Musiyum Tsunami Acèh

Koordhinat: 5°32′51.8″N 95°18′54.3″E / 5.547722°N 95.315083°E / 5.547722; 95.315083

Musiyum Tsunami Acèh inggih punika salah satunggaling musiyum ingkang papan dunungipun wonten ing Provinsi Acèh, musiyum punika dipunyasa wonten ing Banda Acèh, Indonésia, kanggé ngenang lindhu Samodra Hindia 2004 sarta dados pusat pendidikan saha papan kanggé njagi kaslametan saking bencana tsunami.[1]

Museum Tsunami Acèh
Museum Tsunami Acèh taun 2008
Dikukuhaké26 Desember 2009
PernahBanda Acèh, Indonésia

Desain besut

Musiyum Tsunami Acèh dipunrancang déning arsiték asal Indonésia, Ridwan Kamil. Museum punika minangka sawijining struktur sekawan tingkat kanthi amba 2.500 m² ingkang témbok lengkungipun dipuntutupi kaliyan relief geometris. Wonten ing salebetipun, pengunjung mlebet saking lorong sempit lan peteng ing antawisipun kalih témbok tirta ingkang inggil — kanggé nyiptakaken malih swasana lan kepanikan nalika tsunami. Tembok musiyum dipunhiasi gambar tiyang-tiyang nari Jogèd Saman, sawijining makna simbolis dhumateng kekiyatan, disipli, lan ugi kapitadosan religius suku Acèh.[2] Saking inggil, atapipun maujud gelombang laut. Lanté ingkang paling ngandhap dipunrancang mirib kados griya panggung tradhisional Acèh ingkang slamet saking bencana tsunami.[2] Wangunan punika mengeti para kurban, ingkang namanipun dipuncantumaken ing témbok salah satunggaling ruwang paling lebet ing musiyum, lan warga masarakat ingkang slamet saking bencana tsunami punika.[2] Kajawi peranipun minangka tugu pengetan tumrap para kurban ingkang séda, musiyum punika ugi migunani minangka papan perlindungan saking bencana ingkang sami ing wekdal samangke, kalebet ugi "bukit pengungsian" tumrap pengunjung manawi tsunami kadadosan malih.[2]

Koleksi besut

Pameran wonten ing musiyum punika ngambah simulasi elektronik lindhu lan tsunami Samodra Hindia 2004, sarta foto kurban lan cariyos ingkang dipuntuturaken déning para kurban ingkang slamet.[2]

Museum punika dipunrancang déning arsiték Indonésia Ridwan Kamil. Musiyum Tsunami Acèh nedahaken simulasi éléktronik lindhu ing samodra Hindia 2004, foto-foto kurban saha cariyos saking kurban ingkang slamet saking bencana tsunami nalika rumiyin.

Kenangan besut

Bencana Tsunami ingkang naté kadadosan ing tanah Acèh lan wewengkon sanèsipun nalika tanggal 26 Dhésèmber 2004 kala rumiyin, gadhah sisa cariyos ingkang dipunraosaken déning warga masyarakatipun. Kenangan babagan kuwaosanipun alam mau rawuh ing sawijining Musiyum Tsunami Acèh ingkang papanipun dumunung ing Jl. Sultan Iskandar Muda, Kampung Sukaramai, Baitturahman, Banda Acèh.

Museum ingkang dipunyasa nalika taun 2007 mau, kanthi Arsitektur modhèren ingkang saged ngrawuhaken raos mlebet malih utawi nglalami malih bencana tsunami amargi yasan ingkang awerni klawu lan wujudipun bunderan punika panci dipunrancang saperlu ngemutaken malih swasana lan kaanan bencana tsunami ingkang kadadosan nalika taun 2004. Miturut pemandu, yasan ingkang dipunarsiteki putera bangsa ingkang nama M. Ridwan Kamil, salah satunggaling arsitèk saking ITB Bandung.

Kapisanan, pengunjung dipunrawuhaken swasana dramatis kanthi nglewati sawijining lorong ingkang peteng dipunkancani swanten tirta ingkang ngalir ing kekalih témbok lorong punika. Swasana mau ingkang saged nggiring raos pengunjung dhunateng kados pundi nggegirisinipun bencana tsunami ingkang numpesaken 1207 kurban jiwa.[3]

Cathetan suku besut

  1. "Tsunami museum opens in Indonesia". BBC News. {{cite news}}: Text "tanggal 4 November 2012" ignored (pitulung)
  2. a b c d e ["Acèh Tsunami Museum offers tribute to victims and survivors". WorldArchitectureNews.com. World Architecture News. 6 Maret 2009.]
  3. [1]

Pranala njaba besut