Julius Caesar

Gaius Julius Caesar (Latin: C•IVLIVS•C•F•C•N•CAESAR¹) (13 Juli 100 SM–15 Maret 44 SM) punika satunggaling pamimpin militèr lan pulitikus Romawi ingkang panguwaosipun dhumateng Gallia Comata ndadosaken Romawi tambah wiyar dumugi Oceanus Atlanticus. Panjenenganipun mandhegani serangan Romawi sepisanan dhumateng Britania, lan ngenalaken prabawa Romawi dhumateng Gaul (Perancis sapunika).

Gaius Julius Caesar
Diktator Republik Romawi
"Tusculum portrait", dinuga minangka salah sijiné patung Caesar kang digawé ing mangsa isih urip
Panjenengan	Oktober 49 SM – 15 Maret 44 SM (sebagai diktator dan/atau konsul)
Lair	Juli 100 SM Subura, Roma
Surud	15 Maret 44 SM (55 taun) Curia Pompey, Roma
Putra	Julia Caesaris 85/84 – 54 SM Caesarion 47 – 30 SM Augustus 63 SM – 14 M (kaponakan adoh, uga dipupu sadurungé tilar donya minangka anak Caesar ing taun 44 SM)
Jeneng dawa Gaius Julius Caesar
Wangsa	Julius-Claudius
Bapa	Gaius Julius Cæsar
Ibu	Aurelia Cotta

Julius Caesar perang lan menangaken satunggaling perang sadulur ingkang ndadosaken panjenenganipun panguwaos paling ampuh ing Romawi, lan miwiti réformasi ageng-agengan dhumateng masarakat lan pamaréntah Romawi. Panjenenganipun dados diktator seumur hidup, lan musataken papréntahan ingkang saya lemah ing républik wau.

Caesar séda tanggal 15 Maret 44 SM amargi dipuntusuk ngantos séda déning Marcus Junius Brutus lan sapérangan sénator Romawi. Aksi penyédanan dhumateng Caesar ing dinten Idi Maret kasebat dados pamicu perang sadulur kaping kalih ingkang dados pungkasaning Républik Romawi lan awal Kamaharajan Romawi ing saandhaping panguwaosipun putu kakungipun lan putra angkatipun, Kaisar Augustus.

Kampanye militèr Julius Caesar dipunmangertos kanthi detil saking seratanipun piyambak Kempalan Komentar (Commentarii), lan kathah saking criyos gesangipun ingkang dipunrekam sajarawan kados Gaius Suetonius Tranquillus, Mestrius Plutarch, lan Lucius Cassius Dio.

Palakrama Julius Caesar lan keturunanipun

• Palakrama sepisanan kaliyan Cornelia Cinnilla, putri Cinna
  • Julia Caesaris, krama kaliyan Pompeius
    • satunggal putu, yuswanipun namung sapérangan dinten, séda lan dèrèng diparangi asma
  • putra ingkang taksih ing guwa garba, dèrèng diparangi asma
• Palakrama kaping kalih kaliyan Pompeia Sulla
• Palakrama kaping tiga kaliyan Calpurnia Pisonis, putri Piso, konsul 58 SM
• Laku jina kaliyan Cleopatra
  • Kaisar Ptolemy XV (Caesarion), firaun Mesir
• Putra angkat ingkang dipunangkat sasampunipun séda, Octavianus, kaisar Romawi

Kronologi

• 13 Juli 100 SM – Miyos ing Roma
• 84 SM – Palakrama sepisanan kaliyan Cornelia
• 82 SM – Uwal saking paukuman mati Sulla
• 81/79 SM – Jasa militèr ing Asia lan Cilicia; pepanggihan kaliyan Nicomedes saking Bithynia
• 70-an – Makarya dados advokat
• 69 SM – Quaestor (kados bendahara) ing Hispania Ulterior
• 65 SM – Curule aedile
• 63 SM – Dipunlantik pontifex maximus lan praetor urbanus; konspirasi Catilinaria, skandal Bona Dea lan njalari Caesar pegatan kaliyan Pompeia
• 59 SM – Jawatan konsul sepisanan; awal Triumviratus Pertama kaliyan Marcus Licinius Crassus lan Gnaeus Pompeius Magnus, Julia palakrama kaliyan Pompey
• 54 SM – Sédanipun Julia
• 53 SM – Sédanipun Crassus: pungkasaning Triumviratus Pertama
• 52 SM – Paperangan Alesia
• 49 SM – Panyebrangan Rubicon, wiwitaning perang sadulur
• 48 SM – Ngasoraken Pompeius ing Yunani; dados diktator; jawatan konsul kaping kalih
• 47 SM – Kampanye ing Mesir; pepanggihan kaliyan Cleopatra VII
• 46 SM – Ngasoraken Cato lan Metellus Scipio ing Afrika Lér; jawatan konsul kaping tiga
• 45 SM –
  • Ngasoraken mengsah pungkasan ing Hispania
  • Kundur dhateng Roma; jawatan konsul kaping tiga
• 44 SM –
  • dipunlantik dados diktator abadi
  • Fèbruari, Nolak diadem ingkang ditawarkan Antonius
  • 15 Maret, dipunsédani Marcus Iunius Brutus, Gaius Cassius Longinus lan tiyang-tiyang Romawi ingkang sanès ing griya Senate

Réferénsi

C. Iulii Caesaris quae extant, 1678

• Life of Caesar, olèh Plutarch; Oxford Classics
• The Twelve Caesars – Julius Caesar, déning Suetonius; Penguin Classics

Cathetan suku

1-Gaius Iulius Gaii Filius Gaii Nepos Caesar, ing basa Indonésia "Kaisar Julius Gaius, putra Gaius, cucu Gaius".

Ugi pirsani

• Kaisar Romawi
• Sandi Caesar