Kuil Meiji

Kuil Meiji (明治神宮 Meiji Jingū), mapan wonten ing Shibuya, Tokyo lan kalebet Kuil Shinto ingkang dipundedikasiaken kanggé muja arwah Kaisar Meiji sarta garwanipun, Permaisuri Shōken.

Sajarah

Bibar Kaisar Meiji tilar donya nalika taun 1912, Parlemen Jepang ngawontenaken resolusi kanggé mengeti jasa Sang Kaisar wonten ing Restorasi Meiji ^[1]. Satunggaling taman kembang iris ing area Tokyo. Sang Kaisar lan permaisurinipun naté dugi wonten ing mriku dipunpilih minangka lokasi pambangunan kuil, Konstruksi kawiwitan nalika taun 1925, kuil punika dipunyasa kanthi corak tradhisional Nagarezukuri sarta kasusun kathahipun saking cemara Jepang lan tembaga. Kuil punika resmi ing taun 1920, kapungkasan taun 1920 ugi, lan kanthi resmi tamanipun rampung kadamel ing taun 1926. Kuil Meiji kanthi resmi dipunrancang déning salah satunggaling Kanpei-taisha (官幣大社), inggih punika tiyang ingkang gadhah pangkat paling inggil wonten ing kuil ingkang dipunsokong déning pamaréntah. Wangunan asli kuil punika risak nalika Serangan Udara Tokyo nalika Perang Dunia II ^[2]. Lajeng kuil punika dipunrekonstruksi malih awit saking dana saking umum lan kapungkasan ing wulan Oktober taun 1958.

Kuil Meiji dados salah satunggal papan kunjungan Mantri Luar Negeri Amérikah Sarékat Hillary Clinton ing taun 2009. Bibar dugi ing Tokyo ing kunjungan luar nagari kapisan minangka Mantri Luar Negeri ugi kanggé dados sesulih présidhèn énggal Amérikah Sarékat Barrack Obama, piyambakipun langkung rumiyin dhateng dugi Kuil Meiji kanggé kepanggih kaliyan pemimpin Jepang minangka gambaran pakurmatanipun dhumateng sajarah lan kabudayan Jepang. Ing Januari 2010, Mantri Luar Negeri Jerman Guido Westerwelle nedahaken pakurmatan ingkang sami nalika rawuh ing kuil punika.

Komplèks Kuil

Kuil Meiji mapan wonten ing wana kanthi wiyar 700.000 mèter pasagi (kirang langkung 175 are). Aréa punika katutup kaliyan wana evergreen ingkang kapérang dados 120.000 wit kanthi 365 spesiès ingkang béda. Wit-witanipun ing mriku dipunsumbang déning masarakat jepang saking samubarang kalangan nalika kuil punika wiwit dipunyasa. Wana punika kathahipun dados papan rekreasi lan relaksasi ing pusat kutha Tokyo. Kuil Meiji punika kapérang dados kaliha area utami, inggih punika Naien lan Gaien

Naien

Naien kalebet wewengkon pérangan jero kuil ingkang kapusat lan kalebet musiyum harta karun ingkang nyimpen manéka seratan Kaisar lan sang permaisuri. Musiyum punika dipunyasa kanthi corak Azukezukuri.

Gaien

Gaien kalebet wewengkon pérangan njawi kuil ingkang kalebet Gladri Gambar Peringatan Meiji mawi 80 koleksi mural ageng minangka ilustrasi prastawa wonten ing gesangipun Sang Kaisar sarta permaisurinipun. Ugi kalebet fasilitas ulah raga ingkang manéka warni ing antawisipun stadion nasional Jepang. Kajawi punika ugi kalebet Aula Peringatan Meiji ingkang wiwitanipun kaginakaken minangka papan pepanggihan pamaréntah. Sapunika papan punika kanggé papan mantènan ing tradisi agami Shinto.

Cathetan suku

↑ Jalan-Jalan ke Kuil Meiji, Harajuku Archived 2012-12-30 at the Wayback Machine., (dipunakses tanggal 14 Fèbruari 2013)
↑ Meiji Shrine, (dipunakses tanggal 14 Fèbruari 2013)

Pranala njawi

Situs resmi basa Inggris Archived 2015-03-31 at the Wayback Machine.
Peta basa Inggris Kuil Meiji Archived 2011-08-29 at the Wayback Machine.

[meiji1-1] Jalan-Jalan ke Kuil Meiji, Harajuku Archived 2012-12-30 at the Wayback Machine., (dipunakses tanggal 14 Fèbruari 2013)

[meiji2-2] Meiji Shrine, (dipunakses tanggal 14 Fèbruari 2013)

[1]

[2]