Manting

Manting ya iku salah sijining ttetuwuhan ing Jawa. Manting dipèrang dadi loro ya iku manting (Eugenia cimosa) lan manting (Eugenia polyantha). Nanging, sajroné pangrembakané tetuwuhan iki arang dikenal manèh. Kayu-kayu iki tuwuh ing dhaèrah Jawa Kulon lan Sumatera.

Jinisé

Manting (Eugenia cimosa) ya iku tetuwuhan kayu kang dhuwuré udakara 15-20 m kanthi ambané 85 cm. Kayuné werna jambon, ora sepira atos, gampang dianggo kanggo wewangun utawa piranti-piranti omahan. Manting (Eugenia polyantha) ya iku tetuwuhan kayu kang dhuwuré udakara 25 m kanthi ambané 85 cm. Manting iki dibudidayakaké ing sapèrangan panggon ing Jawa kang dhuwuré panggonan udakara 1.400 mdpl. Jinis kayu iki rada atos, abot, alus, wernané coklat rada kuning semu abang, lan digunakaké kanggo wewangun.

Paedah

Kacathet yèn kulit tetuwuhan iki digunakanaké nyamaki jala nelayan ing Jakarta. Kulit kayuné digunakaké kanggo obat lara weteng.

Panggon

Dèsa-dèsa ing Jawa Wètan/Jawa Tengah/DIY kang nggunakaké jeneng manting minangka jeneng dèsa kaya ta:

No	Dèsa/Kelurahan	Kecamatan	Kabupaten
1	Manting	Jatirejo	Mojokerto
2	Manting	Pujon	Batu
3	Mantingan	Tahunan	Jepara
4	Mantingan	Bulu	Rembang
5	Mantingan	Salam	Magelang