Itsukushima Shrine
Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Kuil Itsukushima (厳島神社 Itsukushima jinja?) inggih punika kuil Shinto ing Pulo Itsukushima (Pulo Miyajima), Hatsukaichi, Prefektur Hiroshima, Jepang. Dipundirikaken langkung saking 1.400 taun kapengker, kuil Itsukushima minangka salah satunggaling situs tilas budaya Situs Warisan Donya UNESCO ingkangn kadhaptar wiwit taun1996.[1]
| Itsukushima Shinto Shrine | |
|---|---|
| Janeng ing Pratélan Warisan Donya | |
 | |
| Jinis | Cultural |
| Wewaton | i, ii, iv, vi |
| Rujukan | 776 |
| Tlatah UNESCO | Asia-Pacific |
| Sujarah prasasti | |
| Prasasti | 1996 (Sési 20th) |
Sapérangan yasan ingkang dumunung ing kompleks kuil Itsukushima lan barang-barang pusaka ingkang gadhahanipun kuil Itsukushima kalebet ugi sutra Heike Nōkyō dipundhaptar minangka Pusaka Nasional Jepang. Sutra Heike Nōkyō gadhah kuil Itsukushima minangka bebungan saking klan Taira nalika taun 1164.[1]
Nalika jaman rumiyin, Pulo Itsukushima inggih punika pulo suci ingkang boten angsal dipunlebeti déning sembarang tiyang. Amargi punika, yasan kuil dipundirikaken ing Lempongan Itsukushima kanthi mirp sawijining yasan dermaga.
Wangunan torii awarni oranye murub ingkang katingal kados ngambang ing tengah laut minangka cirri khas kuil Itsukushima. Kuil punika kalebet salah satunggaling tujuan pariwisata ingkang paling misuwur ing Jepang. Torii katingal ngambang ing tengah laut nalika air pasang, nanging saged dipuncape kathi mlampah nalika air surut.[2]
Nalika tirta laut nembé surut, pasisir ing sakitar yasan torii minangka papan ingkang misuwur kanggé mendheti kerang ingkang saged dipuntedhi. Nalika wayah dalu, yasan kuil lan torii kados kasiram cahya saking lampu-lampu sorot ingkang dipunpasang ing sakitar pasisir.[2]
Sesawangan yasan torii kanthi latar belakang Gunung Misen minangka salah satunggal saking Tigang Sesawangan paling éndah ing Jepang kaliyan jalur pasir pasisir ing Amanohashidate lan sesawangan Lempongan Matsushima.[2]
Wonten ing kompleks kuil ugi wonten panggung pentas noh.
Sajarah
besutKuil kapisanan dipunyasa nalika abad ke-6, déné yasan kuil kados ingkang katingal sapunika sampun wonten wiwit taun 1168. Kuil ingkang angka pisan dipunyasa kathi dana pembangunan saking pemimpin militèr Jepang ingkang nama Taira no Kiyomori. Kuil Itsukushima lajeng dipundadosaken papan pamujan déning klan Heike.[3]
Kuil Itsukushima lajeng asring ngalami renovasi wiwit pungkasan jaman Heian, déné pemugaran kanthi ageng dipuntindakaken déning Mōri Motonari sabibaripun ngasoraken Sue Harukata wonten ing Paprangan Itsukushima nalika taun 1555.
Nalika jaman rumiyin, Pulo Itsukushima minangka pulo ingkang dipunlarang tumrap tiyang biyasa. Kuil dipunyasa ing nginggil tanah pasisir ing lempongan pulo Itsukushima supados tiyang biyasa boten angsal mlampah mlebet ing pulo punika. Miturut cathetan sajarah, tiyang bbiasa ingkang péngin dedongan kedah rawuh ing pulo kanthi perahu lan mlebet kuil saking gerbang wujud yasan Torii.
Wangunan Torii ing kuil Itsukushima sampun wonten wiwit taun 1168, nanging Torii ingkang wonten sapunika minangka yasan taun 1875. Torii dipunsangga sekawan cagak penopang supados jejeg ing nginggil pasir pasisir. Sedaya konstruksi Torii wonten ing nginggil lemah, tanpa fondasi utawi pérangan ingkang dipunbenemaken ing lemah. Torii saged jejeg kanthi ngandhelaken bobot yasan ingkang inggilipun 16 mèter.[2]
Kuil Itsukushima dipunanggep prelu dipunjaga kemurnianipun saéngga kuil boten nampi pencathetan kematian lan palakrama dumugi taun 1878. Pemakaman minangka tindaken ingkang dipunlarang wonten ing pulo punika.
Cathetan suku
besut| Wikimedia Commons duwé médhia ngenani Kuil Itsukushima. |
- Sejarah dan penjelasan mengenai bagian-bagian kuil Archived 2006-07-18 at the Wayback Machine. Situs resmi kuil Itsukushima
- Kalender acara dan festival di kuil Itsukushima Archived 2006-08-13 at the Wayback Machine.