Krishna Balagita
Krishna Balagita (lair ing Jakarta, 26 Maret, 1967; yuswa 43 taon) utawi langkung misuwur ngasta asma Krishna punika satunggaling pangripta lagu saking Indonésia. Krishna punika wiwit dikenal saking tembang-tembangipun wonten grup musik Ada Band. Krishna ugi salah sawijining pendiri grup musik Ada Band kaliyan Ibrahim Imran (Baim), Suriandika Satjadibrata (Dika), Iso lan E'el ing taun 1996.
| Krishna Balagita | |
|---|---|
 | |
| Lair | Krishna Balagita |
| Jeneng liya | Krishna |
| Pakaryan | Pemusik |
| Taun aktif | 1997 - sapunika |
| Bojo | Irene Emira |
| Anak | Rasya Hanindya Rafanzia Syahira |
| Sana jaringan | [5] |
Awalipun Karir besut
Sajatosipun pikajengan Krishna ingkang ageng kanggé babagan musik sampun katingal saking yuswa 10 taon. Piyambakipun rumaos manawi saghed lestantun ing sakijroning tlatah musik. Syukur sanget Krishna lair ing kuluwarga ingkang remen kaliyan musik. Ibunipun gandrung sanget kaliyan gending jawi, mocopatan lan wewayangan. Kamasipun ugi remen sanget mirengaken musik jazz, klasik kaliyan rock. Dados Krishna alit sampun langkung mirengaken musik saking jenre ingkang béda-béda. Ing yuswanipun ingkang kaping 9 Krishna sampun nyinaoni piano piyambak nanging piyambakipun sampun saghed mangertos mbedha'aken akur-akur mayor utawi minor. Nalika yuswanipun ngancik 11 taon Krishna sampun gadah grup musik kaliyan lare-lare sabayanipun. Sabibaripun yuswa 16 taon Krishna péngin sanget ngangsu kawruh dhumateng satunggaling guru ingkang mumpuni. Impenipun mawujud, ndungkap yuswa 17 taon Krishna kepanggeh Jack Lesmana boponipun pemusik Indra Lesmana. Lajeng Krishna miwiti nyinaoni ngèlmu téyori lan praktek musik jazz saking Jack Lesmana. Dumugi yuswa 21 taon Jack Lesmana tilar donyo, kawusananipun Krishna nyinaoni musik saking putranipun Indra Lesmana lan minangoni ing sekolah musik piyambakipun..Ing taon 1993 Krishna ijrah dateng Australia mawujudaken roso ing ati pikajeng ngangsu kawruh ngèlmu piano saking Paul MacNamara. Piyambakipun guru ing New South Wales Conservatorium of Music. Ing taon 1994 Krishna ngambali maleh dateng Indonésia lan miwiti maen dateng festival-festival jazz[1]. Krishna naté konser kaliyan Maryono Quintet ing Jak Jazz taon 1995.
Karir besut
Ndungkap yuswanipun ingkang kaping 21 Krishna nyobi kasugiran dados juru musik profesionel, salah setunggil kapinginanipun saghed makarya dateng panggènan kafe-kafe lan hotèl. Krishna miwiti nyambut damel, bejanipun setaon melampah nyambut damel ing kafe Krishna kepanggeh malih kaliyan Maryono (juru seksopon saking Surabaya ingkang sampun misuwur ing donya jazz). Maryono kasengsem marang kaprigelan pianonipun Krishna, Lajeng Krishna dipunpendet dados juru piano grup musik piyambakipun. Bejanipun maleh Krishna ugi saged nimbo ngèlmu saking piyambakipun lan piyantun-piyantun sepuh ingkang sanèsipun. Amargi katresnan Krishna kaliyan musik Jazz[1], ing taon 2002 Krishna medalaken album Jazz instrumental ingkang dibantu kanca-kanca kados ta Indra Lesmana, Déwa Budjana, Tohpati, Indro Hardjodikoro[1] lan langkung kathah maleh.
Ada Band besut
Ing taon 1997 Ada Band ngedalaken albumipun ingkang kaping setungggal, judhul albumipun "Seharusnya". Tembang Seharusnya pikantok atur sapala ingkang cekap saé saking pamiarsa musik Indonésia. Lajeng ing taon 1999 medal album ingkang kaping kaleh, linuweh beja Ada Band angsal sesadean 100 èwu copy, tembang "Ough" dados andalanipun lan tembang "Bilakah" dados singel kaping kaleh. Nanging sabibaripun album punika, Ada Band kedah legowo kecalan 2 personelipun. Iso kaliyan E'el milih medal saking Ada band, boten jelas jalaran lan sebab musababipun. Sawentara boten enten juru dram, Ada band anggawe audisi, sawetawes dangu sambetipun Ada Band mendet Rama putronipun Yaya Moektio. Lajeng juru dram digantosaken kaliyan Rama, piano lan keyboard di cepeng kaliyan Krishna piyambakan. Ing taon 2001 album Tiara medal, takseh angsal sesadean ingkang cekap saé. Dumugi album ingkang kaping sekawan Ada Band angsal prakawis maleh, wayah punika Baim piyambak ingkang lengser saking Ada Band. Ada Band boten saged menopo-nopo, mbok bilih Allah sampun anggawe garis takdiripun kados makaten. Sukmanipun Ada Band kantun separo kantun Krishna lan Dika ingkang pemaen asli. Akhir taon 2001 Ada Band ngalami wayah-wayah sepen (sepaninggalan Baim Ada Band boten saged nyambut damel lantaran boten gadhah penyanyi). Lajeng ugi wayah punika Ada Band nyobi anggawe audisi maleh madosi penyanyi énggal. Kinten-kinten gangsal 7 penyanyi sampun dipuncobi audisi nanging Ada Band namung kasengsem kaliyan Donnie lan mutusaken Donnie kanggé panggantinipun Baim. Rawuhipun Donnie kaliyan Marshal ing gitar anggawe Ada Band sumrimgah maleh, album "Metamorphosis" laris manis dateng pasaran. Ada band angsal sesadean 300 èwu copy. Sewarso ngajeng Ada Band ngedalaken album Dicography njeh disyukuri sanget takseh angsal sesadean ingkang saé. Ing taon 2005 medal album Heaven of Love, tembang "Manusia Bodoh" melampah saé sanget. ngantos angsal sesadean 600 èwu copy ing wedal 6 wulan. Salajengipun Ada Band melampah tur saubengipun Indonésia kaliyan Ari Lasso[2]. Taon 2006 medal album Romantic Rhapsody, tembang Karena Wanita dados andalanipun. Disyukuri sanget, maleh ing wedal 6 wulan saghed angsal sesadean 500 èwu copy.Taon 2007 Ada Band ngedalaken album Cinema Story lajeng tembang andalan Selamanya dipun ngginakaken kanggé Original Soundtrackipun. Taon 2008 wonten prakawis ageng maleh ngantos Krishna piyambak ingkang medal saking grup punika.
Krishna New Spectrum besut
Ing taon 2007 Krishna anggawe kompilasi tembang-tembang piyambakipun ngasta asma Krishna & the New Spectrum,kathah ngginakaken penyanyi saking njawi kanggé nembangaken tembang-tembang ingkang dipunaransir maleh. Penyanyi kados Ian Kasela, Happy Salma lan Dudi Nuno wonten ing album punika.
Diskografi besut
- Ada Band
- Album sanèsipun
Refrensi besut
Pranala njawi besut
- [6] Archived 2019-07-25 at the Wayback Machine.