Kupat

Aksara Latin

ꦗꦮ

Kupat utawa ketupat iku panganan kas Asia Kidul-Wétan mawa bahan dhasar beras kang dibungkus nganggo slongsong saka nam-naman godhong klapa (janur). Kupat paling akèh tinemu nalika dina riyaya, yaiku nalika umat Islam rampung pasa ing sasi Ramelan.

Kupat

Kupat Kupat
Panggonan asal	Indonésia
Tlatah utawa praja	Jawa
Woworan pokok	beras
Buku masakan: Kupat  Médhia: Kupat

Panganan kas kang migunakaké kupat antarané: kupat tahu (Grabag, Kabupatèn Magelang), lan kupat glabet (Kutha Tegal). Kupat uga kerep disuguhaké nganggo saté utawa opor. Saliyané ing Indonésia, panganan kupat uga tinemu ing Malaysia, Brunei lan Singapura.

Ana rong jinis wangun kupat yaiku kepel (luwih umum) lan jajaran genjang. Saben wangun duwé alur nam-naman kang béda. Kanggo gawé selongsong kupat perlu dipilih janur kang kualitasé apik, yaiku kang dawa, ora kanomen lan ora ketuwan.

Panggunan liya

Ing sawatara kalangan ing Jawa, kupat kerep digantung ing sandhuwuring lawang omah minangka jimat. Masarakat ing laladan mau isih ngugemi tradhisi supaya ora gawé kupat ing dina-dina biyasa, saéngga kupat amung disuguhaké wektu ariaya lan nganti sepasar sawisé iku. Déné ing Bali, kupat kerep diaturaké minangka sesajèn upacara.

Deleng uga

• Lonthong
• Kasuran