Otto Iskandardinata

Radèn Otto Iskandardinata (lair ing Bandhung, Jawa Kulon, 31 Maret 1897 – kapundhut ing Mauk, Tangerang, Banten, 20 Dhésèmber 1945 nalika yuswa 48 taun) ya iku Pahlawan Nasional Indonésia. Dhèwèké pikantuk jejulukan Si Jalak Harupat.

Wiwitaning Urip

Bapake Otto keturunan bangsawan Sunda jenengé Nataatmadja. Otto iku anak nomer telu saka sadulur kang cacahé sanga.

Otto sekolah SD ing Hollandsch-Inlandsche School (HIS) Bandhung, banjur nerusaké ing Kweekschool Onderbouw (Sekolah Guru Pérangan Pertama) Bandhung, lan ing Hogere Kweekschool (Sekolah Guru Atas) ing Purworejo, Jawa Tengah. Sawisé rampung sekolah, Otto dadi guru ing Banjarnegara, Jawa Tengah. Ing Juli 1920, Otto pindah ing Bandung lan dadi guru ing HIS lan gabung kumpulan Perguruan Rakyat.^[1]

Sadurungé mardika

Kagiyatan pergerakane Otto ing masa sakdurunge Mardika ya iku pernah dadi Wakil Ketua Budi Utomo ing Bandung periode 1921-1924 lan Wakil Ketua Budi Utomo ing Pekalongan taun 1924. Pas kui, dhèwèké dadi Gemeenteraad (Rad Kutha) Pekalongan makili Budi Utomo.

Otto uga aktif ing organisasi Budaya Sunda, jenenge Paguyuban Pasundan. Dhèwèké dadi Sekretaris Pengurus Gedhe taun 1928 lan dadi pesirahé ing taun 1929-1942. Organisasi kasebut lumaku ing babagan pendidhikan, sosial budaya, politik, ekonomi, kepemudaan, lan pemberdayaan wanita.

Otto uga dadi anggota Volksraad (Dewan Rakyat) sing dibentuk ing jaman Hindia Belanda ing periode 1930-1941. Ing jaman penjajahan Jepang, Otto dadi Pemimpin layang kabar Tjahaja. Dhèwèké banjur dadi anggota BPUPKI lan PPKI kang dibentuk dening pemerintahan Jepang kanggo mbiyantu nyawisake kamardikan Indonesia.

Sawisé mardika

Sakwise proklamasi kamardikaan Indonesia, Otto dadi Menteri Nagari ing kabinet kaping pisan Republik Indonesia taun 1945. Dhèwèké nduwé tugas nyiapake BKR saka laskar-laskar rakyat kang ono ing Indonesia. Amarga sawijing perkara kang ndadèkaké rasa kuciwa ing salah siji laskar, Otto diculik karo Laskar Hitam, Otto banjur ilang lan tilar donya ing tlatah Banten.

Pahlawan Nasional

Otto dipun angkat dados Pahlawan Nasional cocog karo Layang Keputusan Presidan Republik Indonesia Nomer 088/TK/Tahun 1973, tanggal 6 November 1973. Monumen Pasir ing Lembang, Bandung dibangun kanggo mengeti perjuangane Otto Iskandardinata. Jeneng Otto Iskandardinata uga didhadeake jeneng dalan ing ngendi-endi panggon.

Rujukan

↑ Sunarti, Linda (2016-12-31). "SEJARAH INDONESIA DALAM KONTEKS POLITIK GLOBAL DAN REGIONAL". Sejarah dan Budaya : Jurnal Sejarah, Budaya, dan Pengajarannya. 10 (2): 161–173. doi:10.17977/um020v10i22016p161. ISSN 1979-9993.

[1] Sunarti, Linda (2016-12-31). "SEJARAH INDONESIA DALAM KONTEKS POLITIK GLOBAL DAN REGIONAL". Sejarah dan Budaya : Jurnal Sejarah, Budaya, dan Pengajarannya. 10 (2): 161–173. doi:10.17977/um020v10i22016p161. ISSN 1979-9993.

[1]