Joseph-Louis de Lagrange
Joseph-Louis de Lagrange (kanthi asma wiyosan Giuseppe Luigi Lagrangia, 25 Januari 1736-10 April 1813) punika matematikawan lan astronom Prancis-Italia ingkang maringi sumbangan wigatos dhumateng mekanika klasik, akasa lan téyori wilangan.
Dipunwiyosaken ing Turin, panjenenganipun punika campuran Italia lan Prancis. Bapanipun tiyang sugih, nanging remen mborosaken kasugihanipun. Ing tembé wingking ing salebeting gesangipun, Lagrange nyebat bapanipun minangka bebendu ingkang kaleresan amargi, "manawi kula marisi kasugihanipun mungel kula boten badhé ngedu nasib kula kanthi matematika."
Milih matematika sasampunipun maos satunggiling esai ngenani kalkulus, kanthi rikat panjenenganipun mangertos subyèk wau. Ing yuswa 19, panjenenganipun miwiti karyanipun-mungel ingkang paling ageng, Mécanique analitique, sanadyan boten dipunterbitaken dumugi panjenenganipun yuswa 52. Amargi boten wontenipun diagram ingkang jangkep, komposisi gumolong, William Rowan Hamilton nyebat bukunipun minangka "sajak èlmiyah".
Nalika Lagrange ngintun sapérangan asil karyanipun dhumateng Leonhard Euler, Euler pirsa dhumateng kelantipan Lagrange lan murung nerbitaken sapérangan karyanipun piyambak ingkang sesambetan supados Lagrange ingkang saged nerbitaken pisanan-conto langka ngenani sipat satunggiling akadhemikus ingkang boten mentingaken dhiri pribadi.
Kariripun masyhur; ing yuswa 20 panjenenganipun punika dados matematikawan pura Raja Prusia Friedrich ingkang Agung ing Berlin lan salajengipun mahaguru ing École normale ing Paris. Salaminipun Révolusi Prancis, panjenenganipun punika dados favoritipun Marie Antoinette lan salajengipun Napoleon. Ing Paris, panjenganipun mbiyantu nyampurnaaken sistem metrik ngenani bobot lan ukuran.
Kutipan dhumateng Lagrange
besut- Lagrange wujud puncak piramida saking èlmu-èlmu matematika. (Napoleon Bonaparte)
- Nakhoda ageng analisis modhèren punika Lagrange, Laplace, lan Gauss ingkang sepantaran. (WWR. Ball)