Jongmyo Jeryeak

Jeryeak punika musik ingkang dipunmainaken kanggé upacara ritual jaman rumiyin ing Koréa [1]. Déné Jongmyo Jeryeak punika dipunmainaken wonten ing upcara ritual pakurmatan dhateng leluhur lan déwa-déwa ing Candhi Jongmyo lan sajik ing salebeting astana [2]. Jongmyo Jeryeak punika musik ingkang dipun-ginakaken wonten ing upacara pamujaan dhateng arwah panguwasa Dinasti Joseon (Jongmyo Jerye) ing kuil Jongmyo Seoul.

Jongmyo Jeryeak

Jongmyo Jeryeak ateges Musik Upacara Jongmyo ingkang dipunlestantunaken minangka Warisan Budaya Nonbendawi Koréa Kidul No.1 nalika taun 1964.

Jongmyo Jeryeak kapérang dados kalih musik inggih punika Botaepyeong ingkang ngurmati ngèlmu lan kebajikan mantan raja-raja déné lan Jeongdae-eop ingkang mengeti jasa raja ing babagan kamiliteran ing tata pamaréntahan. Wiwitanipun musik punika kaginakaken déning raja kaping sekawan Dinasti Joseon, Raja Sejong minangka musik kanggé pista-pista ing astana ( hoerye-ak ). Hoerye-ak dipunkomposisi nalika taun 1446 taun kaping 28 masa pamaréntahanipun. Jogèd-jogèd ingkang ngiringi Hoerye-ak dipunwastani ngèlmu (jogèd baris). Lajeng nama Hoerye-ak dipun-gantos dados Jongmyo Jerye-ak lan dipuntambah jogèd ngèlmu nalika taun 1464. Jongmyo Jerye-ak lan ngèlmu dipuntedahaken kanthi ndhèrèk prosedur-prosedur ritual ing Jongmyo Jerye.

Dipuncathet wonten ing manéka buku sajarah lan cathetan musik Joseon kados Joseon Wangjo Sillok, Dae-akhubo, lan Sogagwonbo, musik Jeongdae-eop lan Botaepyeong punika gadhah 11 repertoar. Ilmu ingkang kapérang saking jogèd sipil lan jogèd militèr punika dipunadaptasi déning Raja Sejo kanggé dipunpentasaken wonten ing Jongmyo Jerye. Botaepyeong punika musik ingkang nggambaraken puji-pujian awit saking prestasi lan génerasi raja. Déné musik Jeongdae-eop punika minangka apresiasi kecakapan militeripun. Penari kanthi cacah 64 tiyang punika nari kanthi ndhèrèk alunan musik lan gerakanipun lambat. Orkestra ingkang mainaken musik kanthi antifonari (harmonisasi) kapérang dados kalih kelompok, satunggal kelompok wonten ing lapangan lan satunggal malih wonten ing tritis celak kaliyan kuil.

Orkestra teras utawi Deungga dipunmainaken kanthi ngginakaken piranti musik pyeonjong (lonceng metal), pyeongyeong (lonceng watu), banghyang (metalofon), daegeum (suling pring ingkang ageng), dangpiri (suling Cina), ajaeng (kecapi gesek), jeolgo (genderang), janggo (genderang dawa), chuk (dipununekaken minangka pratanda purwaka lan pungkasan musik), lan bak ( piranti musik bak ).

Cathetan suku besut

  1. Jongmyojeryeak, koreamusic.
  2. [1] Archived 2011-11-30 at the Wayback Machine. (id) Jeryeak (제례악) ( dipun-akses tanggal 18 Januari 2013 )