Nila (iwak)

(Kaelih saka Iwak Nila)
Iwan Nila
Iwak nila wadon saka Lumajang, Jawa Wétan
Klasifikasi ngèlmiah
Karajan: Animalia
Filum: Chordata
Klas: Osteichtyes
Ordho: Perciformes
Famili: Cichlidae
Génus: Oreochromis
Spésies: Oreochromis niloticus
Jeneng binomial
Oreochromis niloticus
Linnaeus, 1758

Iwak nila ya iku jinisé iwak kang urip banyu tawa. Iwak iki asal saka Afrika, kang dumunung ana ing Afrika pérangan wétan,ing taun 1969 lan mangsa saiki dadi iwak pangigonan kang misuwur ing kolam-kolam kang misuwur ing Indonésia. Jeneng ngèlmiahé ya iku Oreochromis niloticus, lan sajeroning basa Inggris misuwur kanthi sesebutan Nile Tilapia.

Iwak nila ing wujud dedegé mèmper karo iwak Mujaèr, kang bisa urip ana panggonané ing banyu butheg.[1] sing mbédakaké kekaroné ya iku pérangan warna buntut kang semu abang.[1] Iwak nila (Tilapia) saka Indonésia misuwur dadi iwak sing paling apik sadonya.[2] Iwak iki saka Tlaga Toba, Sumatera Lor.[2] Rahsiané ya iku saka pambudidayané ana ing banyu tlaga kang jeroné nganti 50 mèter kanthi suhu ana ing dhuwur lan ngisor banyu kurang luwih padha.[2] Saka rahasiané iku ndadékaké iwak nila saka nagarané dhéwé ora mambu blethok, kang sabanjuré ndadèkaké apik kwalitasé.[2] Ing Bali iwak Nila iki bisa diingoni ana banyu rawa lan ana ing tlaga.[3] Saka kasil panalitèn iwak Nila dadi komoditas unggulan nomer siji saka séktor perikanan sing bisa ngalahaké kerang kang manggon ana nomer loro.[3] Ing Kabupatén Purbalingga, Jawa Tengah akèh para kadang wong tani kang mauné ngingoni iwak Guramé, banjur malih dadi iwak Nila utawa Lèlè.[4] Amarga gampang payuné lan luwih ora gampang kaserang lelara.[4] Saka sajarahé iwak Nila iku uripé saka sagara.[5] Déné nganti tekan dina iki bisa urip ana banyu rawa (payau) amarga saka perkembangan jaman kang bisa diingoni déning manungsa.[5] Iwak iki bisa dadi alternatif saliyané iwak Kakap.[5] Kurang luwih limang wulan bisa dipanén kanthi kasil kang luwih unggul yèn ta dibandingaké karo iwak Nila biyasa.[5]

Jinis besut

Aneka jinis anak iwak nila:

 
O. niloticus niloticus
  • Oreochromis niloticus baringoensis Trewavas, 1983
  • Oreochromis niloticus cancellatus (Nichols, 1923)
  • Oreochromis niloticus eduardianus (Boulenger, 1912)
  • Oreochromis niloticus filoa Trewavas, 1983
  • Oreochromis niloticus niloticus (Linnaeus, 1758)
  • Oreochromis niloticus sugutae Trewavas, 1983
  • Oreochromis niloticus tana Seyoum & Kornfield, 1992
  • Oreochromis niloticus vulcani (Trewavas, 1983)

Cathetan suku besut

  1. a b [1] (Kaundhuh tanggal 27 Mèi 2011)
  2. a b c d [2] (Kaundhuh tanggal 27 Mèi 2011)
  3. a b [3][pranala mati permanèn] (Kaundhuh tanggal 5 Juni 2011)
  4. a b [4] (Kaundhuh tanggal 5 Juni 2011)
  5. a b c d [5][pranala mati permanèn] (Kaundhuh tanggal 7 Juli 2011)

Pranata Njaba besut