 2001
PrésidhènAbdurahman Wahid
Kang sadurungéHidayat Jaelani
Linggih
9 Agustus 2001 – 20 Oktober 2004
PrésidhènMegawati Soekarnoputri
Kang sawiséJero Wacik
Rerincèn dhiri
Lair (1945-02-15) Fèbruari 15, 1945 (umur 79)
Jepang Singaraja, Bali, Masa Pendudukan Jepang
BangsaIndonésia
AlmamaterSTIA LAN
AgamaHindhu

Pendidikan

besut

Ardhika lulusan taun 1977 saking STIA LAN, Bandung lan kalebet pejabat kariér ing Dhepartemén Kabudayan lan Pariwisata.[2] Miwiti pendidikan dhasaripun ing Sekolah Rakyat (SR), désa Sudaji ngantos tigang taun dangunipun ngantos kelas tiga SR.[2] Salajengipun panjenenganipun nglajengaken malih pendidikanipun ing Sekolah Dhasar Negeri 2 Singaraja ngantos dumugi lulus.[2] Lajeng nglajengaken dhateng SMP Negeri 1 Singaraja lan SMA 1 Singaraja.[2] Sasampunipun lulus SMA, Ardhika nglajengaken sekolahipun ing Fakultas Seni Rupa Institut Teknologi Bandung (ITB).[2] Salajengipun, panjenenganipun medal saking ITB amargi masalah beaya.[2] Salajengipun Ardhika ndhaptar ing Akadhemi Perhotèlan ing Bandung lan kasil lulus nalika taun 1967.[2] Lajeng Ardhika pikantuk beasiswa saking pamaréntah kanggé kuliyah Manajemen Perhotèlan, Institur International Glion, Switserlan taun 1969 lan ngantos tigang taun panjenenganipun kuliyah ing Switserlan.[2]

Kariér

besut

Taun 1972 Ardhika kondur malih dhateng Indonésia, panjenenganipun dipuntugasaken kanggé kerja sama kaliyan tenaga ahli saking Switserlan ing Akadhemi Perhotèlan Nasional (APN) Bandung minangka Kepala Seksi Pengajaran lan dhosèn ing mata kuliyah "House Keeping".[2] Nalika taun 1976 Ardhika njabat minangka Pajabat Sawetawis Dhirektur National Institute Bandung ngantos taun 1978.[2] Salajengipun Ardhika pindhah tugas kanggé njabat Dhirektur Pusat Pendidikan Perhotèlan lan Pariwisata ing Nusa Dua, Bali.[1] Taun 1985 Ardhika pindhah tugas minangka Palaksana Tugas Kepala Sub Dhirektorat Perhotèlan lan Panginapan Ditjen Pariwisata ing Jakarta nalika taun 1988 ngantos taun 1991.[2] Lajeng pikantuk tugas ènggal malih ing Bali kanthi njabat Kakanwil Dhepartemén Pariwisata, Pos, lan Telekomunikasi (Parpostel) Provinsi Bali.[2] Taun 1993 Ardhika kondur malih dhateng Jakarta, panjenenganipun dipundadosaken Kepala Pusdiklat Dhepartemén Parpostel.[2] Salajengipun taun 1996 njabat minangka Sekretaris Ditjen Pariwisata ingkang taksih mlebet ing Dhepartemén Parpostel.[1] Salajengipun, taun 1998 Ardhika pinitados dados Dhirektur Jenderal Pariwisata, Dhepartemén Pariwisata Seni lan Budaya. Taun 2000 panjenenganipun pinitados dados Mantri Nagara Kabudayan lan Pariwisata Kabinèt Persatuan Nasional. Salajengipun Ardhika kapilih malih dados Mantri Kabudayan lan Pariwisata ing Kabinèt Gotong Royong.[2]

Cathetan suku

besut
  1. ↑ a b c Biodata Para Menteri Kabinet Abdurrahman Wahid Archived 2009-10-25 at the Wayback Machine. dipunundhuh tanggal 9 Oktober 2011)
  2. ↑ a b c d e f g h i j k l m n o p I Gede Ardika[pranala mati permanèn] dipunundhuh tanggal 9 Oktober 2011)

Pranala njawi

besut

I Gede Ardika[pranala mati permanèn]


Dijupuk saka "https://jv.wikipedia.org/w/index.php?title=I_Gede_Ardhika&oldid=1656424"