Mi gorèng

Mi gorèng ateges 'mi' sing digorèng ^[1]. Mi gorèng kalebu panganan sing akèh dipengini masarakat wiyar ing Indonésia, Malaysia, lan Singapura. Mi gorèng dipundamel saking mi kuning ingkang dipungorèng kanthi ngginakaken sekedhik lenga goreng, lajeng dipunsukani bumbu-bumbu kados bawang putih, brambang, udang saha daging ayam utawi daging sapi, bakso ingkang dipuniris-iris, lombok, janganan, tomat, tigan ayam, saha acar. Dhaharan punika gampil dipundamel saéngga kathah kapanggih ing pundi kémawon papan, saking ing warung-warung pinggir margi ngantos wonten ing restoran mewah.^[2]

Jinis-jinising mi gorèng

Wonten ing Indonésia, wonten manéka jinis mi gorèng ingkang namanipun dipunjumbuhaken kaliyan bumbu-bumbu ingkang dipun-ginakaken kanggé damel mi wau. Tuladhanipun, mi gorèng ingkang padatanipun dipunsukani ayam lajeng ayamipun dipungantos sapi mila mi gorèng kasebat dipunwastani mi gorèng spesial sapi, mi goreng spesial daging meda, mi goreng bumbu udang, lan sapanunggalanipun. Wonten malih Mi gorèng Aceh amargi mi goreng kasebat asalipun saking provinsi Aceh, bakmi nyemek Jawa, ugi mi goreng Surabaya amargi kas kitha Surabaya. Kanggé paring nama mir goreg ugi saged miturut swanten ingkang dipunasilaken nalika damel mi goreng kasebat, tuladhanipun mi goreng "tek-tek", mi goreng "dhog-dhog".

Bahan-bahan

Mi inggih jinis dhaharan ingkang gampil dipundamel. Déné bahan-bahan ingkang dipunbetahaken kanggé damel mi gorèng inggih punika kados makaten.

2 sdm lisah klentik
3 ler bawang putih, dipungeprak
3 batang godhong bawang dipunpendhet pérangan putih ipun, lajeng dipuniris lembut
200 gr daging sapi ingkang sampun dipungodhog lajeng dipunrajang alit-alit
100 gr udang teles
150 cc kaldu sapi
200 gr lubis dipunrajang lembut
100 gr cambah
sarem sak cekapipun
Mrica sakcekapipun
2 sdm kecap manis
250 gr mi teles
ron sledri
1 sdm brambang gorèng

Caranipun Damel

Prosès damel mi goreng inggih punika kados makaten.

Lisah klentik dipunpanasi,lajeng bawang putih dipunosèng sareng kaliyan godhong bawang ingkang sampun dipunrajang. Anggènipun ngosèng ngantos gandanipun arum.
Salajengipun, udang kaliyan daging dipunlebetaken, lajeng dipunudhak ngantos mateng. Manawi sampun lajeng toya kaldunipun dipunlebetaken.
Prosès salajengipun, sadaya janganan lan bumbu dipunlebetaken lan dipunjangan ngantos jangananipun layu.
Mi lajeng dipunlebetaken lajeng dipunudhak-udhak sekedhap lan dipunangkat.
Mi dipunsajèkaken wonten ing piring lajeng dipunsukani rajangan godhong seledri saha brambang gorèng.
Manawi sampun, mi sampun samekta dipunsajèkaken, langkung saé manawi dipunsajèkaken nalika taksih panas, dipunsukani kaliyan lombok rawit saha acar. .^[3]

Cathetan suku

↑ Guerin, Bill (2003-12-23). "World's top noodle maker loses its bite". Asia Times Online. Diarsip saka sing asli ing 2016-03-03. Dibukak ing 2012-12-01.
↑ [1](dipunundhuh tanggal 1 Desember 2012)
↑ "Archive copy". Diarsip saka sing asli ing 2014-08-21. Dibukak ing 2014-09-13.{{cite web}}: CS1 maint: archived copy as title (link)

[1] Guerin, Bill (2003-12-23). "World's top noodle maker loses its bite". Asia Times Online. Diarsip saka sing asli ing 2016-03-03. Dibukak ing 2012-12-01.

[internet_2-2] [1](dipunundhuh tanggal 1 Desember 2012)

[internet_3-3] "Archive copy". Diarsip saka sing asli ing 2014-08-21. Dibukak ing 2014-09-13.{{cite web}}: CS1 maint: archived copy as title (link)

[1]

[2]

[3]