Musiyum Tembi

Musiyum Tembi utawa Griya Budaya Tembi utawi wonten ing Basa Inggris Tembi House of Culture ingkang wonten ing Jl.Parangtritis Km. 8,4 Tembi, Timbulharja, Sèwon, Bantul 55188, Yogyakarta punika musiyum ingkang mirunggan kanggé kabudayan Jawi, mliginipun kabudayan masarakat Jawi wonten ing désa Tembi, Bantul. Musiyum punika bikak saben dinten Senin dumugi dinten Jumat, tabuh 09.00-16.00 WIB. wiyaripun yasan utama inggih punika 212m2, lajeng wiyaripun sadaya yasan punika kirang langkung 1057m2 mapan wonten ing lemah kanthi wiyar 3500m2.

Musiyum Tembi (Rumah Budaya Tembi)
Tetélan pokok
Cakrik yasan	Jawa
Kutha	Tembi, Timbulharjo, Sewon, Bantul Yogyakarta
Nagara	Indonésia

Musiyum Tembi (Rumah Budaya Tembi) punika nyimpen barang-barang warisan budaya Jawa. Musiyum punika dipun-resmiake nalika 21 Oktober 1999, kanthi wiwitanipun saking Lembaga Studi Jawa ingkang pindah dhateng dhusun Tembi, Timbulharjo, Sewon, Bantul, Yogyakarta nalika 6 September 1995 .

Wonten ing musiyum punika nyimpen manéka warni koleksi kados ta piranti dhapur kados tungku lan dhandhang, gamanipun masarakat Jawi kados ta keris lan tombak. Kajawi punika wonten ugi piranti tani kados ta luku saha piranti kesenian kados gamelan lan bathik.

Papan

Jl.Parangtritis Km. 8,4 Tembi, Timbulharjo, Sewon, Bantul 55188, Yogyakarta .

Wangunan

Nalika kapindahan Lembaga Studi Jawa dhateng dhusun Tembi, pendhapa lan musiyum dados banungan utami. Ing taun 2000 dipuntambahi sisih sayap lajeng saben ruangan dipunparingi nama kados musiyum kanthi nama Madyasura. Wonten ing taun 2008 dipuntambahi malih sisih wétan kanggé nyipeng .

Koleksi

Manéka warni kolèksi ingkang wonten ing musiyum Tembi inggih punika:

• Piranti pawon kados ta tungku lan dhandhang.
• Gamané masarakat Jawi kados ta keris lan tombak.
• Piranti tani kados ta bajak utawi luku.
• Piranti kesenian kados ta gamelan kaliyan bathik .

Kontribusi

• Maringi informasi babagan sajarah lan budaya.
• Ngawontenaken pameran seni lan residensi perupa.
• Ngawontenaken pagelaran seni tradisonal saha kontemporer.
• Produksi karya seni kanthi kualitas ingkang saé kanthi dhapukan kelompok musik lan kelompok jogèd. Kajawi punika ugi njurung produk seni ingkang gadhah kualitas saé minangka manisfestasi saking usaha pancipta.
• Paring panjurung kanggé para wiri enem (sangandgaping yuswa 25 taun) ingkang gadhah karemenan dhumateng seni lan budaya kanthi kriteria ingkang sampung dipundamel déning Tembi Rumah Budaya .

Struktur Organisasi

Wonten ing Lembaga punika kapérang dados 6 divisi, inggih punika:

1. Babagan pagelaran budaya lan kursus.
2. Babagan dokumentasi dan publikasi, ingkang kapérang malih dados:

a. Babagan griya kanggé dokumentasi budaya,

b. Babagan database,

c. Babagan kapustakan utawi pabukon

1. Babagan umum lan gladri.
2. Babagan balai roepa.
3. Babagan program kanggé laré-laré.
4. Babagan rumah tangga lan bendahara.