Iwak piranha
| Iwak piranha | |
|---|---|
| |
| Klasifikasi ngèlmiah | |
| Karajan: | Animalia |
| Filum: | Chordata |
| Klas: | Actinopterygii |
| Ordho: | Characiformes |
| Famili: | Serrasalmidae Géry, 1972 |
| Genera | |
| Catoprion Pristobrycon Pygocentrus Pygopristis | |
Iwak Piranha utawi piraña (uniné /pɨˈrɑːnjə/, /pɨˈrænjə/, /pɨˈrɑːnə/, utawi /pɨˈrænə/) punika salah satunggaling jinis iwak toya tawar ingkang gesang wonten ing sungai-sungai wonten Amérika Selatan. Wonten ing sungai-sungai Venezuela, ulam punika dipunwastani caribes. Ulam piranha kawéntar kanthi waja ingkang landhep lan karnivora utawi kéwan ingkang mangan daging [1].
Jinis Ulam Piranha
besutIwak piranha kagolong ulam ingkang wujudipun radi aneh mliginipun kepala iwak piranha kathahipun ageng kanthi garis tutuk mangandhap. Dawanipun ulam punika saking 14 cm dumugi 26 cm. Nanging wonten ingkang manggihaken ulam piranha kanthi dawa 43 cm [2].
Adhedhasar sub-famili-nipun, ulam piranha kagolong famili Serrasalminae. Katingal saking pakulinan wonten ing masarakat ulam punika kagolongaken dumados sekawan jinis, inggih punika: Ulam piranha saking marga Pristobycon, Ulam piranha saking marga Pygopristis, Ulam piranha saking marga Pygocentrus, lan ulam piranha Serrasalmus. Sekawan jinising ulam piranha mau ingkang sampun ddipunsarujuki minangka piranha asli amargi gadhah untu mirunggan ingkang nggambaraken ulam piranha ingkang sejatinipun. Nanging kawontenanipun sekawan jinis ulam piranha punika taksih dados bahasan para ahli. Amargi kira-kira dipunkinten-kinten jinising ulam piranha taksih saged kapérang malih. Miturut panaliten, jinis ulam piranha kinten-kinten mapan wonten ing angka 30 dumugi 60 spésies [2].
Kaunggulaning ulam piranha nalika mangsa daging gampil amargi gadhah waja ingkang unik. Sekawan jinis ulam piranha punika gadhah larikan waja ingkang landhep ing kalih rahangipun. Wajaning ulam piranha punika padet lan runcing, saéngga saged kanggé nusuk lan nggeser mangsa supados saged suwek ing papan kénging waja. Adhedhasar kriteria mau ulam piranha punika mlebet golongan predator sagara [2].
Piranha jinis Serrasalmus Rhombeus
besutsaking jinis-jinis ulam piranha ingkang wonten, Serrasalmus Rhombeus utawi ingkang langkung kawéntar kanthi nama Black Devil Piranha punika salah satunggaling jinis Piranha ingkang paling ganas ugi paling ageng. Nalika taksih alit ulam punika sampun katon medèni saking wujud lan rupanipun. Ukuran awak diwasa Rhombeus saged dumugi 50 cm dawa kanthi horisontal lan 25 cm dawa kanthi vertikal awakipun [1].
Nalika taksih alit, Rhombeus gadhah warni ingkang radi terang kanthi bintik-bintik ireng lan gadhah warni mata abang. Postus awak ulam punika nalika sampun radi ageng katon keker lan kasar. rahangipun wiyar lan kokoh kanthi waja-waja ingkang ageng lan landhep ingkang ginanipun kanggé ngremukke mangsa kanthi kulit kasar [1].
Cathetan suku
besut- ↑ a b c [1] Archived 2012-10-25 at the Wayback Machine., (id) http://www.iftfishing.com Archived 2023-02-14 at the Wayback Machine. (dipun-akses tanggal 15 November 2012).
- ↑ a b c [2] Archived 2012-08-17 at the Wayback Machine., (id) http://www.anneahira.com (dipun-akses tanggal 15 November 2012).