Wikipédia

Musiyum Perjuangan Yogyakarta

Koordhinat: 7°48′59″S 110°22′19″E / 7.8165011°S 110.3718396°E / -7.8165011; 110.3718396

Musiyum Perjuangan Yogyakarta inggih punika musiyum ingkang gadhah koléksi babagan perjuanganipun bangsa Indonésia. Papan dunungipun kirang langkung 2 km saking pusat kutha Yogyakarta.[1]

Musiyum Perjuangan Yogyakarta
Museum Perjuangan Yogyakarta
Tetélan pokok
Cakrik yasanJawa-Romawi
KuthaJl. Kolonel Sugiyono 24, Yogyakarta
NagaraIndonésia
Diyasa kawit5 Oktober 1959
Rampung29 Juni 1961
ManagementMuseum Benteng Vredeburg

Sajarah

besut

Nalika péngetan sepalih abad kebangkitan nasional, ing Yogyakarta nalika taun 1958 sampun dumadi sawijining panitia ingkang gadhah nama "Panitia setengah Abad Kebangkitan Nasional Daerah Istimewa Yogyakarta". Panitia mau dipunpandégani déning Sri Sultan Hamengkubuwana IX saha gadhah anggota saking kepala-kepala jawatan, wakil-wakil saking kalangan militèr sarta pulisi, pangarsa-pangarsa parté saha organisasi saking sadaya aliran saha kapitadosan ingkang kagabung wonten ing Panitia Persatuan Nasional (PPN), kaum cerdik cendekiawan saha karya.[2].

Nalika tanggal 20 Mèi 1958, ing plataran Gedung Agung, Yogyakarta dipunadani upacara péngetan sepalih abad kebangkitan nasional. Kajawi punika, ugi dipunadani rangkéan kagiyatan antawisipun gotong royong, obahan nambah kasil bumi, ngempalaken bingkisan kanggé dipunkintun dhumateng kesatuan-kesatuan ingkang nembé berjuang numpes pemberontakan, sarta ngawontenaken ziarah wonten ing pasaréyanipun para pahlawan nasional. Éwadéné makaten, panitia ngraos taksih wonten ingkang kirang. Amargi punika wonten gagasan saking Sri Sultan Hamengkubuwono IX minangka pangarsa Panitia Setengah Abad Kebangkitan Nasional Laladan Istimewa Yogyakarta kanggé ngawontenaken salah sawijining tilas dhumateng génerasi ingkang énggal.[3].

Sabibaripun upacara tanggal 20 Mèi 1958, dipunadani rapat panitia. Rapat saged mbentuk Panitia Monumen Setengah Abad Kebangkitan Nasional ingkang anggotanipun kasungsun saking anggota Dewan Pimpinan Panitia Peringatan Setengah Abad Kebangkitan Nasional Yogyakarta. Minangka papan dunungipun monumén Sri Sultan Hamengkubuwana IX maringi sapérangan halaman Ndalem Brontokusuman.[4].

Pratélan Panitia Monumén Setengah Abad Kebangkitan Nasional

besut
 
Museum Perjuangan Yogyakarta
  • Ketua: Sri Sultan Hamengkubuwana IX
  • Wakil Ketua I: Sri Paku Alam VIII
  • Wakil Ketua II: Moh. Djamhari (EYD Moh. Jamhari)(anggota DPD DIY)
  • Wakil Ketua III: Letkol Joesmin (EYD: Letkol Yusmin) (Kepala Staf Resimen Infantri 13)
  • Wakil Ketua IV: Mayor R.M Hardjokoesoemo (EYD: Mayor R.M Harjokusumo) (Kom. KMK Yogyakarta)
  • Wakil Ketua: Mr. Soedarisman Poerwokoesoemo (EYD: Bpk. Sudarisman Puwokusumo) (Kepala Laladan Kota Praja Yogyakarta)[5]
  • Sekretaris: R. Soetardjo (EYD: Sutarjo) (Kepala Japendi Yogyakarta)
  • Anggota:
Kom. Bes. R. Soemarsono (EYD: Kom. Bes. R. Sumarsono) (Kepala Pulisi DIY)
K.R.T Kertoprodjo (EYD: K.R.T Kertoprojo) (Kepala Jawatan Keuangan DIY)
R. Rio Darmoprodjo (EYD: R. Rio Darmoprojo) (Kepala Jawatan Sosial DIY)
R. Mangoenwasito (Kepala Djawatan PP dan K. DIY)
Prodjosudono (Kepala Djawatan Penerangan Yogyakarta)
Lets. Soejoedi (Ketua BKSPM DIY)
Soesila Prawirosoesanto (Angggota PPN dari Parté Nasional Indonésia)
Bismo Wignyoamidjojo (Anggota PPN dari Parté Kuminis Indonésia)
S. Mangoenpuspito (Anggota PPN dari parté Masyumi)
R.W. Probosoeprojo (Anggota PPN dari Parté Nasional Indonésia)
Winoto (Anggota PPN dari PRI)
Ds. SP. Poerbowijogo (Anggota PPN dari Parté Kristen Indonésia)
Ibnoe Moekmin (Anggota PPN dari Parté Syarikat Islam Indonésia)
Daljoeni (Anggota PPN dari Parté Indonesia Raya)
Prodjokaskojo (Anggota PPN dari Parté Indonesia Raya)
Ny. Sahir Nitihardjo (Ketua POWJ)
K.R.T Labaningrat (Sekretaris I Pem. Yogyakarta)
Prof. Ir. Soewandi (Ahli Wangunan dari Universitas Gadjah Mada)
R.M Srihandojokoesoemo (Ahli Kebudayaan)
Soedharso Pringgobroto (Ahli Kesenian dari Jawatan PP dan K DIY)
Kepala Perwakilan Jawatan Kebudayaan PP dan K

