Menara Canton

Menara canton ingkang kawéntar kanthi nama Menara Guangzhou TV & Sightseeing inggih punika salah satunggaling menara ingkang celak kaliyan laladan Chigang Pagoda, Distrik Haizhu, Guangzhou, Républik Rakyat Cina. Menara punika sampun dumugi tropped-out nalika taun 2009 lan aktif kanggé Asian Games 2010^[1].

Menara punika kalebet salah satunggaling menara paling inggil wonten donya, nggeser Menara CN (553 m) ing Kanada ingkang sadèrèngipun pikantuk gelar minangka menara paling inggil ing donya kanthi dangu 34 taun. Menara Canton punika kalebet yasan paling inggil wonten ing Cina lan Asia Wétan. Menara Canton paling inggil nomer gangsal lan kalebet yasan ingkang jumeneng bébas nomer kalih sasampunipun Burj Khalifa.

Sajarah Menara Canton

Menara Canton dipunyasa déning arsitek Walanda Mark Hemel kaliyan Barbara Kuit' saking Irformation Based Architecture (IBA) sesarengan kaliyan ARUP ingkang kalebet perusahaan internasional désain rekayasa lan konsultasi bisnis ingkang mapan wonten kantor pusat ing London, Inggris. Nalika taun 2004, Irformation Based Architecture (IBA) lan ARUP menang kompetisi internasional awit kathah perusahaan ingkang tumut. Wonten ing taun ingkang sami IBA kaliyan ARUP ngembangaken désain konseping menara ing Amsterdam. Ngancik stadium lanjut, IBA makarya kaliyan kantor cabang ARUP ing Cina saha Design Local Institute ^[2].

Menara punika kabikak kanggé umum wiwit 1 Oktober 2010. Nalika tanggal 29 September 2010 kanthi resmi pamaréntah ngandharaken bilih menara punika dipunparingi nama Menara Canton sasampunipun rembugan ing wewengkon Guangdong babagan nama kanggé menara punika. Wonten ing taun 2009 pamaréntah damel lomba maringi nama menara. saking lomba punika pikantuk nama Hai Xin Ta (pusat laut) ingkang ngemu peraturan kutha sajarah Kanton wonten ing pinggiring delta Sungai Pearl. Nanging nama punika kathah ingkang boten sarujuk saking masarakat Guangzhou awit nama punika kalebet kuna.

Awit saking punika pamaréntah banjur damel nama ingkang nétral inggih punika Guangzhou Ta (Basa Cina) utawi Canton Tower (Basa Inggris).

Menara Canton Ngirit Energi Listrik

Menaca Canton punika nalika dalu katon éndah kanthi sesawangan lampu-lampu ingkang dipunrancang piyambak-piyambak kanthi ancas supados gampil anggènipun ngatur konfigurasi animasi lan éwah-éwahaning warna ing saben ketinggian menara. Menara punika katon gumebyar nanging namung mbetahaken 15% ènergi listrik. Saged ngiris kados makaten awit ngginakaken lampu LED. Arsitektur lampu LED ing Menara Canton punika inggih Rogier van der Heide, nimpuna ing babagan tata cahya lampu. Kathah lampu ing menara punika 7000 lampu ingkang nyinari saking ngandhap dumugi nginggiling menara ^[3].

Cathetan suku

↑ Menara Tertinggi di Dunia Archived 2012-10-13 at the Wayback Machine., Menara Canton (dipun-akses tanggal 22 Oktober 2012).
↑ [1] Archived 2014-07-29 at the Wayback Machine., Canton Tower TV tertinggi di donya (dipun-akses tanggal 29 Oktober 2012).
↑ [2] Archived 2012-12-13 at the Wayback Machine., Sekilas tentang Menara Canton (dipun-akses tanggal 27 November 2012).

Ugi pirsani

[internet1-1] Menara Tertinggi di Dunia Archived 2012-10-13 at the Wayback Machine., Menara Canton (dipun-akses tanggal 22 Oktober 2012).

[internet2-2] [1] Archived 2014-07-29 at the Wayback Machine., Canton Tower TV tertinggi di donya (dipun-akses tanggal 29 Oktober 2012).

[internet3-3] [2] Archived 2012-12-13 at the Wayback Machine., Sekilas tentang Menara Canton (dipun-akses tanggal 27 November 2012).

[1]

[2]

[3]