John Tyler

John Tyler, Jr. (lair ing Charles City County, Virginia, 29 Maret 1790 – pati ing Richmond, Virginia, 18 Januari 1862 ing umur 71 taun) ya iku Présidhèn lan Wakil Présidhèn Amérika Sarékat kaping 10. Tyler njabat présidhèn nalika taun 1841-1845. Sadurungé tyler njabat dadi Wakil Présidhèn Amérika Sarékat. Dhèwèké dadi wakil présidhèn pisanan kang dadi présidhèn ana ing sajarah Amérika amarga présidhèn kang lagi njabat banjur mati. Saksuwene dadi présidhèn, Tyler akèh gawé veto proposal wigati kang diajukake déning parténe, amarga iku parténe ora seneng karo dhèwèké, kabinèt kang dipandhegani dijenengi kabinèt "bencana" lan ndadèkaké Tyler salah siji présidhèn kang dipanggonake ana ing rangking paling ngisor. Ana ing pungkasané Tyler lewih nuduhaké kesetiaane marang prinsip-prinsipe lan praja asalé dibandingake karo nagara konfederasi kang dipanggedhèni dadi présidhèn. Ana ing kapamimpinane John Tyler nalika iku kadadéan evolusi wigati parté-parté pulitik. Ana ing mangsa Présidhèn Tyler uuga ditentokake panggon sawijining kebijaksanaan domestik lan diwiwitine kebjaksanaan anyar pulitik luar nagari ing Amérika.

John Tyler
Présidhèn Amérika Sarékat ke-10
Masa jabatan 4 April 1841 – 4 Maret 1845
Wakil Presiden	Tidak ada
Sadurungé	William Henry Harrison
Pengganti	James K. Polk
Wakil Présidhèn Amérika Serékat
Masa jabatan 4 Maret 1841 – 4 April 1841
Presiden	William Henry Harrison
Sadurungé	Richard Mentor Johnson
Pengganti	George Dallas
Gubernur Virginia ke-23
Mangsa jabatan 10 Dhésèmber 1825 – 4 Maret 1827
Sadurungé	James Pleasants
Pengganti	William Branch Giles
Senator AS saka Virginia
Masa jabatan 4 Maret 1827 – 29 Fèbruari 1836
Pendahulu	John Randolph of Roanoke
Pengganti	William C. Rives
Lahir	29 Maret 1790 Charles City County, Virginia
Meninggal	Januari 18, 1862(1862-01-18) (umur 71) Richmond, Virginia
Kebangsaan	Amérika
Partai politik	Whig, Dhémokrat
Suami/Istri	Letitia Christian Tyler (bojo pisanan) Julia Gardiner Tyler (bojo kaping 2)
Anak	Mary Tyler Robert Tyler John Tyler Letitia Tyler Elizabeth Tyler Anne Contesse Tyler Alice Tyler Tazewell Tyler David Gardiner Tyler John Alexander Tyler Julia Gardiner Tyler Lachlan Tyler Lyon Gardiner Tyler Robert Fitzwalter Tyler Pearl Tyler (allegations of Tyler being the father of John Dunjee have also risen)
Almamater	The College of William and Mary
Pekerjaan	Pengacara
Agama	Èpiskopal (kayane uga Deisme) [1]
Tanda tangan

Awal karier

John Tyler lair ing Charles City County, Virginia. Bapaké uga dadi gubernur ana ing praja iki. Tyler iku lulusan saka William and Mary College. Nalika umuré 19 taun dhèwèké wis diwènèhi hak kanggo makarya minangka pengacara. Nalika umuré 21 taun dhèwèké dipilih dadi anggota DPR nagara perangane Virginia nganti tekan taun 1816. Nalika iku dhèwèké dijaluk supaya manggoni kursi kang kosong ing Dewan Perwakilan Rakyat Amérika. Nalika dhèwèké dadi anggota DPR nagara perangane Virginia, ana perang kang pecah antarané Amérika lan Inggris, banjur dhèwèké tinanggenah menyang medhan paperangan supaya mandhegani salah siji kompi milisi kanggo mertahanake nagara perangane Virginia sing nalika iku diancem déning para bala tentarane Inggris.

Ing taun 1821 John Tyler mundur saka donyane pulitik uga ninggal jabatane minangka Anggot DPR Amérika. Rong taun sawisé iku, dhèwèké kapilih manèh dadi anggota DPR nagara perangane Virginia, banjur dadi Gubernur Virginia, anggota MPR, jejabat senat Amérika lan bali manèh dadi anggota DPR nagara perangane Virginia.

Minangka anggota DPR Amérika, John Tyler nentang arep sakabehing rencana perundang-undangan nagara. Minangka senator, ing pisanan dhèwèké njurung Andrew Jackson kanggo dadi présidhèn sanajan mung setengah-setengah. Banjur dhèwèké nentang kebijakan pulitik Jackson amarga dhèwèké nganggepe luwih menyang kedhaliman. John Tyler mènèhi panjurung menyang hak-hak nagara pérangan lan nentang penafsiran bébas sajeroning konstitusi Amérika.

