Kupat tahu

Kupat tahu ya iku sejenis panganan kang digawé saka campuran kupat lan tahu gorèng kang diiris-iris, banjur diwènèhi sambel kacang. Kupat tahu uga dadi panganan khas saka Kabupatèn Magelang lan Jawa Tengah kanthi umum.

Isiné kupat tahuBesut

  1. kupat
  2. tahu putih
  3. kecambah
  4. sambel kacang, lan
  5. duduh gula kang cuwèr
  6. ana uga kang ditambahi bakwan

Cara nggawé Kupat Tahu MagelangBesut

Bahan:

  1. 1/2 kupat mateng
  2. 1 tahu putih, goreng, diiris kothak
  3. 30 gram kecambah, dikum banyu panas sedéla
  4. kol utawa lobis diiris-iris sakcukupé
  5. 1 bakwan, diiris-iris

Sambel kacang:

  1. 1 séndok makan kacang tanah, goreng, digiling kasar
  2. 1/2 siyung bawang
  3. lombok rawit abang (tergantung seléra)

Duduh gula:

  1. 5 séndok makan gula jawa, diserut
  2. 1 lembar godhong salam
  3. 1 cm laos
  4. 70 ml banyu
  5. uyah sakcukupé

Cara nggawéné:

  1. Duduh gula jawa : kabèh bahan duduh gula jawa dilebokaké ing panci, digodhog nganti umob, dientas, diademake banjur disaring.
  2. Kupat Tahu: bahan sambel kacang didèlèhaké ing piring, banjur diulek ing dhuwur piring mau nganti alus.
  3. Kupat ditata ing dhuwuré sambel kacang kang wis diulek mau. Ditambah tahu goreng kang diiris-iris, kol goreng, kecambah lan bakwan, banjur disuntaki duduh gula jawa.
  4. Tambah godhong slèdri, brambang goreng, lan krupuk.[1]



Cathetan sikilBesut