Martin Evans
Sir Martin John Evans FRS (lair ing Stroud, 1 Januari 1941; umur 83 taun) inggih punika salah satunggaling genetikawan Inggris, ingkang dipunhurmati kanthi panemon kados pundi ngkulturaken sèl punca wonten ing taun 1981, lan karyanipun babagan pertumbuhan tikus ingkang sampun dipunlumpuhaken lan tèknologi gegayutan penargetan gen]. Wonten ing taun 2007, piyambakipun menangaken Bebungah Nobel Kedhokteran sesarengan kaliyan Oliver Smithies lan Mario Capecchi kanggé pengakuan karya penargetan genipun.[1]
| Martin Evans | |
|---|---|
 | |
| Lair | 1 Januari 1941 Stroud, Gloucestershire, Inggris. |
| Kabangsan | Karajan Manunggal |
| Babagan | Biologi perkembangan |
| Institusi | University College London University of Cambridge Universitas Cardiff |
| Alma mater | Christ's College, Universitas Cambridge. |
| Misuwur amarga | Penemuan sèl punca embrionik, dan pertumbuhan pukulan tikus dan pengarahan gen. |
| Pengaruh | Jacques Lucien Monod Sydney Brenner |
| Notable awards | Albert Lasker Award for Basic Medical Research (2001) 20px Nobel Kedhokteran (2007) |
Piyambakipun pikantuk gelar B.A. wonten ing babagan biokimia saking Christ's College, University of Cambridge wonten ing taun 1963. Piyambakipun nampi gelar M.A. nalika taun 1966 lan DSc wonten ing taun 1996. Nalika taun 1969 piyambakipun dipunanugrahi gelar PhD saking University College London.
Sabibaripun lulus saking Universitas Cambridge, piyambakipun remen babagan kontrol genetika saking pertumbuhan vertebrata. Panaliténi PhD-nipun ingkang awal njalari piyambakipun njajahi panggonan kultur sèl induk teratokarsinoma tikus wonten ing sistem kultur jaringan. Piyambkipun minangka tiyang ingkang kapisanan ingkang "memelihara" sèl mau wonten ing kultur jaringan ing kaanan ing pundi kasanggupanipun "berdiferensiasi" dipunpertahanaken kanthi boten winates.[2]
Boten dumugi taun 1981 sabibaripun kondur dhateng Cambridge, piyambakipun saged ngisolasi sèl ingkang sami saking embrio tikus normal. Lajeng piyambakipun kaliyan kancanipun nedahaken bilih sèl-sèl mau, ingkang dipunkenal minangka sèl induk embrionik saged sadayanipun dipunanggé "meregenerasikan" tikus campuran ingkang fertil saking sèl kultur jaringan lan salajengipun saged njalari mutasi ingkang dipukenalaken, dipunpilih, lan dipuntapis wonten ing kultur punika. Sapunika punika dados dhasar tumrap sadaya "pukulan" tikus lan nuju manipulasi genetik.
Perkembangan ingkang dhasar mau nyiptakaken jalur énggal kanggé genetika mamalia eksperimental lan lajeng genomik fungsional. Wiwit wekdal punika Sir Martin, ingkang dhateng wonten ing Fakultas Bioteknologi Cardiff University nalika taun 1999, sampun ngeksploitasi pukulan gen lan métodhe perangkap gen kanggé panemon énggal lan nyiptakaken mode hewani saking lelara manungsa. Saking laboratoriumipun dumugi dhémonstrasi ingkang kapisanan saking terapi gen kanggé nambal kekirangan wonten ing fibrosis kistik wonten ing kéwan lan sapunika, lan modhèl tikus ingkan dipunmutasi, wonten salebeting fungsi BRCA2, gen kanker payudara.
Sir Martin sampun nerbitaken langkung saking 120 karya ilmiah. Piyambakipun kapilih minangka Fellow of the Royal Society wonten ing aun 1993 lan pendiri Fellow of the Academy of Medical Sciences. Nalika taun 1993 piyambakipun dipunanugrahi Walter Cottman Fellowship lan William Bate Hardy Prizes. Piyambakipun dipunanugrahi penghargaan bergengsi Albert Lasker Award for Basic Medical Research wonten ing Amérikah Sarékat nalika taun 2001. Wonten ing taun 2002 piyambakipun dipunanugrahi gelar dhoktor kehormatan saking Mount Sinai School of Medicine, New York City, ingkang dipunanggep minangka salah satunggaling pusat donya kanggé gladhén medis lan ilmiah.
Sir Martin ugi minangka anggota Wales Gene Park, ingkang sampun mbekta genetika, ngèlmu kawruh panguripan, lan pengalaman klinik saking Wales kanggé nyiptakaken pusat énggal kanggé panalitén skala nasional lan internasional ingkang nawakaken fasilitas panalitén, pendidikan, lan eksploitasi komersial.
Piyambakipun dipunanugrahi gelar kebangsawanan wonten ing taun 2004 kanggé pelayananipun wonten ing babagan ngèlmu kadhokteran. Piyambakipun palakrama lan gadhah 3 putra lan 5 wayah.[3]
Cathetan suku
besutPranala njawi
besut- Professor Sir Martin Evans FRS Archived 2011-07-10 at the Wayback Machine.