Malari
Malari utawa Peristiwa (Malapetaka Limabelas Januari) ya iku kadadéan dhémonstrasi mahasiswa lan haruhara sosial kang ana nalika tanggal 15 Januari 1974.[1] Prastawa iki kadadéan nalika Nayakotama (PM) Jepang Tanaka Kakuei lagi tetinjo ana ing Kutha Jakarta (14-17 Januari 1974).[1] Mahasiswa ngrancang dhémonstrasi kanggo nyambut tekané ana ing Pangkalan Udara Halim Perdanakusuma.[1] Amarga dijaga kanthi ketat, rombongan mahasiswa ora bisa mbrobos kanggo lumebu ing pangkalan udara.[1] Tanggal 17 Januari 1974 pukul 08.00, PM Jepang iku mangkat saka Pura ora sarana mobil, nanging diterkr déning Présidhèn Soeharto sarana hèlikopter saka Bina Graha menyang pangkalan udara.[1] Tekané Ketua Inter-Governmental Group on Indonesia (IGGI), Jan P. Pronk didadèkaké momèntum kanggo nindakaké dhémonstrasi antimodal asing.[1] Pucaké nalika tekané PM Jepang, Januari 1974, kang diramèni karo dhémonstrasi lan haruhara. Sawisé kadadéan dhémonstrasi kang dibarengi karo haruhara, pangobong, lan jarah rayah, Jakarta kumukus.[1] Soeharto banjur ngendheg Soemitro saka kalungguhan Panglima Kopkamtib.[1] Jabatan Asisten Pribadi Présidhèn uga dibubaraké nalika iku.[1] Kepala Bakin Soetopo Juwono digentèni déning Yoga Sugama.[1]
Ali Moertopo lan Prastawa Malari
besutAna ing prastawa Malari, Jenderal Ali Moertopo nuduh tilas PSII lan tilas Masyumiutawa èkstrim tengen kang dadi dhalang ana ing prastawa iku.[2] Nanging sawisé para tokoh ana ing prastawa Malari kaya ta Syahrir lan Hariman Siregar diadili, ara bisa dibuktèkaké yèn ana fakta lan salah siji wong saka Masyumi kang mèlu ana ing kono.[2] Pungkasan-pungkasan malah ana tetélan saka Jenderal Soemitro (swargi) ing buku Heru Cahyono, Pangkopkamtib Jendral Soemitro lan Peristiwa Malari kang mratélakaké yèn Ali Moertopo dhéwé lan para CSIS-é kang dadi dhalang ana ing prastawa Malari [2].
Cathetan suku
besut
| Artikel iki minangka artikel rintisan. Kowé bisa ngéwangi Wikipédia ngembangaké. |