Musiyum Rumah Kelahiran Buya Hamka
Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Musiyum Rumah Kelahiran Buya Hamka inggih punika musiyum ingkang dumunung ing kiwa-tengené tlaga Maninjau, papanipun ing nagari Sungai Batang, kacamatan Tanjung Raya, kabupatèn Agam, Sumatera Barat. Museum punika wiwit kabangun nalika taun 2000 saha dipunremikaken nalika taun 2001 déning Gubernur Sumatera Barat nalika samanten, Zainal Bakar. jumbuh kaliyan namanipun, musiyum punika mligikaken dhumateng koléksi barang-barang Buya Hamka, ingkang bangunanipun minangka griya Hamka dipunlairaken.[1]
| Museum Rumah KelahiranBuya Hamka | |
|---|---|
 | |
| Tetélan pokok | |
| Cakrik yasan | Museum |
| Kutha | Nagari Sungai Batang, kacamatan Tanjung Raya, kabupatèn Agam, Sumatera Barat |
| Nagara | Indonésia |
| Diyasa kawit | Dhésèmber 2000 |
| Rampung | November 2001 |
| Technical details | |
| Size | 15 × 10 mèter |
Musiyum Rumah Kelahiran Buya Hamka dumunung ing papan ingkang inggilipun antawis 5 mèter saking margi ageng.[2] Museum ngadhep ing sisih kilén utawi tlaga Maninjau. Museum punika gadhah wujud arsitèktur ingkang sami kaliyan Rumah Gadang kanthi payon gonjong saha rerenggan ukiran Minang.
Museum punika wiwit dipunbikak tabuh 8.00 dumugi 15.00 WIB.[1] Saking kathahing pangunjung musiyum, kathah ingkang asalipun saking nagara manca, kados ta Malaysia, Singapura, saha Brunei Darussalam.
Sajarah
besutMuseum punika sadéréngipun minangka griya ing pundi Haji Abdul Malik Karim Amrullah utawi langkung asring dipunsebut Hamka lair. Griya punika gadhahanipun simbahipun Hamka mau badhé dipunmusnakaken nalika jaman penjajahan Jepang ing Indonésia. Lajeng nalika taun 2000 wonten gagasan saking Gubernur Sumatera Barat, Zainal Bakar kanggé yasa malih griya punika kanthi tetep njagi wujud aslinipun, saha ndadosaken musiyum.[3] Kanthi pambiyantu saking manďka pihak ingkang wonten ing Sumatera Barat punapa saking njawi Sumatera Barat mliginipun Malaysia, kanthi wekdal 11 wulan pambangunan musiyum punika saged rampun saha dipunremikaken déning Zainal Bakar padha tanggal 11 November 2001.[4]
Koléksi
besutWonten manéka koléksi barang tilas Hamka ing salebeting musiyum. Atusan buku, kalawarta, saha arsip-arsip babagan Hamka kasimpen ing lemari kaca. Déné puluhan foto dipunpajang ing témbok saben ruangan. Nanging kathah katrangan foto ingkang boten akurat, kados ta foto Hamka kaliyan mantan Ketua Majelis Permusyawaratan Rakyat utawi Mantan Ketua Dewan Perwakilan Rakyat Amir Machmud, ingkang kaserat "Hamka kaliyan Hamir Marmut".[5]
Kajawi foto kaliyan Bung Karno, Bung Hatta, saha tokoh sanès, ugi wonten foto Hamka wiwit taksih laré, remaja, sarta foto lautan manungsa ngeteraken jenazah Hamka nalika séda ing taun 1981. Kapajang ugi foto ingkang nggambaraken caketipun Hamka nalika taksih remaja kaliyan Muhammad Natsir, mantan Mahamantri Indonésia saha ketua parté Masyumi kelairan Alahan Panjang, Solok ingkang aslinipun ugi saking Maninjau.[5]
Ing ruwang tamu musiyum, wonten ugi sawijining méja papan kanggé pangunjung ngisi buku tamu. Ing sisih ruwang tamu, kasusun 5 rak buku kaca papan nyimpen buku-buku koléksi musiyum ingkang cacahipun antawis 200 sesirah. Nanging saking antawis 118 sesirah karya Hamka, ingkang kasimpen ing musiyum punika naming 28 sesirah kémawon.[5]
Ing ruwang kamar, wonten papan kanggé saré kanthi kain kelambu pethak ingkang rumiyin dados papan kanggé saré déning Hamka. Kajawi punika, ugi wonten ruwang mligi ingkang dipunjangkepi kursi tilas tiyang sepuhipun Hamka, lampu gantung kuna, 1 koper nalika Hamka minggah haji, 8 tongkat, saha ageman wisuda jangkep kanthi toga nalika Hamka kaangkat dados Dhoktor Honoris Causa saking Universitas Kebangsaan Malaysia sarta Universitas Al-Azhar, Cairo, Mesir. Sapérangan ageng barang-barang mau minangka sumbangan saking kulawrganipun Hamka kaliyan Universitas Kebangsaan Malaysia.[5]
Cathetan suku
besut- ↑ a b Adiguna, Ryanda (2011). "Buya Hamka, Pemberontak di Indonésia, Pahlawan Bagi Malaysia". Kompasiana.com. Diarsip saka sing asli ing 2011-12-25. Dibukak ing 2012-11-04.
- ↑ http://www.mlancong.com Museum Rumah Kelahiran Buya Hamka[pranala mati permanèn]. Dipunundhuh tanggal 4 November 2012.
- ↑ Hidayat, Fajri. "Museum Rumah Kelahiran Hamka tak Diperhatikan Pemkab Agam". Padang-today.com. Diarsip saka sing asli ing 2022-06-27. Dibukak ing 2012-11-04.
- ↑ Subhan, Muhammad (2011). "Menelusuri Jejak Hamka di Maninjau Nan Memukau". Kompasiana.com. Dibukak ing 2012-11-04.[pranala mati permanèn]
- ↑ a b c d Makmur, Hendra. "Melongok Museum Rumah Kelahiran Buya Hamka". Media Indonésia. Dibukak ing 2012-11-04.[pranala mati permanèn]
Pranala njaba
besut- Adiguna, Ryanda. "Buya Hamka, Pemberontak di Indonésia, Pahlawan Bagi Malaysia". Diarsip saka sing asli ing 2011-12-25. Dibukak ing 2012-11-04.