Salajengipun kanggé ngrembag punapa saha kados pundi monumén punika samangké, panitia monumén sepalih abad kebangkitan nasional ndamel panitia mirunggan. Amargi cacahipun anggota saking panitia punika cacahipun tiyang 9, saéngga asring dipunsebut kanthi nama Panitia Sembilan.[6]. Punika susunan panitia sembilan mau:

  • Ketua: Soenaryo Mangoenpoespito
  • Sekretaris: Soetardjo
  • Anggota:
Mr. Soedarisman Poerwokoesoemo
Soenito Djojosoegito
Ny. Sahir
Bismo Wignjoamidjojo (EYD: Bismo Wignyoamijaya)
Daljoeni
Fadlan AGN
RW. Probosoeprodjo (EYD: RW. Probosupraja)
Mangoenwarsito


Nalika tanggal 22 Mèi 1958 panitia mirunggan ngawontenaken rapat ing gedung Japendi (Jawatan Penerangan). Rapat ngrembag prakawis-prakawis ingkang gegayutan kaliyan kepanitiaan, makna wigatining monumén, papan dunungipun monumén, wujud monumén, sumber dana, saha rencana makarya. Nalika tanggal 7 Juli 1958, wonten rapat pleno ingkang dipunpimpin déning Sri Sultan Hamengkubuwono IX panitia monumén setengah abad kebangkitan nasional sarujuk kaliyan punapa ingkang dipunrencanakaken saha dipunlaksanakaken déning panitia mirunggan. Kanggé gegayutan kaliyan punika, saéngga wonten ing rapat mau dumadi kalih panitia alit.[7]

Susunan kepanitiaan mau kados punika:

Panitia Teknis, ingkang kasungsun saking:

  • Ketua: Prof. Ir. Soewandi
  • Sekretaris: dipunpundhut personel saking Djapendi, saha ugi kantoripun ing Japendi.
  • Anggota: Bismo Wignyoamidjojo saha Winoto

Panitia Keuangan, ingkang kasungsun saking:

  • Ketua: Soenarjo Mangoenpoespito (EYD: Sunaryo Mangunpuspito)
  • Anggota: dipunpundhut personel saking Resimen Infantri 13, Ds. S.P. Purbowijogo

Rapat ugi netepaken Mr. Soedarisman Poerwokoesoemo kanggé nghubungi pengurus/panitia ingkang rumiyin naté dumadi kanggé mendhet alih pedamelan saha kasuwun supados ntetepaken wakilipun kanggé ngisi ing Panitia Monumen Setengah Abad Kebangkitan Nasional.

Prelu dipunmangertosi bilih ing Yogyakarta wiwit tanggal 2 Dhésèmber 1952 sampun dumadi panitia sawatara ingkang ancasipun ngrantam jumenengipun sawijining musiyum perjuangan ingkang badhé dipun-ginakaken kanggé nyimpen saha njagi barang-barang ingkang dipun-ginakaken déning rakyat Indonésia nalik masa perjuangan kamardikan.

Punika susunan kepanitiaan nalika rumiyin:

  • Ketua: Sri Paku Alam VIII
  • Wakil Ketua: Prof. Mr.A.G. Pringgodigdo
  • Sekretaris: I. Hutauruk
  • Bendahara: RM. Dryono
  • Anggota:
Kol. Bachrun, Overste Sarbini
Pemb. Komisaris Besar Pulisi Sudjono Hadipranoto
R. Patah
Mr. Soedarisman Poerwokoesoemo.

Cathetan suku

besut
  1. ↑ [1][pranala mati permanèn](dipunundhuh tanggal 5 November 2012)
  2. ↑ [2][pranala mati permanèn](dipunundhuh tanggal 5 November 2012)
  3. ↑ [3](dipunundhuh tanggal 5 November 2012)
  4. ↑ [4](dipunundhuh tanggal 5 November 2012)
  5. ↑ [5](dipunundhuh tanggal 5 November 2012),Kutha Ngayogyakarta ingkang kasungsung saking laladan Kasultanan saha Pakualaman tembé dados Kota Praja utawi Kota Otonomi kanthi Undang-Undang Nomor 17 Tahun 1947, wonten ing pasal I nyebataken bilih Kabupatèn Kutha Ngayogyakarta ingkang kasungsun saking wewengkon Kasultanan saha Pakualaman sarta manéka laladan saking Kabupatèn Bantul ingkang sapunika dados Kacamatan Kuthagedhé saha Umbulharjo katetepaken minangka laladan ingkang berhak ngatur saha ngurus rumah tangganipun piyambak. Laladan mau dipunsukani nama Haminte Kutha Ngayogyakarta
  6. ↑ [6][pranala mati permanèn](dipunundhuh tanggal 5 November 2012)
  7. ↑ [7][pranala mati permanèn](dipunundhuh tanggal 5 November 2012)
  • Dadun Widoyoko (1993). Selayang Pandang Museum Perjuangan Yogyakarta. Departemen Pendidikan dan Kebudayaan.
  • Depdikbud (1977). Sajarah Daerah Istimewa Yogyakarta. Proyek Penelitian dan Pencacatan Kebudayaan Laladan.
  • Museum Perjuangan Yogyakarta (1961). Sedjarah Musium Perdjuangan Yogyakarta, Panitia Setengah Abad Kebangkitan Nasional Jogjakarta. Museum Perjuangan.
  • Djamal Marsudi, dkk (1985). Yogyakarta Benteng Proklamasi. Barahmus DIY.

Uga delengen

besut
Dijupuk saka "https://jv.wikipedia.org/w/index.php?title=Musiyum_Perjuangan_Yogyakarta&oldid=1658227"