Dhèwèké dipilih déning Parté Whig dadi calon présidhèn amarga calon sadurungé mundur. Nalika iku Parté Whig mbutuhake calon kang asalé saka laladan kidul kanggo nyeimbangake pencalonan. Amarga Tyler asring katon mbela kapentingane "pérangan kidul" ing Parté Whig, mula dhèwèké dianggep mathuk dadi calon présidhèn.

Masa kepresidenan

Nalika sedane Présidhèn William Henry Harrison, putusan kang pisanan John Tyler duwé prabawa kang gedhé ing sajarah Amérika kanggo sabanjuré. Nalika iku isih ora cetha apa wakil présidhèn bisa dadi présidhèn utawa wakil présidhèn tumindak dadi "présidhèn sawetara". Tyler banjur mutusaké yèn wakil présidhèn kang manggon ing kantor présidhèn kudune dadi présidhèn.

Tyler nglakoni sumpah kalungguhan, ngandharake sesorah inagurasi kang cekak, banjur pindhah menyang gedung putih. Nalika iku akèh kritisi kang ndebatake keputusane, nanging banjur putusan iku dijurung déning kongres. Sawisé iku, wakil présidhèn ing Amérika dadi présidhèn Amérika yèn présidhèn kang isih njabat séda utawa mundur saka jabatane.

Ing taun 1841, nalika umuré 51 taun, dhèwèké dadi présidhèn Amérika paling nom, déné sing sadurungé, ya iku William Henry Harrison iku présidhèn tuwa dhéwé. Présidhèn John Tyler kuwat mertahanake pendhapate yèn ngrembag babagan kebijakan publik lan antusias banget kanggo ngowahake sakabehing wewenang kepresidenane supaya bisa minangka apa sing dikarepake. Mung Présidhèn Jackson kang bisa ngalahake sajeroning panganggonan hak veto.

Présidhèn Tyler uga ora oyag nalika mertahanake cabang èksekutif supaya bisa ngadeg dhéwé, ora mathuk karo kepinginane parté whig, ya iku ndadèkaké cabang èksekutif ana ing sangisore kongres.

Pecah karo Parté Whig

Pecahe présidhèn Tyler karo parté whig nyatane ngrugikake kekarone, kanggo Présidhèn Tyler uga Parté Whig. Ana rong prakara kang dadi penyebab ananing perpecahan.

Panggabungan Texas

Nalika tanggal 27 Fèbruari 1845 resolusi bersama babagan panggabungan Texas ddisarujuki déning Konggrès. Resolusi iki ngukuhaké rong pilian kang kudu diputusake déning présidhèn.

1. Nawari Texas dadi nagara pérangan ing wektu kang sacekak-cekake kanthi syarat-syarat tartamtu.
2. Negoisasekake manèh syarat-syarat karo para jejabat kang duwé wewenang ing Texas kanthi kemungkinan Texas bisa dadi nagara pérangan.

Resolusi tekan ing Présidhèn Tyler nalika tanggal 1 Maret 1845 lan kasunyatane ngenteni putusan Présidhèn James Polk, kang dinyana bakalan milih pilian kang kapindho. Nanging Présidhèn Tyler ora gelem ngalah. Présidhèn Tyler ngirimake utusan menyang Texas nalika tanggal 3 Maret lan nawarake pilian kang pisanan.

Nalika Présidhèn Polk resmi manggon ing kantor kepresidenan ing tanggal 4 Maret, dhèwèké ora eling yèn Tyler tau ngirimake utusan diplomatik menyang Texas. Sanajan mangkono, banjur Texas diresmikake dadi nagara pérangan Amérika ing Januari 1846.

Rerampungan saka Présidhèn

Tyler ninggal Washington D.C. nalika James Polk nembé diinagurasi. Miturute, dhèwèké wis nglakoni kang paling apik kanggo nagarané. Ing taun 1852 Tyler kanthi seneng nrima pamilihane supaya manggon ing sajeroning Parté Dhémokrat Virginia. Sawisé dadi nagara pérangan yang pisanan, ya iku South Carolina metu saka perserikatan (kang minangka lelakon kang pisanan tumuju Prang Sedulur), Tyler dadi penaséhat sawatara. Banjur ing sasi Juni 1861 dhèwèké bungah nalika kapilih dadi Ketua Konvensi Bedhamèn.

John Tyler nganjurake supaya nagara pérangan Virginia sacepete metu saka perserikatan. Sawisé iku dhèwèké dipilih dadi anggota Konggrès Sementara nagara-nagara pérangan kang metu saka perserikatan. Ing tanggal 18 Januari 1862 dhèwèké séda ing Richmond. Pungkasané, dhèwèké luwih setia karo prinsip-prinsipe lan nagara perangane saka nagara fédherasi kang wis tau dhèwèké pandhegani.